ສາມຫຼ່ຽມຄໍາຄຸມເຂັ້ມ! ອອກແຈ້ງການສະບັບທີ 3 ຫ້າມເຂົ້າເຂດດັ່ງກ່າວອີກ 15ວັນ

ສາມຫຼ່ຽມຄໍາຄຸມເຂັ້ມ! ອອກແຈ້ງການສະບັບທີ 3 ຫ້າມເຂົ້າເຂດດັ່ງກ່າວອີກ 15ວັນ

10th March 2020 0 By Education

ກ່ອນໜ້ານີ້ ຄຂສພ ໄດ້ອອກແຈ້ງການໂຈະການເດີນທາງເຂົ້າອອກເຂດເສດຖະກິດພິເສດສາມຫຼ່ຽມຄໍາ ອອກມາແລ້ວ 2ຄັ້ງ ໂດຍຄັ້ງທີສອງແມ່ນສິ້ນສຸດໃນວັນທີ 10 ມີນາ 2020, ແຕ່ຫຼ້າສຸດ ໄດ້ມີແຈ້ງການອອກມາອີກຄັ້ງ ໂດຍໃຫ້ສືບຕໍ່ປະຕິບັດມາດຕະການດັ່ງກ່າວຕື່ມອີກເປັນເວລາ 15ວັນ ໂດຍໃຫ້ເລີ່ມແຕ່ວັນທີ 11 ມີນາ 2020 ເຖິງ 25 ມີນາ 2020.

ອີງຕາມແຈ້ງການສະບັບຫຼ້າສຸດ ເລກທີ 071/ຄຂສພ.ບກ ລົງວັນທີ 10 ມີນາ 2020 ໃຫ້ຮູ້ວ່າ: ເຂດເສດຖະກິດພິເສດ ສາມຫຼ່ຽມຄຳ (ຂສພຄ) ຈະສືບຕໍ່ຈັດຕັ້ງປະຕິບັດໂຈະຊົ່ວຄາວການເຂົ້າ ຂສພຄ ຕື່ມອີກ 15 ວັນ ເຊິ່ງເລີ່ມຕັ້ງແຕ່ວັນ
ທີ 11 ມີນາ 2020 ຫາວັນທີ່ 25 ມີນາ 2020 ເພື່ອປ້ອງກັນ ພະຍາດ ອັກເສບປອດຈາກເຊື້ອຈຸລະໂລກສາຍພັນໃໝ່ (ໂດ
ວິຕ-19 = COVID-19) ບໍ່ໃຫ້ເຂົ້າມາໃນ ຂສພຄ ໄດ້.

ສະນັ້ນ, ໃນຊ່ວງໃນຍະເວລາໂຈະຊົ່ວຄາວຄັ້ງນີ້ ແມ່ນບໍ່ອະນຸຍາດໃຫ້ຄົນຢູ່ນອກ ຂສພດ ເຂົ້າມາໃນເຂດນີ້; ສ່ວນຜູ້ໃດຢູ່ໃນເຂດ ແລ້ວມີຈຸດປະສົງຢາກອອກໄປນອກເຂດ ແມ່ນເຫັນດີໃຫ້ອອກ ແຕ່ບໍ່ອະນຸຍາດໃຫ້ກັບຄືນເຂົ້າມາໃນເຂດໃນຊ່ວງເວລາ 15 ວັນນີ້.

ໃນຊ່ວງເວລາ 15 ວັນດັ່ງກ່າວມາຂ້າງເທິງນີ້ ແມ່ນສະເໜີໃຫ້ ພະນັກງານ ສຸຂສພ.ບກ ແລະ ຂະແຫນງການປິ່ນອ໋ອມ, ເຈົ້າໜ້າທີ່ພາສີ, ເຈົ້າໜ້າທີ່ ປກສ, ປກຊ, ລປພ, ພະນັກງານທະນາຄານ ເຈດີບີ ແລະ ເຈົ້າໜ້າທີ່ຮັບຜິດຊອບທຸກພາກສ່ວນ ຈົ່ງມາປະຈຳການປົກກະຕິ ເພື່ອແກ້ໄຂວຽກງານວິຊາສະເພາະ ຕາມພາລະບົດບາດສິດໜ້າທີ່ຂອງຕົນ ແລະ ຂໍໃຫ້ທຸກພາກສ່ວນທີ່ກ່ຽວຂ້ອງ ຈົ່ງພ້ອມກັນຮ່ວມມືປະຕິບັດຕາມມາດຕະການປ້ອງກັນ ພະຍາດຂອງ ຂສພດ ຢ່າງເຄັ່ງຄັດ!
ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ຈັດຕັ້ງປະຕິບັດຢ່າງເຂັ້ມງວດ.