ຜູ້ປ່ວຍໂຄວິດທະຍອຍກັບບ້ານ, ຕອນນີ້ໂຮງໝໍປິ່ນປົວໃນອູຮັ່ນປິດແລ້ວ 10 ກວ່າແຫ່ງ

ຜູ້ປ່ວຍໂຄວິດທະຍອຍກັບບ້ານ, ຕອນນີ້ໂຮງໝໍປິ່ນປົວໃນອູຮັ່ນປິດແລ້ວ 10 ກວ່າແຫ່ງ

10th March 2020 0 By Education

ເປັນເລື່ອງຂ່າວດີທີ່ຢາກໄດ້ຍິນມາດົນກ່ຽວກັບອູຮັ່ນ ເມື່ອມີລາຍງານຮອດມື້ນີ້ຫຼາຍຊີວິດໄດ້ກັບຄືນສູ່ບ້ານເຮືອນອ້ອມກອດຂອງຄອບຄົວ, ສ່ວນໂຮງໝໍທີ່ເປີດໄວ້ປີ່ນປົວແຍກປ່ຽວກໍ່ທະຍອຍປິດລົງ ຍັງແຕ່ຄົນໄປທຳຄວາມສະອາດ ຊ່າງເປັນພາບທີ່ຊາບຊື້ງໃນນຳພັກ-ລັດ, ປະຊາຊົນ, ແພດໝໍຊາວຈີນທີ່ທຸ່ມເທແຮງໃຈກາຍຮ່ວມກັນຈົນມີມື້ນີ້

ແລະມື້ນີ້ໄດ້ຍິນຂ່າວວ່າ: ໂຮງຫມໍປິ່ນປົວຊົ່ວຄາວທີ່ເປີດເປັນສະຖານທີ່ສະເພາະປິ່ນປົວຜູ້ປ່ວຍທີ່ຕິດເຊື້ອໄວລັດໂຄໂຣນາ ນັ້ນໄດ້ຖືກປິດລົງຢ່າງເປັນທາງການ, ເນື່ອງຈາກຜູ້ປ່ວຍກຸ່ມສຸດທ້າຍທີ່ໄດ້ຮັບການປີ່ນປົວຢູ່ໂຮງຫມໍແຫ່ງນີ້ໄດ້ຫາຍດີ ແລະອອກຈາກໂຮງຫມໍກັບຄືນສູ່ຄອບຄົວແລະສັງຄົມແລ້ວ.

ນອກຈາກສະຖານທີ່ປີ່ນປົວຊົ່ວຄາວແຫ່ງນີ້ແລ້ວຍັງໂຮງໝໍອີກອີກ 11ແຫ່ງຖືກປິດລົງພ້ອມກັນ ເນື່ອງຈາກຕອນນີ້ຜູ້ປ່ວຍໄດ້ຫາຍດີເປັນປົກກະຕິແລ້ວສ່ວນໃຫຍ່ ເຫດການການລະບາດຂອງໄວຣັສພັນນີ້ໂຫດຮ້າຍຮຸນແຮງເກີນອະທິບາຍ ແຕ່ມື້ແຫ່ງຄວາມດີໃຈກໍ່ຕ້ອງມີເມື່ອໄຊຊະນະອັນໃຫຍ່ຫລວງມາ ຍ້ອນຄວາມຮັກຫໍ່ສາມັກຄີທຸ່ມເທຂອງວົງການແພດຈີນ, ປະຊາຊົນຈີນ,ພາຍໃຕ້ການນຳພາອັນປີຊາສາມາດຂອງພັກປະຊາຊົນຈີນ ທີ່ນຳພາໂດຍ ປະທານ ສີຈີ້ນຜີງ.


ສຳລັບປະເທດເຮົາແລ້ວຍັງແມ່ນຢູ່ໃນກຸ່ມສ່ຽງຂອງການແຜ່ລະບາດຂອງເຊື້ອໄວຣັສໂຄວິດ ແຕ່ກໍ່ບໍ່ຄວນຕື່ນຕູມຈົນເກີນໄປ ຂໍພຽງທຸກຄົນມີສະຕິ ,ເປັນເຈົ້າການເຮັດຫນ້າທີ່ປ້ອງກັນ, ສະກັດກັ້ນຊ່ວຍກັນ ມີເຫດການເກີດຂຶ້ນຕ້ອງຈີງໃຈລາຍງານ ທັງພາກລັດແລະປະຊາຊົນພວກເຮົາກໍ່ຈະສາມາດຂ້າມຜ່ານໄວຣັສຮ້າຍນີ້ໄປໄດ້.