ສົມການເດີນທາງມາໄກ! ສາວພອນປ່ຽນລຸກໃໝ່ງາມໄສໄລກວ່າເກົ່າ

ສົມການເດີນທາງມາໄກ! ສາວພອນປ່ຽນລຸກໃໝ່ງາມໄສໄລກວ່າເກົ່າ

17th March 2020 0 By Education

ສາວພອນ ຄົນດັງໃນສັງຄົມອອນລາຍທີ່ຫຼາຍຄົນຮູ້ຈັກຈາກຜົນງານເພັງ ນອນກອດກົກເປົ້າ ອັນມີຈຸດໂດດເດັ່ນ ຄືຄວາມໃສຊື່ບໍລິສຸດ ຮ້ອງເພັງອາດບໍ່ມ່ວນປານໃດ ແຕ່ກໍ່ເປັນທີ່ຖືກໃຈ ສ້າງຮອຍຍິ້ມໃຫ້ກັບຫຼາຍໆຄົນ.

ຄລິບເພັງດັ່ງກ່າວໂດ່ງດັງ ແລະ ສ້າງຊື່ສຽງໃຫ້ສາວຄົນນີ້ຢ່າງໜ້າຕົກໃຈ ແລະ ກໍ່ເລີ່ມມີຜູ້ຕິດຕາມສາວພອນຜ່ານການໄລຟສົດຕະຫຼອດມາ, ຫຼ້າສຸດ ວັນທີ 13 ມີນາ 2020 ສາວພອນໄດ້ເດີນທາງມານະຄອນຫຼວງວຽງຈັນ ເພື່ອຮ່ວມກິດຈະກໍາເສີມຄວາມງາມຂອງບາງບໍລິສັດໃນນະຄອນຫຼວງວຽງຈັນ.

ການເດີນທາງມາຄັ້ງນີ້ແມ່ນເປັນເທື່ອທໍາອິດຂອງສາວພອນ ທີ່ໄດ້ເຫັນນະຄອນຫຼວງຂອງປະເທດລາວ, ເຖິງແມ່ນວ່າການເດີນທາງຈະເປັນໄປດ້ວຍຄວາມລໍາບາກ ສາວພອນເມົາລົດຖອນຮາກຫຼາຍຄັ້ງກ່ອນຮອດຈຸດໝາຍກໍ່ຕາມ ແຕ່ຍ້ອນຄວາມຢາກເຫັນວຽງຈັນ ອຸປະສັກພຽງນັ້ນບໍ່ເປັນບັນຫາ.

ສາວພອນເລົ່າວ່າ: ກ່ອນອອກເດີນທາງຕ້ອງກິນຢາຫ້າມຮາກເຖິງ 2ເມັດ ແຕ່ເຫັນວ່າຍັງບໍ່ໄດ້ຜົນ ມາຮອດກາງທາງຕ້ອງຕື່ມໃສ່ອີກ 2ເມັດ ລວມເປັນ 4ເມັດ ຈຶ່ງເດີນທາງເຖິງນະຄອນຫຼວງ.

ດັ່ງນັ້ນ, ເມື່ອຮອດແລ້ວ ສາວພອນຕັ້ງໃຈໄວ້ຕ້ອງເຮັດງາມໃຫ້ສົມໃຈ ແລະ ໄປທ່ຽວສະຖານທີ່ດັງໆໃຫ້ທົ່ວເຖິງ ສົມກັບຄວາມຕັ້ງໃຈມານະຄອນຫຼວງຄັ້ງແລກໃນຊີວິດ ແລະ ກໍ່ບໍ່ຜິດຫວັງ ສາວພອນງາມຂຶ້ນຈົນຫຼາຍຄົນຕົກໃຈດັ່ງຮູບທີ່ເຫັນ.

ຮູບ: ToP TEEn Laos Social (ໄວລຸ້ນລາວຍຸກໃໝ່)