ຮອດມືແລ້ວ! ກະຊວງ ຮສສ ຊ່ວຍເຫຼືອເຂົ້າ 1ພັນກວ່າໂຕນ ແກ່ສະຫວັນນະເຂດ

ຮອດມືແລ້ວ! ກະຊວງ ຮສສ ຊ່ວຍເຫຼືອເຂົ້າ 1ພັນກວ່າໂຕນ ແກ່ສະຫວັນນະເຂດ

2nd March 2020 0 By Education

ພິທີມອບ-ຮັບເຂົ້າຊ່ວຍ ເຫຼືອໃຫ້ປະຊາຊົນຜູ້ທີ່ໄດ້ ຮັບຜົນກະທົບຈາກໄພພິບັດປີ 2019 ຢູ່ແຂວງສະຫວັນນະ ເຂດ ໄດ້ຈັດຂຶ້ນໃນຕອນເຊົ້າ ຂອງວັນທີ 27 ກຸມພາ 2020 ຢູ່ທີ່ສະໂມສອນເມືອງໄຊບູລີ. ໂດຍການເຂົ້າຮ່ວມຂອງທ່ານ ປອ ໂພໄຊ ໄຊຍະສອນ ຮອງ ເຈົ້າແຂວງສະຫວັນນະເຂດ, ທ່ານ ນາງ ໃບຄຳ ຂັດຕິຍະ ຮອງລັດຖະມົນຕີກະຊວງ ແຮງງານ ແລະສະຫວັດດີ ການສັງຄົມ, ມີບັນດາ ທ່ານ ເຈົ້າເມືອງ, ຮອງເຈົ້າເມືອງ ທີ່ໄດ້ຮັບຜົນກະທົບໃນທົ່ວ ແຂວງ, ຫ້ອງການແຮງ​ງານ ແລະສະຫວັດດີການ-ສັງຄົມ ເມືອງ ເຂົ້າຮ່ວມໃນພິທີຄັ້ງນີ້.


ໃນການມອບ-ຮັບເຂົ້າ ຄັ້ງນີ້ປະກອບມີເຂົ້າຊ່ວຍເຫຼືອ ຈາກກະຊວງແຮງງານ ແລະສະ ຫວັດດີການສັງຄົມຈຳນວນ 1.108 ໂຕນ, ມູນຄ່າ 9,9 ຕື້ກວ່າກີບ, ມອບໂດຍທ່ານ ນາງ ໃບຄຳ ຂັດຕິຍະ ແລະ ຮັບ ໂດຍ ທ່ານ ປອ ໂພໄຊ ໄຊຍະສອນ, ຈາກນັ້ນກໍ່ໄດ້ມອບຕໍ່ໃຫ້ ບັນດາເມືອງທີ່ໄດ້ຮັບຜົນກະ ທົບ ຈາກໄພພິບັດປີ 2019, ໃນນັ້ນປະກອບດ້ວຍ: ເມືອງ ໄຊບູລີ 85 ໂຕນ, ເມືອງສອງຄອນ 120 ໂຕນ, ເມືອງຈຳພອນ 130 ໂຕນ, ເມືອງຊົນນະບູລີ 80 ໂຕນ

ນະຄອນໄກສອນ ພົມວິຫານ 52 ໂຕນ (ແຮໄວ້ 32 ໂຕນ), ເມືອງອຸທຸມພອນ 20 ໂຕນ, ເມືອງອາດສະພັງທອງ 20 ໂຕນ, ເມືອງໄຊພູທອງ 20 ໂຕນ, ເມືອງທ່າປາງທອງ 90 ໂຕນ, ເມືອງວິລະບູລີ110 ໂຕນ, ເມືອງນອງ 110 ໂຕນ, ເມືອງ ເຊໂປນ 110 ໂຕນ, ເມືອງພີນ 110 ໂຕນ, ເມືອງ ພະລານໄຊ 20 ໂຕນ ແລະເມືອງອາດສະ ພອນ 30 ໂຕນ. ເຊິ່ງເຂົ້າຈຳ ນວນດັ່ງກ່າວທາງເມືອງ ກໍ່ຄືຫ້ອງການທີ່ກ່ຽວຂ້ອງ ຈະໄດ້ພ້ອມກັນແຈກຢາຍໃຫ້ ບັນດາຄອບຄົວຜູ້ທີ່ໄດ້ຮັບ ຜົນກະທົບຈາກໄພພິບັດໃນໄລ ຍະຜ່ານມາ.


ໂອກາດດັ່ງກ່າວ, ທ່ານນາງ ໃບຄຳ ຂັດຕິຍະ ແລະທ່ານ ປອ ໂພໄຊ ໄຊຍະສອນ ກໍ່ໄດ້ພ້ອມ ກັນມີຄຳເຫັນ ແລະໄດ້ເນັ້ນ ໜັກໃຫ້ທຸກພາກສ່ວນຈົ່ງພ້ອມ ກັນເອົາໃຈໃສ່ຊ່ວຍເຫຼືອພໍ່ແມ່ ປະຊາຊົນກໍ່ຄືຄອບຄົວຜູ້ທີ່ໄດ້ ຮັບຜົນກະທົບ, ຕ້ອງ​ໄດ້ແຈກ ຢາຍເຂົ້າໃນຄັ້ງນີ້ໃຫ້ທົ່ວເຖິງ ທຸກຄອບຄົວ, ເຖິງແມ່ນວ່າມັນ ຈະບໍ່ທ່ວງທັນກັບສະພາບປານ ໃດກໍ່ຕາມແຕ່ການນຳພັກ-ລັດ ກໍ່ເປັນຫ່ວງເປັນໄຍຕໍ່ຄອບຄົວ ຜູ້ທີ່ໄດ້ຮັບຜົນກະທົບໃນປີທີ່ ຜ່ານມາ

ທີ່ມາ: ສະຫວັນພັດທະນາຂ່າວ