ເຫັນໃຈ, ຊ່ວຍກັນຍາມລຳບາກເຈົ້າຂອງຫ້ອງແຖວຫຼຸດເຄິ່ງຄ່າຊ່ວຍຜູ້ມາເຊົ່າເຮືອນ

ເຫັນໃຈ, ຊ່ວຍກັນຍາມລຳບາກເຈົ້າຂອງຫ້ອງແຖວຫຼຸດເຄິ່ງຄ່າຊ່ວຍຜູ້ມາເຊົ່າເຮືອນ

1st April 2020 0 By Education

ວິກິດຈາກໂຄວິດ-19 ມີພ້ອມເຊື້ອພະຍາດ ແລະຫາຍານະທາງເສດຖະກິດ ເຮັດໃຫ້ທຸລະກິດນ້ອຍໃຫຍ່ໄດ້ຮັບຜົນກະທົບທົ່ວໜ້າ, ຫຼາຍບໍລິສັດໄປບໍ່ລອດຕ້ອງຖອດຖອນພະນັກງານອອກຈຳນວນຫຼາຍ, ບາງບໍລິສັດຍັກໃຫຍ່ຍັງເຖິງຂັ້ນໃຫ້ພະນັກງານພັກວຽກບໍ່ຮັບເງິນເດືອນ ແລ້ວຈະທຽບຫຍັງພະນັກງານນ້ອຍກຳມະກອນຫາເຊົ້າກິນຄ່ຳທີ່ຢູ່ເຮືອນເຊົ່າເຂົ້າຊື້ຈະເອົາຕົວລອດໄດ້ແນວໃດ?

ຍ້ອນເຫດຜົນນີ້ແລທີ່ເຈົ້າຂອງຫ້ອງແຖວແຫ່ງໜື່ງເຂດສາລະຄຳ ເມືອງຫາດຊາຍຟອງຕັດສິນໃຈຫຼຸດຄ່າເຊົ່າຫ້ອງ 50% ໃຫ້ກັບຜູ້ມາເຊົ່າຕະຫຼອດເດືອນເມສານີ້ ບໍ່ພຽງເທົ່ານັ້ນຍັງຮັບຈ່າຍຄ່ານ້ຳ,ຄ່າໄຟຄ່າຂີ້ເຫຍືອໃຫ້ຄົບຊຸດຖືວ່າຄ່າຫ້ອງ 500.000 ເກັບເຄິ່ງຄ່າກໍ່ຄື 250.000 ກີບ ແມ່ນເອົາມາຈ່າຍຄ່ານ້ຳຄ່າໄຟກໍ່ຈະໝົດແລ້ວ!!!


ແອັດເຂົ້າໄປຟັງສຽງເຈົ້າຂອງຫ້ອງແຖວໃຈດີທ່ານນີ້ ເພິ່ນບອກວ່າ: ຄົນທີ່ຢູ່ຫ້ອງແຖວສ່ວນໃຫຍ່ຈະເປັນຜູ້ມີລາຍໄດ້ໜ້ອຍພະນັກງານກຳມະກອນ ຄົນເສີບອາຫານເຫຼົ່ານີ້ເປັນຕົ້ນ ສະນັ້ນ ເຂົາເຈົ້າປົກກະຕິກໍ່ບໍ່ມີລາຍຮັບຢູ່ແລ້ວ ຍິ່ງໄລຍະນີ້ເກີດວິກິດເສດຖະກິດຫຼາຍຄົນຕົກວຽກ, ເຈົ້ານາຍບໍ່ມີລາຍຮັບຈ່າຍລູກນ້ອງກໍ່ຄືຜູ້ເຊົ່າຫ້ອງເຫຼົ່ານີ້ ເຊິ່ງຕ່າງຄົນຕ່າງໄດ້ຮັບຜົນກະທົບ ຖ້າຈະອີງອາໄສພາກລັດຊ່ວຍເພິ່ນກໍ່ມີພາລະໜັກໜ່ວງ ບໍ່ຮູ້ວັນຂ້າງໜ້າຕ້ອງໃຊ້ງົບຫຼາຍປານໃດ ດັ່ງນັ້ນ, ສິ່ງທີ່ຊ່ວຍກັນໄດ້ກໍ່ຄວນຊ່ວຍກັນໄປ!!!


ວ້າວ!!!!!ສຸດໆໄປເລີຍ ຫຼາຍຄົນທີ່ຮູ້ຂ່າວການຫຼຸດລາຄາດັ່ງກ່າວໃຜກໍ່ກ່າວຊົມເຊີຍຍ້ອງ ຄົນດີໆມີໜ້ອຍໃນສັງຄົມ, ຂະນະທີ່ໜຸ່ມເຈົ້າຂອງຫ້ອງແຖວຍັງບອກອີກວ່າ ຕົນເອງກໍ່ບໍ່ມີຫຼາຍ ພື້ນຖານເຮັດທຸລະກິດຮ້ານບັນເທິງ ແລະຫ້ອງໃຫ້ເຊົ່າ ເຊິ່ງລ້ວນແຕ່ໄດ້ຮັບຜົນກະທົບຈາກວິກິດຄັ້ງນີ້ ແຕ່ປະຊາຊົນທີ່ມາຢູ່ນຳຍິ່ງໜັກກວ່າ ສະນັ້ນສິ່ງທີ່ຊ່ວຍໄດ້ກໍ່ຍິນດີຊ່ວຍກັນໄປໃນຊ່ວງເວລາແບບນີ້!


ໜຸ່ມຜູ້ໃດດີບອກວ່າ ຂໍຝາກຄວາມຫວັງດີນີ້ໄປໃຫ້ອີກຫຼາຍໆຄົນທີ່ມີຫ້ອງແຖວ, ມິເຮືອນເຊົ່າ ຜ່ອນຜັນໄດ້ກໍ່ຜ່ອນໃຫ້ກັນ ບໍ່ຊ່ວຍຍາມນີ້ແລ້ວຈະຊ່ວຍຍາມໃດ ຫຼັງຈາກນັ້ນ ເອື້ອຍຂອງຊາຍໜຸ່ມຜູ້ໃຈກວ້າງນີ້ ເຊິ່ງມີຫ້ອງເຊົ່າຄືກັນກໍ່ຕັດສິນໃຈຫຼຸດຄ່າເຊົ່າເຄິ່ງໜຶ່ງເຊັ່ນດຽວກັນ ເປັນການຊ່ວຍແບ່ງເບົາຄ່າໃຊ້ຈ່າຍຜູ້ຫາເຊົ້າກິນຄ່ຳ!!! ເວົ້າໄປແລ້ວຈະຍາວອີກ ຂໍໃຫ້ທັງສອງຄົນເອື້ອຍນ້ອງຈົ່ງມີຄວາມສຸກຄວາມຈະເລີນໃນຊີວິດ ບຸນຄຸນຄັ້ງນີ້ຫຼາຍຄົນທີ່ມາຢູ່ນຳຄົງຈົດຈຳໄປອີກຍາວ!!