ຈີນລ້ຳໜ້າໄປໄກ ໃຊ້ເອໄອ ວິເຄາະພະຍາດແລ້ວ

ຈີນລ້ຳໜ້າໄປໄກ ໃຊ້ເອໄອ ວິເຄາະພະຍາດແລ້ວ

4th March 2020 0 By Education

ເປັນຜົນງານຂອງບໍລິສັດແຈັກມາອີກແລ້ວ, ສ້າງຜົນງານໄດ້ຢ່າງເຫຼືອເຊື່ອ ພະຍາດປອດອັກເສບໂຄວິດຕິດກັນເປັນຫຼິ້ນ ຫຼາຍປະເທດຍັງມືດແປດດ້ານຫາທາງອອກບໍພົບ ແຕ່ກັບ ສປ ເຖິງແມ່ນຈະມີການສູນເສຍຊີວິດຫຼາຍຈາກພະຍາດຮ້າຍຄັ້ງນີ້ ແຕ່ກໍ່ກາຍເປັນບົດຮຽນຄັ້ງສຳຄັນທາງປະຫວັດສາດໃຫ້ໂລກໄດ້ຈົດຈຳ ນັ້ນຄືຄວາມຮັກຮ່ວມແຮງສາມັກຄີພາຍໃນຂອງເຂົາ ແລະທີ່ໜ້າຊື່ນຊົມຢ່າງໜຶ່ງຄືການນຳໃຊ້ປັນຍາປະດິດຊ່ວຍວິເຄາະຜົນຂອງພະຍາດທີ່ສາມາດຮູ້ຜົນພາຍໃນ 20 ນາທີ ເຊິ່ງບໍ່ເຄີຍມີມາກ່ອນ.

ບໍລິສັດອາລີບາບາ ຂອງຈີນໄດ້ປະກາດສົບຜົນສໍາເລັດ ໃນການພັດທະນາປັນຍາປະດິດ ຫລື ເອີ້ນວ່າ Artificial Intelligence (AI)ທີ່ສາມາດກວດກາ ແລະ ວິເຄາະເຊື້ອໄວຣັດໂຄວິດ-2019 ໃນຮ່າງກາຍຄົນແນ່ນອນ 96% ໃຊ້ເວລາໃນການປະມວນຜົນພຽງເວລາ 20 ນາທີເທົ່ານັ້ນ.


ນີ້ຖືເປັນຜົນງານຄັ້ງໃຫຍ່ທີ່ ສປ ຈີນເຮັດໄດ້ ແລະຍັງບໍ່ມີປະເທດໃດໃນໂລກທີ່ຈະເຂົ້າເຖິງລະບົບດັ່ງກ່າວ, ໝາຍຄວາມວ່າ ກຸ່ມບໍລິສັດອາລີບາບາບໍ່ພຽງແຕ່ມີຄວາມກ້າວໜ້າທັນສະໄໝດ້ານການຄ້າຂາຍ ແລະໄອທີເທົ່ານັ້ນ ແຕ່ການນຳໃຊ້ໄອທີ ເພື່ອການແພດກໍ່ກ້າວໜ້າລ້ຳສະໄໝທີ່ສຸດ ນັ້ນຄືຜົນການຄິດຄົ້ນປັນຍາປະດິດເຂົ້າລະບົບການແພດນັ້ນເອງ.

ລະບົບໄອເອທີ່ວ່ານີ້ ກ່ອນຈະປະກາດຄວາມສາມາດນັ້ນອອກມາ ແມ່ນທາງບໍລິສັດຜູ້ພັດທະນາໄດ້ທົດລອງຢ່າງດີແລ້ວໂດຍການນຳເອົາຕົວຢ່າງຜູ້ຕິດເຊື້ອໂຄວິດ 5.000 ຕົວຢ່າງເຂົ້າໃນລະບົບເພື່ອວິເຄາະ ແລະປະມວນຜົນ ເຫັນວ່າໄດ້ຄວາມເມັ້ນຢຳເຖິງ 96%.

ພາຍຫຼັງການທົດລອງເຫັນວ່າໄດ້ຜົນດີ ມີຄວາມໜ້າເຊື່ອຖື ປະຈຸບັນແມ່ນລະບົບດັ່ງກ່າວໄດ້ຖຶກນຳໄປໃຊ້ໃນຫຼາຍກວ່າ 100 ໂຮງໝໍໃນແຂວງຫູເປີ່ຍຈຸດສູນກາງການລະບາດຂອງພະຍາດ, ເຂດກວາງຕຸ້ງ, ອ່ານຫຸ່ຍເປັນທີ່ຮຽບຮ້ອຍແລ້ວ.

ຂໍ້ມູນຈາກ: www.dailygizmo.tv