ນໍ້າໃຈຍາມວິກິດ! ບິລ ເກດທ໌ ເສດຖີໃຈດີ ໃຫ້ເງິນ 125ລ້ານໂດລາ ຊ່ວຍງານວິໄຈຢາຮັກສາໂຄວິດ-19

ນໍ້າໃຈຍາມວິກິດ! ບິລ ເກດທ໌ ເສດຖີໃຈດີ ໃຫ້ເງິນ 125ລ້ານໂດລາ ຊ່ວຍງານວິໄຈຢາຮັກສາໂຄວິດ-19

10th March 2020 0 By Education

ໃນທ່າມກາງສະພາບການພະຍາດລະບາດທີ່ສ້າງຄວາມຢ້ານກົວ ແລະ ວຸ້ນວາຍຫຼາຍໃນສັງຄົມ ຢູ່ບັນດາປະເທດຕ່າງໆໃນທົ່ວໂລກ ທີ່ລ້ວນແລ້ວແຕ່ຂຸ້ນຂ້ຽວສ້າງມາດຕະການປ້ອງກັນ, ສະກັດກັ້ນ ແລະ ຄວບຄຸມການລະບາດຂອງເຊື້ອໄວຣັດໂຄວິດ-19, ແນວໃດກໍ່ດີ ຍ້ອນສະພາບການດັ່ງກ່າວເຮັດໃຫ້ສັງຄົມແນມເຫັນໄດ້ການໃຫ້ຄວາມຊ່ວຍເຫຼືອເຊິ່ງກັນ ແລະ ກັນຂອງເພື່ອນຮ່ວມໂລກ ທີ່ສະແດງອອກຜ່ານການມອບເຄື່ອງ, ອຸປະກອນການແພດໃຫ້ແກ່ປະເທດຕ່າງໆ, ຫຼ້າສຸດ ອີກເລື່ອງລາວດີໆທີ່ເກີດຂື້ນເມື່ອ ບິວ ເກດ ມະຫາເສດຖີອັນດັບຕົ້ນໆຂອງໂລກ ມອບເງິນຊ່ວຍໜຸນການວິໄຈຢາຮັກສາໂຄວິດ-19 ເຖິງ 125ພັນກວ່າລ້ານໂດລາ, ຂະນະດຽວກັນ ອົງການອະນາໄມໂລກເຕືອນ ເຂົ້າໃກ້ຊ່ວງລະບາດຄັ້ງໃຫຍ່.

ໃນວັນທີ 10 ມີນາ 2020 ເວັບໄຊ້ແຊນແນວນິວເອເຊຍ ເຜີຍ ມູນລະຍິທີ ບິລ ແລະ ເມລິນດາ ເກດທ໌(Bill & Melinda Gates Foundation) ຮ່ວມກັບອົງກອນການກຸສົນອີກ 2ແຫ່ງ ປະກາດບໍລິຈາກເງິນ 125ລ້ານໂດລາ ເພື່ອສະໜັບສະໜູນໂຄງການວິໃຈຢາຕ້ານໄວຣັດໂຄວິດ-19 ເຊິ່ງອົງການອະນາໄມໂລກລະບຸວ່າເຂົ້າໃກ້ຊ່ວງລະບາດຄັ້ງໃຫຍ່.

ໂຄງການທີ່ໄດ້ຮັບເງິນບໍລິຈາກນີ້ຊື່ວ່າ: COVID-19 Therapeutics Accelerator ເຊິ່ງເປັນການຮ່ວມບໍລິຈາກຂອງອົງການການກຸສົນ 3ແຫ່ງ ໄດ້ແກ່ ມູນນິທິ ບິລ ແລະ ເມລິນດາ, ເວວຄໍາ ທຣັສ(Wellcome Trust) ແລະ ມາສເຕີກາດອິມແພັກຟັນ(Mastercard Impact Fund) ໂດຍມີຈຸດປະສົງເພື່ອວິໄຈຢາຊະນິດໃໝ່ ແລະ ພັດທະນາຢາທີ່ມີຢູ່ເພື່ອຮັກສາຜູ້ປ່ວຍໂຄວິດ-19 ລວມໄປເຖິງການວິໄຈເພື່ອລະງັບການແຜ່ລະບາດຂອງໄວຣັດຊະນິດໃໝ່ໃນອະນາຄົດ ໂດຍການບໍລິຈາກເງິນຈໍານວນມະຫາສານດັ່ງກ່າວ ຍັງມີເປົ້າໝາຍເພື່ອໃຫ້ການກະຈາຍຢາຮັກສາໂລກທົ່ວໄປໃຫ້ທົ່ວເຖິງປະເທດດ້ອຍພັດທະນາ ແລະ ໃຫ້ປະຊາຊົນທົ່ວໄປສາມາດເຂົ້າເຖິງໄດ້ ເຊິ່ງມາຮອດປັດຈຸບັນຍັງບໍ່ມີຢາຕ້ານໄວຣັດ ຫຼື ຢາຮັກສາລະບົບພູມຄຸ້ມກັນໃດໆທີ່ໃຊ້ໃນການຮັກສາໂຄວິດ-19ໂດຍສະເພາະ.

ທັງນີ້ ມູນນິທິ ບິລ ແລະ ເມລິນດາ ລະບຸເພີ່ມຕື່ມວ່າ: ຫາກຕ້ອງການໃຫ້ໂລກໃບນີ້ປອດໄພຈາກການລະບາດຂອງໂຄວິດ-19 ກໍ່ຈໍາເປັນຕ້ອງເຮັດການວິໄຈ ແລະ ພັດທະນາຢ່າງວ່ອງໄວ ເຊິ່ງນັ້ນໝາຍຄວາມວ່າພາກລັດ, ເອກະຊົນ ແລະ ອົງກອນການກຸສົນຕ່າງໆຕ້ອງຮ່ວມມືກັນເພື່ອພັດທະນາການວິໄຈໃຫ້ຖ່ວງທັນ.

ທີ່ມາ: https://www.channelnewsasia.com/news/world/coronavirus-covid-19-donation-gates-foundation-12521218