ໜຸ່ມສຸດງົງ! ໃສ່ຜ້າປິດປາກ ລ້າງມືຕະຫຼອດ ບໍ່ເຄີຍໄປບ່ອນສ່ຽງ ແຕ່ຍັງຕິດໂຄວິດ-19

ໜຸ່ມສຸດງົງ! ໃສ່ຜ້າປິດປາກ ລ້າງມືຕະຫຼອດ ບໍ່ເຄີຍໄປບ່ອນສ່ຽງ ແຕ່ຍັງຕິດໂຄວິດ-19

13th April 2020 0 By Education

ນັບເປັນເລື່ອງສຸດຊັອກ ແລະ ໃຫ້ຖືເປັນເລື່ອງເຕືອນສະຕິທຸກຄົນອີກເລື່ອງໜຶ່ງທີ່ເກີດຂຶ້ນຢູ່ປະເທດໄທ ເມື່ອຊາຍໜຸ່ມຜູ້ຕິດເຊື້ອໂຄວິດ-19 ອອກມາໂພສວ່າຕົນເອງປ້ອງກັນຕົນເອງຢ່າງດີ ທັງໃສ່ຜ້າອັດປາກ-ດັງ, ລ້າງມືທຸກຄັ້ງ ແຕ່ກໍ່ຍັງຕິດເຊື້ອພະຍາດຫາຍະນະນີ້ ແຕ່ກໍ່ຍັງດີທີ່ຄົນໃນຄອບຄົວບໍ່ຕິດເຊື້ອໂຄວິດນໍາ ແລະ ຍັງຂອບໃຈໂຮງໝໍທີ່ເບິ່ງແຍງດູແລເປັນຢ່າງດີ.

ເຊິ່ງຜູ້ໃຊ້ເຟສບຸກຊື່ Jassada Pornsomboonsiri ໄດ້ອອກມາໂພສພາບພ້ອມຂໍ້ຄວາມເລົ່າເລື່ອງລາວຫຼັງຈາກທີ່ຕົນເອງຕິດເຊື້ອໂຄວິດ-19 ສະຫຼຸບທາມລາຍຕັ້ງແຕ່ຕອນກວດພົບເຊື້ອ, ການປິ່ນປົວເປັນແນວໃດ, ຈົນກະທັ້ງປິ່ນປົວຫາຍດີ ທ່ານໝໍອະນຸຍາດໃຫ້ກັບບ້ານໄດ້ ພ້ອມເຜີຍວ່າ ໂຄວິດ-19 ໃນມຸມມອງຂອງຕົນເອງນັ້ນຕິດງ່າຍຫຼາຍ.

ນອກຈາກນີ້ຜູ້ໂພສຂໍ້ຄວາມດັ່ງກ່າວຍັງໃຫ້ຮູ້ອີກວ່າ: ສະຫຼຸບໂລກໂຄວິດ-19 ໃນມຸມຂອງຕົນເອງແມ່ນຕິດງ່າຍຫຼາຍ ທີ່ຜ່ານມາກໍ່ໃຊ້ຊີວິດປົກກະຕິ ບໍ່ໄດ້ໄປບ່ອນສຽງ ຫຼື ມີຄົນໃກ້ຕົວຕິດເຊື້ອ ໃນຄວາມຮູ້ສຶກຈຸດສ່ຽງສຸດທີ່ຄິດອອກແມ່ນຂົນສົ່ງສາທາລະນະ ເພາະລົດເມກັບເຮືອຄອງແສນແສບທີ່ນັ່ງຊ່ວງນັ້ນ ຄົນແໜ້ນ ແລະ ອາກາດຂ້ອນຂ້າງຮ້ອນບໍ່ຖ່າຍເທ.

ແຕ່ປົກກະຕິເວລາຂຶ້ນລົດຂຶ້ນເຮືອ ຫຼື ຂຶ້ນລົດໄຟຟ້າ ກໍ່ໃສ່ຜ້າປິດປາກ-ດັງຕະຫຼອດເວລາ ເມື່ອຮອດບ້ານ ຫຼື ຫ້ອງການ ກໍ່ລ້າງມືທຸກຄັ້ງ ຄິດບໍ່ອອກອີຫຼີ ວ່າໄປຕິດເຊື້ອມາແຕ່ຕອນໃດ ຕິດໄດ້ແນວໃດ ບາງເທື່ອອາດເປັນຕອນເຊັດເຫື່ອຢູ່ໜ້າ ຫຼື ບາງຄັ້ງທີ່ເຮົາຫຼົງໄປຈັບຕາເວລາແປງແວ່ນຕາກໍ່ອາດເປັນໄປໄດ້, ແຕ່ຄັ້ງນີ້ໂຊກດີຫຼາຍ ທີ່ບໍ່ມີຄົນໃກ້ຕົວຕິດເຊື້ອຈາກຕົນເອງ ເຫດການນີ້ສອນໃຫ້ຢ່າງແທ້ຈິງວ່າ ການບໍ່ມີໂລກເປັນລາບອັນປະເສີດຫຼາຍ ຫຼັງຈາກນັ້ນກໍ່ຕ້ອງກັບມາກັກຕົວຕໍ່ອີກ 14ວັນທີ່ເຮືອນຕົນເອງຕໍ່.