ຊື້ມາຫຼາຍຂາຍບໍທັນຫຼືແນວໃດ? ອຸດົມໄຊກວດພົບຮັອດດັອກໝົດອາຍຸວາງຈຳໜ່າຍ

ຊື້ມາຫຼາຍຂາຍບໍທັນຫຼືແນວໃດ? ອຸດົມໄຊກວດພົບຮັອດດັອກໝົດອາຍຸວາງຈຳໜ່າຍ

6th April 2020 0 By Education

ໄລຍະນີ້ຫຼາຍຄົນມັກຊື້ສິນຄ້າມາເກັບໄວ້ ເພາະພາກລັດມີຄຳສັ່ງໃຫ້ຢູ່ເຮືອນຫ້າມອອກໄປນອກຖ້າບໍ່ຈຳເປັນ ເຮັດໃຫ້ສິນຄ້າຫຼາຍຢ່າງແພງຂຶ້ນ ກໍ່ເປັນໂອກາດໃຫ້ແມ່ຄ້າຊື້ສິນຄ້າມາກັກຕຸນໄວ້ເພື່ອຂາຍເອົາລາຄາ ບາງຄັ້ງຊື້ມາຫຼາຍເກີນໄປຂາຍບໍ່ທັນກໍ່ເຮັດໃຫ້ໝົດອາຍຸກ່ອນ ເມື່ອເຈົ້າໜ້າທີ່ກວດພົບກໍ່ຜິດຕໍ່ລະບຽບກົດໝາຍຄືກັບລາຍນີ້ທີ່ແຂວງອຸດົມໄຊ.

ຕາມລາຍງານຂອງຂ່າວແຂວງອຸດົມໄຊ ໃນວັນທີ6 ເມສາ 2020 ນີ້ ເຈົ້າຫນ້າທີ່ກວດກາການຄ້າແຂວງອຸດົມໄຊ ໄດ້ລົງກວດກາການຄ້າຂາຍຕາມປົກກະຕິ ແຕ່ບັງເອີນໄດ້ກວດພົບສິນຄ້າໝົດອາຍຸຍັງເອົາມາຂາຍຢູ່.

ສິນຄ້າທີ່ກວດພົບດັ່ງກ່າວແມ່ນ ປະເພດ ຮອນດັອກ ຫມົດອາຍຸ ກວດພົບຢູ່ຕະຫລາດ ບ້ານຖີ່ນ ເມືອງໄຊ.

ຕໍ່ກັບບັນຫາດັ່ງກ່່າວ ທາງ ເຈົ້າຫນ້າທີ່ກວດກາການຄ້າກໍໄດ້ສຶກສາອົບຮົມພ້ອມທັງສ້າງບົດບັນທຶກ ກັບເຈົ້າຂອງຮ້ານ. ສ່ວນ ສິນຄ້າທີ່ຫມົດອາຍຸແມ່ນໄດ້ນຳໄປທຳລາຍຖີ້ມ.

ທ້າຍສຸດນີ້ຝາກເຖິງພໍ່ແມ່ປະຊາຊົນທຸກຄົນຢ່າຕື່ນເຕັ້ນຢ່າຕົກໃຈ ບໍ່ຕ້ອງຊື້ສິນຄ້າກັກຕຸນຫຼາຍເພາະພາກລັດຈຳກັດການອອກບໍລິເວນແຕ່ບໍ່ໝາຍວ່າຫ້າມອອກຊື້ອາຫານ ຢ້ານຈະໄດ້ກິນຂອງໝົດອາຍຸກ່ອນ, ພ້ອມດຽວກັນນີ້ການອອກຊື້ສິນຄ້າກໍ່ຈົ່ງໃຊ້ເວລາສັງເກດວັນເດືອນປີໝົດອາຍຸ ເພື່ອຄວາມປອດໄພຂອງຕົວທ່ານເອງ.