ໄທພົບເສິກໜັກແລ້ວ! ແຮງງານ 76ຊີວິດເດີນທາງມາຈາກອິນໂດເນເຊຍ ພົບຕິດໂຄວິດ-19 ເຖິງ 42ຄົນ.

ໄທພົບເສິກໜັກແລ້ວ! ແຮງງານ 76ຊີວິດເດີນທາງມາຈາກອິນໂດເນເຊຍ ພົບຕິດໂຄວິດ-19 ເຖິງ 42ຄົນ.

8th April 2020 0 By Education

ນັບຕັ້ງແຕ່ມີການລະບາດຂອງພະຍ່ດໂຄວິດ-19 ເຮັດໃຫ້ຫຼາຍປະເທດຍິ່ງຕ້ອງມີມາດຕະການເຂັ້ມງວດຂຶ້ນ ໂດຍສະເພາະແມ່ການຄຸມເຂັ້ມກວດຫາເຊື້ອພະຍາດດັ່ງກ່າວຈາກແຮງງານຂອງປະເທດນັ້ນໆ ທີ່ກັບມາຈາກຕ່າງປະເທດ ແຕ່ຫຼ້າສຸດ ໄທໂຊກຮ້າຍ ບັນດາແຮງງານທີ່ກັບມາຈາກດິນໂດເນເຊຍພ້ອມກັນ 76 ຄົນ ເມື່ອກວດຫາເຊື້ອໂຄວິດ ພົບຕິດເຊື້ອ 42 ຄົນ.

ເມື່ອວັນທີ 8 ເມສາ 2020 ມີລາຍງານສື່ປະເທດໄທ ໃຫ້ຮູ້ວ່າ: ກໍລະນີກຸ່ມຊາວໄທມຸດສະລິມ ທີ່ເດີນທາງຄົນກັບມາຈາກປະເທດອິນໂດເນເຊຍ ເມື່ອ 6 ເມສາ 2020 ທີ່ຜ່ານມາດ້ວຍເຄື່ອງບິນເຊົ່າເໝົາລໍາ ຈາກກຸງຈາກາຕາ ປະເທດອິນໂດເນເຊຍ ມາຍັງສະໜາມບິນຫາດໃຫຍ່ ຈັງຫວັດສົງຂາ ທໍາອິດມີ 100 ຄົນ ແຕ່ເດີນທາງກັບມາພຽງ 76 ສ່ວນອີກ 24ຄົນ ບໍ່ຜ່ານຂະບວນການຄັດກອງກ່ອນຂຶ້ນເຄື່ອງ.

ຫຼ້າສຸດ,ໃນຈໍານວນ 76ຄົນ ມີຂໍ້ມູນຊັດເຈນຈາກການກວດຄັດກອງ ແຍກເປັນຊາວໄທມຸດສະລິມທີ່ເດີນທາງກັບຈາກອິນໂດນີເຊຍຈໍານວນ 76 ຄົນ ແລະ ລູກເຮືອ 35 ຄົນ ລວມ 111 ຄົນ, ເຊິ່ງມີການເກັບຕົວຢ່າງເຊື້ອໄປກວດຈໍານວນ 52 ຄົນ ພົບຕິດເຊື້ອ 42 ຄົນ, ເຊິ່ງທັງໝົດໄດ້ຖືກສົ່ງຕົວເຂົ້າໄປຮັກສາຢູ່ໂຮງໝໍແຕ່ລະພື້ນທີ່ແລ້ວ, ນອກຈາກນີ້ບັນດາກຸ່ມຄົນທີ່ກັກຕົວຢູ່ນັ້ນ ກໍ່ຕ້ອງເຝົ້າສັງເກດຢ່າງໃກ້ຊິດ ເພາະຖືເປັນກຸ່ມທີ່ມີຄວາມສ່ຽງສູງ

ທີ່ມາ: ຂ່າວສົດ