ຂ່າວດີຄັ້ງທີສອງ! ລາວບໍ່ພົບຜູ້ຕິດເຊື້ອໂຄວິດ-19 ເພີ່ມ

ຂ່າວດີຄັ້ງທີສອງ! ລາວບໍ່ພົບຜູ້ຕິດເຊື້ອໂຄວິດ-19 ເພີ່ມ

2nd April 2020 0 By Education

ໃນວັນທີ 2 ເມສາ 2020 ທີ່ກະຊວງສາທະລະນະສຸກ ໄດ້ມີການຖະແຫຼງກ່ຽວກັບສະພາບການລະບາດຂອງພະຍາດໂຄວິດ-19 ຢູ່ໃນ ສປປ ລາວ ໂດຍ ທ່ານ ດຣ. ຣັດຕະນະໄຊ ເພັງສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ແລະ ມີບັນດາສື່ມວນຊົນເຂົ້າຮ່ວມ.

ທ່ານ ດຣ. ຣັດຕະນະໄຊ ເພັງສຸວັນ ກ່າວວ່າ: ການເຝົ້າລະວັງການລະບາດຂອງພະຍາດໂຄວິດ-19 ໃນ ສປປ ລາວ ມາຮອດວັນທີ 1 ເມສາ 2020 ໄດ້ມີກໍລະນີສົງໄສເກັບຕົວຢ່າງມາກວດ 61 ກໍລະນີ ທັງໝົດໄດ້ເກັບຕົວຢ່າງ ແລະ ຜົນກວດເປັນລົບຖືວ່າວັນທີ 2ເມສາ 2020 ບໍ່ມີກໍລະນີໃໝ່. ດັ່ງນັ້ນ ມາຮອດປັດຈຸບັນຍອດລວມຜູ້ຕິດເຊື້ອທັງໝົດໃນປະເທດລາວ ຍັງຄົງທີ່ 10 ກໍລະນີ.