ສປ ຈີນສະໜອງຢາກວດເຊື້ອໄວຣັດຈຳນວນ 2.016 ຊຸດ ແລະ ອື່ນໆ ຊ່ວຍ ສ ປ​ປ ລາວ

ສປ ຈີນສະໜອງຢາກວດເຊື້ອໄວຣັດຈຳນວນ 2.016 ຊຸດ ແລະ ອື່ນໆ ຊ່ວຍ ສ ປ​ປ ລາວ

26th March 2020 0 By Entertain

​ຂອບ​ໃຈຫຼາຍໆ​ເດີ້ ວັນທີ 26 ມີນາ 2020 ນີ້, ສະຖານທູດ ສປ ຈີນປະຈຳ ສປປ ລາວໄດ້ເປີດເຜີຍໃຫ້ຮູ້ວ່າ: ພັກ ແລະ ລັດຖະບານຈີນໄດ້ໃຫ້ຄວາມເອົາໃຈໃສ່ຢ່າງສູງຕໍ່ການຮ່ວມມືກັບຝ່າຍລາວ ໃນການປ້ອງກັນແລະຄວບຄຸມພະຍາດໂຄວິດ-19.

ນັບແຕ່ມີການລະບາດເຖີງປັດຈຸບັນ, ລັດຖະບານຈີນໄດ້ສະໜອງຢາກວດເຊື້ອໄວຣັດຈຳນວນ 2.016 ຊຸດໃຫ້ແກ່ລາວແລ້ວ, ນອກນັ້ນ ຊຸດປ້ອງກັນ 5.000 ຊຸດ, ຜ້າປິດປາກອະນາໄມລຸ້ນ N95 ແລະ ຜ້າປິດປາກການແພດທຳມະດາຈຳນວນ 400.000 ອັນພ້ອມກັບຢາກວດເຊື້ອໄວຣັດ 20.000 ຊຸດ ຊຶ່ງບໍລິຈາກໂດຍມູນນິທິແຈກມາ ກຳລັງສົ່ງມາໃຫ້ ສປປ ລາວໃນເວລາອັນໄກ້ນີ້.


ນອກນັ້ນ ລັດຖະບານຈີນຍັງຈະອີງຕາມຄວາມຕ້ອງການຕົວຈິງຂອງລາວໃນການປ້ອງກັນແລະຄວບຄຸມພະຍາດ ແລ້ວໃຫ້ການຊ່ວຍເຫຼືອທີ່ສົມຄູ່ກັນເພື່ອປະກັນເຮັດໃຫ້ພໍ່ແມ່ປະຊາຊົນລາວບັນດາເຜົ່າປອດໄພ ແລະ ອຸ່ນໃຈ.


ຂະນະດຽວກັນນີ້, ອົງການປົກຄອງທ້ອງຖີ່ນຕ່າງໆຂອງຈີນເຊັ່ນ: ແຂວງຢຸນນານ, ຫູໜານ, ນະຄອນຊົງຊິງ ແຂວງຊານຕົງ ແລະ ນະຄອນຊຽງໄຮ້ໄດ້ພ້ອມກັບສະມາຄົມພັດທະນາເສດຖະກິດອາຊີຈີນ, ສະຫະພັນນັກວິສາຫະກິດຈີນແລະຕ່າງປະເທດ, ທະນາຄານ ICBC ສາຂານະຄອນຫຼວງວຽງຈັນ ກໍ່ຄືອົງການຈັດຕັ້ງຕ່າງໆ ແລະ ຊາວຈີນຢູ່ລາວກໍ່ຄື ຄະນະສະມາຄົມຊາວຈີນຕ່າງດ້າວກໍ່ໄດ້ຕັ້ງໜ້າໃຫ້ການຊ່ວຍເຫຼືອແລະບໍລິຈາກຢ່າງຕັ້ງຫນ້າດ້ວຍຄວາມເອົາໃຈໃສ່ພິເສດ ເຊິ່ງອຸປະກອນເຫຼົ່ານັ້ນມີສ່ວນໜຶ່ງໄດ້ສົ່ງເຖີງ ສປປ ລາວແລ້ວ ແລະ ສ່ວນທີ່ເຫຼືອນັ້ນກໍ່ພວມຫ້າງຫາກະກຽມຈະສືບຕໍ່ສົ່ງເຖີງມືປະຊາຊົນລາວຕາມລໍາດັບ.


ແນວໃດກໍດີ ໃນນາມເປັນຄູ່ຮ່ວມຊະຕາກໍານັ້ນ ພັກ-ລັດ ກໍ່ຄືປະຊາຊົນຈີນມີຄວາມເຫັນອົກເຫັນໃຈຕໍ່ລາວທີ່ກຳລັງໄດ້ຮັບຜົນກະທົບ ແລະ ປະເຊີນຫນ້າກັບພະຍາດໂຄວິດ-19, ຢືນຢັນພ້ອມຮ່ວມແຮງຮ່ວມໃຈ ແລະ ຢືນຄຽງຂ້າງກັບຝ່າຍລາວຜ່ານຜ່າຄວາມຫຍຸ້ງຍາກໃນປັດຈຸບັນ.