ບໍ່ມີໃຜຢາກໃຫ້ເກີດ! ຍອດຜູ້ເສຍຊີວິດຈາກໂຄວິດ ສະຫະລັດແຊງອີຕາລີ ທະລຸ 20ພັນຄົນ ສູງທີ່ສຸດໃນໂລກ

ບໍ່ມີໃຜຢາກໃຫ້ເກີດ! ຍອດຜູ້ເສຍຊີວິດຈາກໂຄວິດ ສະຫະລັດແຊງອີຕາລີ ທະລຸ 20ພັນຄົນ ສູງທີ່ສຸດໃນໂລກ

12th April 2020 0 By Education

ຈາກສະພາບການລະບາດຂອງພະຍາດໂຄວິດ-19 ທີ່ນັບມື້ຮຸນແຮງຂຶ້ນຢູ່ທົ່ວໂລກ, ແຕ່ໃນຕອນນີ້ ໜັກສຸດໜ້າຈະແມ່ນສະຫະລັດອາເມລິກາ ທີ່ຍອດຜູ້ເສຍຊີວິດຈາກພະຍາດດັ່ງກ່າວ ສູງຂຶ້ນເຖິງ 20.000ຄົນ ກາຍອີຕາລີທີ່ມີຍອດສູງສຸດໃນເມື່ອກ່ອນ 19.500 ສົບ ເຮັດໃຫ້ສະຫະລັດກາຍເປັນປະເທດທີ່ມີຜູ້ເສຍຊີວິດຈາກພະຍາດນີ້ສູງທີ່ສຸດໃນໂລກ.

ສໍານັກຂ່າວຕ່າງປະເທດ ລາຍງານໃຫ້ຮູ້ວ່າ: ສະຫະລັດອາເມລິກາມີຍອດຜູ້ເສຍຊີວິດແຊງໜ້າອີຕາລີໄປເປັນອັນດັບໜຶ່ງຂອງໂລກ ຫຼື ເກີນ 20.000 ລາຍແລ້ວ ສ່ວນອີຕາລີຢູ່ທີ່ 19.500 ລາຍ. ມົນທົນນິວຢອກຍັງປະເຊີນກັບວິກິດຢ່າງສາຫັດຈາກການລະບາດຈົນຕ້ອງຂຸດຂຸມຝັງລວມໝູ່, ສ່ວນນະຄອນຊີກາໂກ ແລະ ເມື່ອງໃຫຍ່ອື່ນໆໃນແຖບມິດເວສມີແນວໂນ້ມຈໍານວນຜູ້ປ່ວຍສູງຂຶ້ນເລື້ອຍທເຊັ່ນກັນ.

ທີ່ບ້ານພັກຄົນຊະລາລັດອິນເດຍນາ ເຈົ້າໜ້າທີ່ພົບຜູ້ຢູ່ອາໄສເສຍຊີວິດໄປແລ້ວເຖິງ 24ລາຍ ສ່ວນທີ່ລັດໄອໂອວາ ມີສະພາບຄ້າຍກັນ ພົບຜູ້ສູງອາຍຸໃນບ້ານພັກຄົນຊະລາເສຍຊີວິດແລ້ວ 14 ລາຍ ດ້ານເຂດນະຄອນຊີກາໂກ ຈັດສ້າງຫ້ອງເກັບສົບຊົ້ວຄາວທີ່ບັນຈຸຮ່າງໄດ້ 2.000ລາຍ.

ແນວໃດກໍ່ຕາມ ສູນກາງການລະບາດຂອງໄວຣັດໂຄວິດ-19 ຍ້າຍຈາກຈີນມາແຖບເອີຣົບ ແລະ ຮອດສະຫະລັດ ທີ່ຕອນນີ້ມີຜູ້ຕິດເຊື້ອເກີນເຄິ່ງລ້ານ ແລະ ຍອດຕາຍເກີນອີຕາລີໄປແລ້ວ ແມ້ວ່າເມື່ອປຽບທຽບອັດຕາການເສຍຊີວິດຕໍ່ປະຊາກອນແລ້ວອີຕາລີຍັງສູງກວ່າສະຫະລັດ 5 ເທົ່າ ແຕ່ສະຖານະການໃນສະຫະລັດ ເປັນໄປຕາມການປະເມີນວ່າຈະເປັນອາທິດໂຫດຮ້າຍທີ່ມີຜູ້ເສຍຊີວິດຈໍານວນຫຼາຍ.