ໄທກໍ່ໜັກໜ່ວງເຊັ່ນກັນ! ໄຟປ່າລຸກລາມເປັນວົງກ້ວາງພາກເອົາຊີວິດເຈົ້າໜ້າທີ່ໄປແລ້ວຫຼາຍຄົນ

ໄທກໍ່ໜັກໜ່ວງເຊັ່ນກັນ! ໄຟປ່າລຸກລາມເປັນວົງກ້ວາງພາກເອົາຊີວິດເຈົ້າໜ້າທີ່ໄປແລ້ວຫຼາຍຄົນ

6th April 2020 0 By Education

ປັດຈຸບັນບໍ່ມີສະເພາະແຂວງພາກເກໜືອຂອງລາວເຮົາເທົ່ານັ້ນ ທີ່ພວມປະເຊີນກັບອັກຄີໄພໄຟໄໝ້ລາມປ່າເປັນບໍລິເວນກວ້າງ ອັນສ້າງຄວາມເສຍຫາຍໃຫ້ແກ່ຊັບພະຍາກອນທໍາມະຊາດຢ່າງໜັກ ທັງສົ່ງຜົນກະທົບຕໍ່ປະຊາຊົນທີ່ໃຊ້ຊີວິດຢູ່ໃກ້ຄຽງກັບເຂດນັ້ນ ຍິ່ງໄປກວ່ານັ້ນກໍ່ເຮັດໃຫ້ເກີດມີຝຸ່ນ pm 2.5 ເກີນຄ່າມາດຕະຖານ ທີ່ເປັນອັນຕະລາຍຕໍຊີວິດຂອງຄົນນໍາອີກ.

ແຕ່ໄພດັ່ງກ່າວມັນໂຫດຮ້າຍຫຼາຍກວ່ານັ້ນ, ເນື່ອງຈາກມັນບໍ່ໄດ້ເກີດຢູ່ພຽງປະເທດເຮົາ ກ່ອນໜ້າກໍ່ເກີດຂຶ້ນຢູ່ທະວີບເອີຣົບ ເຊິ່ງຕ້ອງໃຊ້ເວລາຫຼາຍອາທິດກວ່າຈະດັບໄຟໄດ້ ແລະ ຫຼ້າສຸດ ປັດຈຸບັນນີ້ ຈັງຫວັດຊຽງໃໝ່ ປະເທດໄທ ເຊິ່ງເປັນປະເທດເພື່ອນບ້ານຂອງເຮົາເອງ ກໍ່ກໍາລັງປະເຊີນກັບຫາຍະນະດັ່ງກ່າວ ແລະ ຮ້າຍແຮງຫຼາຍ.

ນອກຈາກໄຟປ່າຢູ່ຈັງຫວັດຊຽງໃໝ່ໃນຄັ້ງນີ້ຈະເຮັດໃຫ້ໄທຕ້ອງສູນເສຍຊັບພະຍາກອນທໍາມະຊາດຢ່າງມະຫາສານແລ້ວ ສິ່ງທີ່ໜ້າເສົ້າໃຈກວ່າແມ່ນມັນໄດ້ພາກເອົາຊີວິດຂອງເຈົ້າໜ້າທີ່ ແລະ ປະຊາຊົນຜູ້ເສຍສະຫຼະປະກອບສ່ວນໃນການຊ່ວຍດັບໄຟປ່າຄັ້ງນີ້ ຖືກໄຟໄໝ້ເສຍຊີວິດຫຼາຍສົບ.

ແນວໃດກໍ່ຕາມແອັດມິນຂໍສະແດງຄວາມເສຍໃຈຕໍ່ເຫດການຄັ້ງນີ້ ແລະ ຂໍໃຫ້ທຸກຄົນຜ່ານພົ້ນວິກິດນີ້ໄດ້ໄດ້ໂດຍໄວ.

ເຈົ້າໜ້າທີ່ກໍາລັງປະຕິບັດໜ້າທີ່