ຍອມອອກໂຮງຮຽນຫາເງິນສົ່ງຜົວຮຽນ ເມື່ອໄດ້ດີສາມີບອກລາ

ຍອມອອກໂຮງຮຽນຫາເງິນສົ່ງຜົວຮຽນ ເມື່ອໄດ້ດີສາມີບອກລາ

4th March 2020 0 By Education

ຄວາມຮັກບໍ່ສາມາດວັດດ້ວຍການເວລາ, ບໍ່ອາດບອກຄົນອີກຄົນໃຫ້ກັບມາຢູ່ນຳກັນໄປຕະຫຼອດການ ຄົນຈະໄປເມື່ອໝົດຮັກຄົນຈະກັບມາເມື່ອທາງຕັນ ແຕ່ຄົນໆນັ້ນເມື່ອໃຈໄປແລ້ວຈະເອົາກັບຄືນກໍ່ບໍ່ມີຄວາມໝາຍ ສິ່ງສຳຄັນຂອງການເປັນຜົວເມຍບໍ່ຄວນປ່ອຍໃຈຫຼາຍເກີນໄປຈົນລືມໂຕເອງ ເພາະບໍ່ມີຫຍັງມາກາລັງຕີຄວາມໝັ້ນຄົງຂອງຊີວິດຄູ່ ທຸກຄົນຈິ່ງຕ້ອງເພື່ອໃຈໄວ້ໃນມື້ທີ່ໄປກັນບໍ່ລອດ.

ສາວຄົນໜຶ່ງໄດ້ເລົ່າເລື່ອງລາວ 12 ປີກັບຊີວິດຄູ່ຂອງລາວລົງໃນເຟສບຸກສ່ວນຕົວ​ ບອກວ່າ ຂ້ອຍກັບຜົວເອົາກັນແຕ່ອາຍຸ20ປີ
ພວກເຮົາຢາກສ້າງອະນາຄົດນຳກັນ​ ເລີຍຕັດສີນໃຈທີ່ຈະຮຽນ​ ແລ້ວພວກເຮົາໄປ​ເສັງເຂົ້າ ມຊ​ ນຳກັນ​ ເຮົາເສັງຕິດທັງ2ຄົນ.​ແຕ່ເສຍດາຍສາຍທີ່ຮຽນເພິ່ນໄດ້ຍ້າຍມາພາກບ່າຍ (ຕອນທຳອິດວ່າມີພາກຄ່ຳ) ຂ້ອຍເລີຍຕັດສີນໃຈໃຫ້ຜົວເປັນຄົນຮຽນແລ້ວຂ້ອຍເປັນຄົນຫາເງີນ (ຖ້າເຮົາຊິຮຽນທັງ2ແລ້ວຊິເອົາເງີນມາແຕ່ໃສຮຽນເພາະ ສະຖານະຄອບຄົວຂອງພວກເຮົາທັງ2ແມ່ນຫາເຊົ້າກີນຄ່ຳ)​
ແລະຂ້ອຍກໍ່ຄິດວ່າຂ້ອຍເປັນຜູ້ຍິງ.​ຊອກຄ້າຂາຍກະໄດ້.

ແລ້ວຂ້ອຍກໍ່ຕັ້ງຄວາມຫວັງທີ່ຈະຝາກຊີວິດແລະອະນາຄົດໄວ້ກັບລາວ ແລະຄິດວ່າອະນາຄົດທີ່ດີເຮົາຕ້ອງສ້າງມັນຂື້ນມາກັບມືຂອງພວກເຮົາເອງ ຫາເງີນໃຫ້ຜົວຮຽນ7ປີ​ ຕໍ່ມາ 5ປີທີ່ລາວມີວຽກເຮັດ ແລະ5ປີທີ່ພວກເຮົາຄ່ອຍສ້າງຄ່ອຍສາມານຳກັນ ເງີນເດືອນລາວກະໃຫ້ຂ້ອຍປົກກະຕິຍອມຮັບວ່າລາວດີລາວຮັກຄອບຄົວ (ອາດຈະບໍ່ເຂົ້າໃຈກັນຫລືຜິດກັນບາງເທື່ອ)​.

ແຕ່ຊ່ວງຫລັງມາ​ລາວໄປວຽກເລີ່ມກັບເດິກ,​ກະເລີ່ມມີສັງຄົມໂດຍທີ່ອ້າງວ່າໄປກີນເບຍເພື່ອເຂົ້າສັງຄົມ​, ໄປກັບຫົວຫນ້າ ຫົວຫນ້າຊວນ ໄປການເມືອງຊື່ໆ ​ຄັນບໍ່ໄປກະບໍ່ຄື​ ບໍ່ກ້າປະຕິເສດຫົວຫນ້າ (ອາທິດລະ3-4ເທື່ອ) ຈາກທີ່ລາວບໍ່ເຄີຍຕົວະຂ້ອຍກະເລີ່ມຮູ້ວ່າລາວລັກເປີດບັນຊີອີກບັນຊີ1ໄວ້​ແລ້ວມື້1ຂ້ອຍກະຈັບໃດ້ວ່າລາວນອກໃຈຂ້ອຍ.

ແລະສຸດທ້າຍລາວກະເອີ່ຍຄຳວ່າ :ຢາກອອກຈາກຊີວິດຂ້ອຍກັບລູກໄປ​ ແລ້ວບອກວ່າ:”ຢາກມີຊີວິດໄຫມ່”​ ຊິວິດໄຫມ່ທີ່ບໍ່ມີຂ້ອຍກັບລູກທີ່ຄອຍຮ່ວມທຸກຮ່ວມສຸກແລະຜ່ານອຸປະສັກມານຳກັນ ແລະຕອນນິຂ້ອຍກຳລັງຖືພາລູກຄົນທີ 2ຢູ່ແຕ່ຄຳເວົ້າທີ່ເຮັດໃຫ້ເຈັບແລະເສຍໃຈທີ່ສຸດຄື​ ເອົາລູກອອກຊະ! ເຖິງເອົາລູກໄວ້ກໍ່ບໍ່ອາດຫັກຫ້າມຂ້ອຍເອົາໄວ້(ຜົວບອກ).

ອ່ານມາຮອດນີ້ແອັດສະດຸ້ງຕື່ນບາດໜຶ່ງ ແລະຊົມເຊີຍຈິດໃຈທີ່ເຂັ້ມແຂງຂອງສາວທີ່ກຳລັງຖືກຜົວທຳຮ້າຍຈິດໃຈ ສາວບອກວ່າຂ້ອຍເລືອກທີ່ຈະເກັບລູກໄວ້ເພາະຂ້ອຍຄິດວ່າລູກມີຄວາມສຳຄັນແລະລູກຄືກຳລັງໃຈໃຫ້ຂ້ອຍທີ່ຈະສູ້ 🤰

👉ແລະຜ່ານມາຂ້ອຍກະມາຄິດທົບທວນ​ວ່າ:ຂ້ອຍບໍ່ດີບ່ອນໃດ.​ບົກຜ່ອງບ່ອນໃດ​ (ຂ້ອຍອາດຈະບໍ່ແມ່ນແມ່ສີເຮືອນທີ່ພຽບພ້ອມ​ ເພາະແຕ່ລະມື້ຂ້ອຍກະຕ້ອງໄປວຽກຕ້ອງຫາເງີນເພື່ອຄອບຄົວ,ແລະຢາກສ້າງພື້ນຖານໃຫ້ລູກ ແລງມາຮັບລູກຢູ່ໂຮງຮຽນແລະສອນຫນັງສືລູກ)​ ເປັນຫຍັງ​ ຜົວຈື່ງມາຖີ້ມຂ້ອຍໄປແລະບໍ່ຄິດເຫັນຈິດໃຈຂອງຂ້ອຍແນ່

ຂ້ອຍຕ້ອງເຂັ້ມແຂງເພື່ອລູກ🤰👦 ແລະຄອບຄົວ
..ຂ້ອຍຕ້ອງຍອມຮັບແລ້ວກ້າວໄປທາງຫນ້າຢ່າງເຂັ້ມແຂງ(ມື້ໃດທີ່ຂ້ອຍອ່ອນແອ ຂ້ອຍທໍ້​.ແຕ່ບໍ່ຖອຍ ລົ້ມໄດ້ແລ້ວຕ້ອງລຸກຂື້ນເພື່ອກ້າວຕໍ່ໄປ)…
ແລະເລື່ອງນິກະສອນໃຫ້ຮູ້ວ່າ:ຄວາມດີແລະຄວາມຊື່ສັດທີ່ເຮົາມີອາດຈະບໍ່ມີຄຸນຄ່າແລະຄວາມຫມາຍສຳລັບຄົນທີ່ບໍ່ຮູ້ຈັກ”ພໍ” ແຕ່ຢ່າງນ້ອຍທີ່ຜ່ານມາຂ້ອຍກະເຄີຍມີຄວາມສຸກທີ່ໃຊ້ຊີວິດຮ່ວມກັບລາວ)​
….​ຂອບໃຈທີ່ອ່ານຈົນຈົບ..

ບົດລະຄອນຊີວິດຂອງຂ້ອຍ.  ສຸດຍອດເລີຍສາວ, ຢ່າງໜ້ອຍເຈົ້າກໍ່ຍັງມີລູກ, ເຈົ້າທຳມາຫາກິນເປັນສາມາດສົ່ງລາວຮຽນຕັ້ງຫຼາຍປີ ບໍ່ຈຳເປັນທວງໜີ້ບຸນຄຸນ ສັງຄົມເຂົາປະເມີນເອງ ແລະຂອບໃຈທີ່ມາແຊເລື່ອງລາວດີໆໄວ້ໃຫ້ເອື້ອຍນ້ອງຍິງໄດ້ເກັບໄປເປັນບົດຮຽນ.