​ເບິ່ງ​ໄວ້​ເປັນ​ກໍ​ລະ​ນີ ຕົວ​ຢ່າງ​ເດີ້ ​ສາວ​ໄທດື່ມ​ເບຍ​ຮ່ວມ​ກັນ ສຸດ​ທ້າຍ​ຕິດ​ໂຄວິດ​ໝົດ ບອກ​ແລ້ວ​ຄື​ບໍ່​ຟັງ​ຄວາມ​ແນ່

​ເບິ່ງ​ໄວ້​ເປັນ​ກໍ​ລະ​ນີ ຕົວ​ຢ່າງ​ເດີ້ ​ສາວ​ໄທດື່ມ​ເບຍ​ຮ່ວມ​ກັນ ສຸດ​ທ້າຍ​ຕິດ​ໂຄວິດ​ໝົດ ບອກ​ແລ້ວ​ຄື​ບໍ່​ຟັງ​ຄວາມ​ແນ່

6th April 2020 0 By Entertain

ເອົາອີກລະພີ່ນ້ອງ ໝູ່ຮັກໝູ່ແພງດື່ມເບຍຮ່ວມທໍ່ຕິດໂຄວິດສາມັກຄີ 4 ແອັງ

ເຫັນກັນເລື້ອຍຢູ່ເວລາເປັນໝູ່ຮັກໝູ່ແພງກິນຫຍັງມັກກິນນຳກັນ ດື່ມນຳກັນຖ້າເປັນສາວໆແອັດເຄີຍເຫັນດູດທໍ່ດູດນຳກັນ ແຕ່ບໍ່ແມ່ນຍຸກໂຄວິດເດີ້ພີ່ນ້ອງຍຸກນີ້ຢ່າງໝູ່ເຮົາຢູ່ໃກ້ໝູ່ມີໂອກາດຕິດໂຄວິດ ຖ້າຍັງຖືເບົາຄືແຕ່ເກົ່າຄາວຫຼັງກໍ່ບໍ່ຮັບປະກັນຄວາມປອດໄພອີກຕໍ່ໄປດັ່ງ 4 ສາວທີ່ນຳສະເໜີໃນມື້ນີ້.


ທີ່ປະເທດໄທຈັງຫວັດປຣາຈີນບູຣີ ໄດ້ກວດພົບ ແລະຢືນຢັນຜູ້ຕິດເຊື້ອໂຄວິດ ລາຍທີ5 ສຳລັບທາມລາຍຂອງຜູ້ປ່ວຍລາຍທີ5 ນັ້ນເປັນເພດຍິງອາຍຸ 22 ປີ ເຮັດວຽກໃຫ້ພັບແຫ່ງໜຶ່ງໃນກຸງເທບ ໂດຍເມື່ອວັນທີ 18 ມີນາຜ່ານມາໄດ້ຮ່ວມສັງສັນກັບໝູ່ຈຳນວນ 5 ຄົນ ດ້ວຍການດື່ມເບຍ ແລະໃຊ້ທໍ່ດູດຮ່ວມກັນ 4 ຄົນ.


ຫຼັງຈາກນັ້ນມາຮອດວັນທີ 23 ມີນາ ຈິ່ງເດີນທາງຈາກກຸງເທບມາປຣາຈີນບູຣີ ຮອດວັນທີ 24 ພໍຮອດວັນທີ 25 ກໍ່ເລີ່ມປ່ວຍມີອາການຮັບຮູ້ທາງປະສາດສຳຜັດຫຼຸດລົງທັງເລື່ອງກິ່ນ ແລະລົດຊາດ.


ມາຮອດວັນທີ 28 ເລີ່ມຮູ້ສຶກເຈັບທ້ອງແໜ້ນທ້ອງຈິ່ງເຂົ້າໄປກວດ ແຕ່ບໍ່ໄດ້ເລົ່າປະຫວັດການເຮັດວຽກກິນດື່ມໃຫ້ໝໍຟັງ ກໍສືບຕໍ່ມາໃຊ້ຊີວິດຕາມປົກກະຕິ.


ວັນເວລາລ່ວງເລີຍມາຮອດວັນທີ 3 ເມສາ ຈິ່ງຮູ້ວ່າໝູ່ອີກ 3 ຄົນທີ່ດື່ມຮ່ວມທໍ່ນຳກັນມື້ນັ້ນຕິດເຊື້ອໂຄວິດ ເວລານີ້ຈິ່ງເລີ່ມສົງໄສໂຕເອງ ແລະເດີນທາງໄປພົບແພດ ເພື່ອກວດ ແລະເກັບຕົວຢ່າງ ປະກົດວ່າຕິດເຊື້ອ ລວມແລ້ວທັງ 4 ຄົນທີ່ກິນດື່ມຮ່ວມທໍ່ຮ່ວມທຸກຮ່ວມສຸກກັນກໍ່ໄດ້ເປັນຜູ້ປ່ວຍໂຄວິດຍົກແກ້ງ.


ນອກຈາກນີ້ສາວລາຍທີ5 ຍັງມາສຳຜັດໃກ້ຊິດກັບຜົວ, ຍ່າ, ພໍ່ແມ່ ລູກ ແລະນ້ອງຊາຍລວມ 5 ຄົນ ເຊິ່ງຍັງບໍ່ທັນຮູ້ວ່າຜົນອອກມາຈະເປັນແນວໃດ ແຕ່ທີ່ແນ່ນອນຢ່າລືມບອກກັນຢ່າກິນດື່ມດ້ວຍອຸປະກອນດຽວກັນເດັດຂາດໃນຍຸກໂຄວິດນີ້ ພະຍາດມາບໍ່ເລືອກເຮົາເອງຕ້ອງເລືອກໃຊ້ເລືອກຢູ່ ເພື່ອສຸຂະພາບໂຕເອງ.