ໜ້າຫ່ວງ! ໄຟໄໝ້ປ່າຢູ່ຈຸດຊົມວິວຜານາງນອນແຂວງຫຼວງພະບາງຍັງບໍ່ມີທ່າທີຈະດັບມອດລົງ

ໜ້າຫ່ວງ! ໄຟໄໝ້ປ່າຢູ່ຈຸດຊົມວິວຜານາງນອນແຂວງຫຼວງພະບາງຍັງບໍ່ມີທ່າທີຈະດັບມອດລົງ

4th April 2020 0 By Education

ເຊື່ອວ່າຫຼາຍທ່ານທີ່ຕິດຕາມຂ່າວຈາກສື່ສັງຄົມອອນລາຍຈະໄດ້ຮັບຮູ້ມາແລ້ວກ່ຽວກັບເຫດການໄຟໄໝ້ປ່າຢູ່ບັນດາແຂວງພາກເໜືອຂອງລາວໄດ້ຫຼາຍມື້ແລ້ວ ແຕ່ກໍ່ຍັງບໍ່ມີທ່າທີ່ຈະດັບມອດ ຫຼື ຢຸດເຊົາລົງ ກົງກັນຂ້າມມັນກັບໄໝ້ລາມເປັນວົງກ້ວາງ ສະຖານທີ່ທ່ອງທ່ຽວຈຸດຊົມວິວອັນສວຍງາມກໍ່ຈະບໍ່ຫຼົງເຫຼືອໃຫ້ເຫັນອີກແລ້ວ.

ຈາກຜູ້ໃຊ້ເຟສບຸກຊື່ ສາຍສະໝອນ ຈິດຕະປັນຍາ ໄດ້ໂພສພາບ, ວີດີໂອ ແລະ ຂໍ້ຄວາມບັນຍາຍກ່ຽວກັບເຫດການໄຟໄໝ້ໃນຄັ້ງນີ້ໄວ້ວ່າ: ເວລາ 20:00ໂມງ ຂອງວັນທີ 4 ເມສາ 2020 ຟັງແຕ່ສຽງໄມ້ລ່ອຍ(ຈະຮອດຕູບບ່ອນຊົມວິວບໍ່ນໍ້)

ນອກຈາກນີ້ ເຈົ້າຂອງເຟສບຸກດັ່ງກ່າວຍັງໄດ້ໂພສພາບທີ່ໄຟກໍາລັງໄໝ້ລາມປ່າຢ່າງແຮງພ້ອມຂໍ້ຄວາມຂຽນແຈ້ງບອກອີກວ່າ ບໍ່ເຊົາເທື່ອ.

ເຫດການດັ່ງກ່າວ ຈາກພາບທີ່ແອັດມິນເຫັນຄືຈຸດທີ່ໄຟໄໝ້ຢູ່ຜານາງນອນຈຸດຊົມວິວເມືອງງອຍ ແຂວງຫຼວງພະບາງ ບໍ່ໄດ້ຢູ່ຫ່າງໄກຈາກບ້ານເຮືອນປະຊາຊົນຫຼາຍປານໃດ ເຊິ່ງເຮັດໃຫ້ໜ້າຫ່ວງຂຶ້ນອີກ ຢ້ານໄຟລາມມາໃສ່ບ້ານເຮືອນປະຊາຊົນອັນຈະກໍ່ໃຫ້ເກີຄວາມເສຍຫາຍຂຶ້ນໄດ້. ແນວໃດກໍ່ຕາມຝາກເຖິງປະຊາຊົນເຂດໃກ້ຄຽງເຝົ້າລະວັງນໍາກັນ ຢ່າໄດ້ປະໝາດເດັດຂາດ.