ສະເທືອນໃຈແຮງ! ສົບຜູ້ເສຍຊີວິດໃນອີຕາລີລົ້ນປ່າຊ້າ ຕ້ອງອາໄສລົດກອງທັບທະຫານລໍາລຽງໄປຝັງຢູ່ນອກ

ສະເທືອນໃຈແຮງ! ສົບຜູ້ເສຍຊີວິດໃນອີຕາລີລົ້ນປ່າຊ້າ ຕ້ອງອາໄສລົດກອງທັບທະຫານລໍາລຽງໄປຝັງຢູ່ນອກ

20th March 2020 0 By Education

ຂະບວນລົດບັນທຸກຂອງກອງທັບອີຕາລີ ຂົນໂລງສົບຜູ້ເສຍຊີວິດຈາກການຕິດເຊື້ອໂຄວິດ-19 ແລະ່ນອອກຈາກເມືອງແບກາໂມ ແຄ້ວນລອມບາດີ ທາງເໜືອຂອງອີຕາລີ ເມື່ອຄືນວັນພຸດ 18 ມີນາ 2020 ທີ່ຜ່ານມາ ເນື່ອງຈາກສຸສານໃນເມືອງເຕັມ ບໍ່ມີບ່ອນຫວ່າງສໍາລັບການຝັງສົບໃໝ່ອີກຕໍ່ໄປ ພາບລົດຂົນສົ່ງແລ່ນຕາມກັນເປັນແຖວຍາວສ້າງຄວາມຫົດຫູ່ສະເທືອນໃຈແກ່ຊາວອີຕາລີຈໍານວນຫຼາຍ ເຊິ່ງລະບຸວ່າເປັນໜຶ່ງໃນພາບເສົ້າທີ່ສຸດໃນປະຫວັດສາດຂອງອີຕາລີ.

ສຸສານໃນເມືອງແບກາໂມ ບໍ່ສາມາດຮອງຮັບຜູ້ເສຍຊີວິດ ທີ່ກໍາລັງເພີ່ມສູງຂຶ້ນໄດ້ອີກຕໍ່ໄປ ໂດຍເຊື້ອໄວຣັດໂຄວິດ-19 ພາກຊີວິດຄົນໃນເມືອງໄປແລ້ວຢ່າງໜ້ອຍ 93ສົບ ແລະ ມີຜູ້ຕິດເຊື້ອອີກວ່າ 4.300 ຄົນສະຖານທີ່ເກັບສົບກ່ອນເຮັດພິທີຝັງຫຼາຍແຫ່ງໃນເມືອງແບກາໂມ ຮັບຝາກສົບໂດຍສະເລ່ຍມື້ລະ 24ລາຍ ລວມເຖິງສົບອື່ນໆທົ່ວໄປເຊິ່ງໝາຍຄວາມວ່າ ສົບເຫຍື່ອໄວຣັດໂຄວິດ-19 ຈະຕ້ອງຂົນຍ້າຍໄປຝັງທີ່ເມືອງ ແລະ ແຄ້ວນອື່ນໆທີ່ຢູ່ໃກ້ຄຽງ.

ຄລິບວີດີໂອເຜີຍແຜ່ທາງສື່ສັງຄົມອອນລາຍ ຈາກໂຮງໝໍແຫ່ງໜຶ່ງໃນເມືອງແບກາໂມ ທີ່ມີຜູ້ປ່ວຍແອອັດ ສະແດງໃຫ້ເຫັນຜູ້ປ່ວຍຫຼາຍຄົນນອນຢູຸ່ເທິງຕຽງພະຍາບານ ທີ່ຖືກນໍາມາຕັ້ງລຽນເປັນແຖວເທິງລະບຽງດ້ານນອກຫ້ອງຜູ້ປ່ວຍສຸກເສີນ.

ທາງດ້ານໂຄສົກກອງທັບບົກອີຕາລີ ຖະແຫຼງຢືນຢັນວ່າ ລົດບັນທຸກຂອງກອງທັບ 15ຄັນ ແລະ ທະຫານ 50ຄົນ ເຮັດການເຄື່ອນຍ້າຍສົບບັນຈຸໃນໂລງ ອອກຈາກເມືອງແບກາໂມ ໄປຍັງແຄ້ວນເພື່ອນບ້ານທີ່ໄດ້ຕິດຕໍຝ່າຍຈັດການສຸສານໄວ້ແລ້ວ ສ່ວນສື່ສໍານັກໜຶ່ງຂອງອີຕາລີ ລາຍງານວ່າມີສົບຖືກເຄືອນຍ້າຍອອກຈາກເມືອງແບກາໂມ ເມື່ອຄືນວັນພຸດປະມານ 70ສົບ