ຊີພີຕອບແທນສັງຄົມ!!! ປະກາດຈົກທຶນ 100 ລ້ານບາດຜະລິດຜ້າອັດປາກເພື່ອແຈກຟຣີໆ

ຊີພີຕອບແທນສັງຄົມ!!! ປະກາດຈົກທຶນ 100 ລ້ານບາດຜະລິດຜ້າອັດປາກເພື່ອແຈກຟຣີໆ

6th March 2020 0 By Education

ບໍລິສັດຊີພີ ກໍ່ຄືກຸ່ມບໍລິສັດຜູ້ຜະລິດທາດຊີ້ລາຍໃຫຍ່ສຸດໃນຂົງເຂດອາຊຽນ ມີຖານທຸລະກິດຢູ່ຫຼາຍປະເທດລວມທັງລາວເຮົາ ໄດ້ປະກາດໄປມື້ວານນີ້( 5 ມີນາ 2020) ຈະຈົກເງິນຂອງບໍລິສັດວົງ 100 ລ້ານບາດ ຜະລິດຜ້າອັດປາກແຈກຟຣີໆໃຫ້ບັນດາແພດໝໍ ແລະປະຊາຊົນ ໃນທ່າມກາງທີ່ວັດຖຸອຸປະກອນເຫຼົ່ານີ້ກຳລັງຂາດແຄນ.

ທ່ານທະນິນ ປະທານອາວຸໂສ ເຄືອຈະເລີນໂພກພັນ ຈຳກັດ(CP) ປະກາດທຸ່ມເງິນ 100 ລ້ານບາດ ສ້າງໂຮງງານ ຜ້າລິດຜ້າອັດປາກສະເພາະແຈກຟຣີໃຫ້ບຸກຄະລາກອນທາງການແພດ ແລະປະຊາຊົນທົ່ວໄປ ຄາດວ່າກຳລັງການຜະລິດຈະໄດ້ລະດັບເດືອນລະ 3 ລ້ານຊິ້ນ ເປົ້າໝາຍກໍ່ເພື່ອປ້ອງກັນໄວຣັສໂຄວິດ-19 ນັ້ນເອງ.

,

ທ່ານທະນິນ ກ່າວວ່າ: ການປະກອບສ່ວນຊ່ວຍສັງຄົມເທື່ອນີ້ ໃຫ້ຖືວ່າເປັນໜ້າທີ່ຂອງເຄືອຊີພີ ທີ່ຕ້ອງຊ່ວຍປະເທດຊາດ ໃນການຈັດຫາວັດຖຸດິບ, ສິນຄ້າທີ່ກຳລັງຂາດແຄນ, ຊີພີຈະເປັນສ່ວນໜຶ່ງໃນການແກ້ໄຂຄວາມເດືອດຮ້ອນຂອງປະຊາຊົນ ໂດຍໂຮງງານແຫ່ງນີ້ຈະໃຫ້ໄດ້ດຳເນີນການຜະລິດໄວໆນີ້.

.