ຕາຢ້ານ! ລະວັງໃຫ້ດີ ຜົນວິໄຈບອກ ໂຄວິດ-19 ເກາະຕົວຢູ່ລະອອງອາກາດໄດ້ດົນເຖິງ 3ຊົ່ວໂມງ

ຕາຢ້ານ! ລະວັງໃຫ້ດີ ຜົນວິໄຈບອກ ໂຄວິດ-19 ເກາະຕົວຢູ່ລະອອງອາກາດໄດ້ດົນເຖິງ 3ຊົ່ວໂມງ

18th March 2020 0 By Education

ນັກວິໄຈຂອງສະຫະລັດອາເມລິກາເຜີຍ ໄວຣັດໂຄວິດ-19 ສາມາດຈັບຕົວຢູ່ຕາມລະອອງຝອຍຂອງອາກາດໄດ້ດົນເຖິງ 3ຊົ່ວໂມງ ແລະ ສາມາດເກາະຢູ່ຕາມພື້ນຜິວໄດ້ດົນເຖິງ 3ວັນ.

ມື້ນີ້ ວັນທີ 18 ມີນາ 2020 ຄະນະນັກວິທະນາສາດຂອງສະຖາບັນໂລກພູມແພ້ ແລະ ໂລກຕິດເຂື້ອແຫ່ງຊາດ, ເຊິ່ງເປັນສ່ວນໜຶ່ງຂອງສະຖາບັນສຸຂະພາບແຫ່ງສະຫະລັດ ເຜີຍຜົນການສຶກສາໃໝ່ລະບຸວ່າເ ໂຄວິດ-19 ທີ່ກໍາລັງແຜ່ລະບາດໜັກໄປທົ່ວໂລກ ສາມາດມີຊີວິດ ແລະ ແຜ່ເຊື້ອໃນສະພາບຂອງລະອອງຝອຍໃນອາກາດໄດ້ດົນຫຼາຍຊົ່ວໂມງ ແລະ ຢູ່ເທິງພື້ນຜິວໄດ້ເປັນເວລາຫຼາຍວັນ ດັ່ງນັ້ນຈຶ່ງຄວນຢູ່ຫ່າງຈາກຜູ້ປ່ວຍໂຄວິດ-19.

ຄະນະນັກວິທະຍາສາດ ຈໍາລອງສະຖານະການຜູ້ຕິດເຊືຶ້ອລາຍໜຶ່ງທີ່ປ່ອຍເຊື້ອໄວຣັດອອກມາຕາມພື້ນຜິວໃນເຮືອນຄົວ ຫຼື ໂຮງໝໍ ດ້ວຍການໄອ ຫຼື ຈັບຕ້ອງວັດຖຸຕ່າງໆ ຈາກນັ້ນນັກວິທະຍາສາດ ສືບຫາໄວຣັດໃຊ້ເວລາຢູ່ເທິງພື້ນຜິວ ແລະ ອາກາດ ດົນປານໃດ, ຜົນປາກົດວ່າ ເມື່ອໄວຣັດຢູ່ເທິງລະອອງຝອຍ ເຊິ່ງຖືກປ່ອຍມາຈາກຄົນທີ່ໄອ ຫຼື ຈາມ ຍັງຄົງມີຊີວິດ ແລະ ທົນຢູ່ໃນອາກາດໄດ້ຢ່າງໜ້ອຍ 3ຊົ່ວໂມງ.

ສ່ວນເຊື້ອໄວຣັດທີ່ເກາະຢູ່ຕາມພລາສຕິກ ແລະ ສະແຕນເລດ ຈະຢູ່ໄດ້ດົນບໍ່ຕໍ່າກວ່າ 3ມື້ ແຕ່ເຊື້ອໄວຣັດທີ່ເກາະຕົວຢູ່ເຈ້ຍ ຫຼື ກະກາດແຂງ ຈະມີຊີວິດຢູ່ບໍ່ເກີນ 24ຊົ່ວໂມງ ແລະ ທອງແດງ ເຊື້ອໄວຣັດຈະມີຊີວິດຢູ່ໄດ້ພຽງ 4ຊົ່ວໂມງ ກ່ອນໝົດລິດໄປ.