WHO ຮຽກຮ້ອງທຸກປະເພດເລັ່ງຜະລິດອຸປະກອນປ້ອງກັນ, ແພດ-ພະຍາບານຕ້ອງປອດໄພກ່ອນ

WHO ຮຽກຮ້ອງທຸກປະເພດເລັ່ງຜະລິດອຸປະກອນປ້ອງກັນ, ແພດ-ພະຍາບານຕ້ອງປອດໄພກ່ອນ

5th March 2020 0 By Education

ທ່ານເທໂດຣສ ອາຮານົມ (Tedros Adhanom)ຜູ້ອຳນວຍການອົງການອະນາໄມໂລກ(WHO) ລະບຸອັດຕາການຕາຍຂອງພະຍາດປອດອັກເສບໂຄວິດແມ່ນສູງເຖິງ 3,4% ສູງກວ່າທີ່ຄາດການໄວ້ວ່າຈາກເດີມທີ່ 2% ເມື່ອປຽບທຽບກັບໄຂ້ຫວັດໃຫຍ່ຕາມລະດູການແລ້ວຖືວ່າເສຍຊີວິດນ້ອຍກວ່າ 1% ຫຼັງຕິດເຊື້ອ.

ທ່ານຍັງກ່າວອີກວ່າ ອັດຕາການຕາຍຈາກໂຄວິດ-19 ໄດ້ເພີ່ມຈາກ 0,7% ຈົນໃກ້ 4% ນີ້ແມ່ນຂຶ້ນຢູ່ກັບສາທາລະນະສຸກ ເຊິ່ງຊ່ວງທີ່ເລີ່ມມີການລະບາດຂອງໄວຣັສນັກວິທະຍາສາດສະຫຼຸບໄດ້ວ່າ ມີອັດຕາຢູ່ທີ່ 2,3% ແຕ່ເປັນໄປໄດ້ວ່າໂລກນີ້ຍັງບໍ່ຮູ້ຈັກດີພໍ ມັນບໍ່ຄືໄຂ້ຫວັດໃຫຍ່ ເມື່ອຄົນບໍ່ຮູ້ຈັກກໍ່ຈະບໍ່ສາມາດຮັບມືຈັດການກັບມັນໄດ້.

ໄວຣັສໂຄວິດ-19 ແມ່ນແຕ່ອົງການອະນາໄມໂລກເອງ ທ່ານ ດຣ ໄມ ຣັນ ຜູ້ອຳນວຍການບໍລິຫານກໍ່ກ່າວວ່າ ເປັນໂລກລະບາດທີ່ຍັງບໍ່ມີວັກຊິນຮັກສາ ບໍ່ມີວິທີດູແລສະເພາະ ແລະຍັງບໍເຂົ້າໃຈການແຜ່ເຊື້ອຂອງມັນ ເຊິ່ງມາຮອດຂະນະນີ້ແມ່ນທົ່ວໂລກມີຜູ້ຕິດເຊື້້ອໄປທັງໝົດ 90.000 ຄົນ ໃນນັ້ນອັດຕາການຕາຍ 90% ແມ່ນຢູ່ໃນມົນທົນຫູເປີ່ຍ, ທີ່ເຫລືອຈາກນັ້ນປະເທດທີ່ໜ້າເປັນຫ່ວງສຸດໃນຂະນະນີ້ແມ່ນ ເກົາຫຼີໃຕ້, ອີຕາລີ, ອີຣ່ານ ແລະຍີ່ປຸ່ນ.

ສິ່ງທີ່ຕ້ອງຄິດຫງຳໃນປະຈຸບັນນີ້ທ່ານ ເທໂດຣສ ກ່າວວ່າ ແມ່ນ PPE ຫຼື ຊຸດອຸປະກອນປ້ອງກັນອັນຕະລາຍສ່ວນບຸກຄົນສາເຫດມາຈາກຄວາມຕ້ອວການສູງຂຶ້ນມີຄວາມຕ້ອງການຊື້ PPE ຫຼາຍ ຍ້ອນຄວາມຕື່ນຕົກໃຈຂອງສັງຄົມ ເຊິ່ງບຸກຄະລາກອນທາວການແພດ ຕ້ອງເພິ່ງພາຊຸດອຸປະກອນເລົ່ານີ້ ເພື່ອປົກປ້ອງຕົນເອງຈາກການຕິດເຊື້ອໄວຣັສ.

ບໍ່ວ່າຈະເປັນຖົງມື ໜ້າຫາກອະນາໄມ, ໜ້າກາກປ້ອງກັນແກັສພິດ ໜ້າກາກກັນລົມ, ແວ່ນຕາກັນລົມ ເສື້ອຄຸມ, ຜ້າກັນເປື້ອນ ລ້ວນເປັນອຸປະກອນທີ່ມີຄວາມຕ້ອງການສູງ ພະຍາບານທີ່ເຮັດວຽກຢູ່ໜ້າງານຜະເຊີນໜ້າກັບພາວະອັນຕະລາຍຫຼາຍທີ່ສຸດ ສະນັ້ນ ອົງການອະນາໄມໂລກຈິ່ງຮຽກຮ້ອງໃຫ້ລັດຖະບານ ແລະອຸດສາຫະກຳຕ່າງໆ ເລັ່ງຜະລິດອຸປະກອນເຫຼົ່ານີ້, ຫຼຸດການສົ່ງອອກ, ສົ່ງອອກຢ່າງຈຳກັດ ແລະພະຍາຍາມໃຊ້ ເພື່ອຢັບຢັ້ງບໍ່ໃຫ້ເຊື້ອໄວຣັສແຜ່ກະຈາຍຫຼາຍກວ່າເກົ່າ ເຮົາຈະບໍ່ສາມາດປ້ອງກັນໂຄວິດໄດ້ ຖ້າຫາກບໍ່ປ້ອງກັນບຸກຄະລາກອນທາງການແພດເປັນອັນດັບຕົ້ນ.

ອົງການອະນາໄມໂລກຍັງລະບຸອີກວ່າ: ນັບແຕ່ມີການລະບາດຂອງໄວຣັສໂຄວິດ-19 ເຮັດໃຫ້ໜ້າກາກອະນາໄມມີລາຄາສູງຂຶ້ນ 6 ເທົ່າຕົວ, ແບບ N95 ກໍ່ ສູງຂຶ້ນ 3 ທົບ ມີການປະເມີນຫຼັງຈາກໂຄວິດ-19 ພາຍໃນ 1 ເດືອນ ເຫັນວ່າມີການນຳໃຊ້ໜ້າກາກອະນາໄມທັງໝົດປະມານ 89 ລ້ານຊິ້ນ, ຖົງມື 76 ລ້ານຄູ່, ແວ່ນກັນລົມ 1,6 ລ້ານຊິ້ນ.