ສຸດຍອດນ້ຳໃຈ ທ່ານນາງສາວຍິ່ງລັກ ຢູ່ຕ່າງແດນຍັງໃຫ້ຕົວແທນນຳເຄື່ອງຊ່ວຍແພດໝໍ

ສຸດຍອດນ້ຳໃຈ ທ່ານນາງສາວຍິ່ງລັກ ຢູ່ຕ່າງແດນຍັງໃຫ້ຕົວແທນນຳເຄື່ອງຊ່ວຍແພດໝໍ

11th April 2020 0 By Education

ເມື່ອເຫັນຂ່າວອ້າຍນ້ອງຂອງທ່ານທັກສິນ ຊິນນະຫວັດ ກໍ່ອົດບໍໄດ້ທີ່ຈະເອົາຂ່າວມາຝາກ ເພາະເປັນເລື່ອງລາວທີ່ປະທັບໃຈ ແລະຄິດວ່າປວງປະຊາລ້ວນຕ້ອງການຜູ້ນຳແບບນີ້, ສຳລັບທ່ານນາງຍິ່ງລັກ ຊິນນະຫວັດແມ່ນວ່າຈະພົ້ນຕຳແໜ່ງໄປຫຼາຍປີແຕ່ເມື່ອບ້ານເມືອງມີໄພຍັງອອກແຮງຊ່ວຍເຫຼືອຕະຫຼອດ.


ທ່ານນາງຍິ່ງລັກ ຊິນນະຫວັດ ອະດີດນາຍົກລັດຖະມົນຕີຂອງຊາວໄທ ໄດ້ໂພສລົງໃນເຟສບຸກສ່ວນຕົວໃນວັນທີ 10 ເມສາ 2020 ນີ້ວ່າ: ການຮັກສາພະຍາບານຜູ້ຕິດເຊື້ອໂຄວິດ-19 ທີ່ພວມເກີດຂຶ້ນໃນຂະນະນີ້ ບຸກຄະລາກອນທາງການແພດເປັນດ່ານໜ້າຂອງທຸກຄົນ ແຕ່ເວົ້າເຖິງອຸປະກອນການແພດໃນການດູແລຜູ້ປ່ວຍ ແລະຮັບມືກັບເຊື້ອໄວຣັສນີ້ຍັງຂາດແຄນ ດັ່ງນັ້ນ, ຕົນເອງຈິ່ງຂໍເປັນສ່ວນໜຶ່ງທີ່ຈະຊ່ວຍເສີມອຸປະກອນທີ່ຈະຊ່ວຍປ້ອງກັນເຊື້ອ ແລະເສີມປະສິດທິພາບໃນການດູແລຮັກສາຜູ້ປ່ວຍໃນດີຍິ່ງຂຶ້ນ.


ໂດຍທ່ານນາງຍິ່ງລັກ ຊິນນະຫວັດ ໄດ້ໃຫ້ ສສ ທ່ານໜຶ່ງເປັນຕົວແທນຕົນນຳເອົາຊຸດເຄື່ອງປ້ອງກັນກໍ່ຄືຊຸດ PPE ແລະໜ້າກາກອະນາໄມ N95 ພ້ອມດ້ວຍຜ້າອັດປາກທຳມະດາໄປມອບໃຫ້ໂຮງໝໍໃນຈັງຫວັດຊຽງໃໝ່ບ້ານເກີດຂອງຕົນເອງ ເພາະຮູ້ວ່າສຳນັກງານສາທາລະນະສຸກຈັງຫວັດຊຽງໃໝ່ເປັນໂຮງໝໍທີ່ຖືກກຳນົດໃຫ້ເປັນບ່ອນປິ່ນປົວຜູ້ປ່ວຍໂຄວິດ-19ທີ່ອາການເບົາ, ນອກຈາກນີ້ກໍ່ໄດ້ມອບໃຫ້ໂຮງໝໍຣາມາທິບໍດີອີກສ່ວນໜຶ່ງ.

ສິ່ງທີ່ນຳໄປມອບຊ່ວຍເຫຼືອທີມແພດໝໍນີ້ ຈະເປັນສິ່ງຂອງເລັກນ້ອຍ ແຕ່ກໍ່ເຊື່ອວ່າຈະຊ່ວຍເສີມຄວາມຕ້ອງການໄດ້ສ່ວນໜຶ່ງ ແລະ ຕ້ອງຂອບໃຈບຸກຄະລາກອນທາງການແພດທີ່ລົງພື້ນທີ່ກວດສຸຂະພາບປະຊາຊົນ ແລະດູແລຜູ້ປ່ວຍເປັນຢ່າງດີ!!!!