ມື້ນີ້ ນັບຖອຍຫຼັງອີກພຽງບໍ່ເທົ່າໃດຊົ່ວໂມງ! ຖ້າເບິ່ງນໍາກັນ ເດືອນເຕັມດວງຍັບເຂົ້າໃກ້ໂລກທີ່ສຸດໃນຮອບປີ

ຊ່ວງນີ້ໃຜກໍ່ເຄັ່ງຄຽດກັບຂ່າວການລະບາດຂອງພະຍາດປອດອັກເສບສາຍພັນໃໝ່ ເຮົາກໍ່ປ່ຽນບັນຍາກາດມາເບິ່ງຄືນພະຈັນເຕັມດວງດີກວ່າ ເພື່ອພັກສາຍຫູສາຍຕາມາຢູ່ກັບທຳມະຊາດ.

ຕາມສະຖາບັນວິໄຈດາລາສາດສາກົນເຊີນຊວນທຸກຄົນໄດ້ເບິ່ງປະກົດການພະຈັນເຕັມດວງໃກ້ໂລກທີ່ສຸດໃນຮອບປີ ເຊິ່ງຈະປະກົດໃຫ້ເຫັນມື້ອື່ນນີ້ 8​ເມສາ​ຕັ້ງແຕ່ເວລາ 17:52ໂມງຫາຕອນເຊົ້າ ມີເວລາໄດ້ເຫັນຍາວນານເລີຍ.

ປະກົດການດັາງກ່າວນີ້ສາມາດສັງໄດ້ດ້ວຍຕາເປົ່າທາງທິດຕາເວັນອອກ​ ຕາມຂໍ້ມູນໃຫ້ຮູ້ວ່າ ການປະກົດໂຕຂອງດວງຈັນຄັ້ງນີ້ແມ່ນຢູ່ຫ່າງຈາກໜ່ວຍໂລກ 357.022 ກິໂລແມັດ​ຫາກປຽບທຽບກັບດວງຈັນໃນຊ່ວງເວລາປົກກະຕິຈະມີຂະໜາດໃຫຍ່ກວ່າ 7% ແລະສະຫວ່າງກວ່າ​16%.

ຖືເປັນປະກົດການດວງຈັນເຕັມດວງທີ່ໃກ້ໂລກທີ່ສຸດໃນຮອບປີ ຖ້າໃຜພາດມື້ອື່ນກໍຕ້ອງລໍຖ້າປີໜ້າ2021 ໃນວັນທີ​26​ພຶດສະພາ​ຈະມີໄລຍະຫ່າງຈາກໂລກ 357.454 ກິໂລແມັດ