ດ່ວນທີ່ສຸດ! ຈາກຫ້ອງວ່າການສໍານັກງານນາຍົກ ຫ້າມຂາຍເຫຼົ້າ, ເບຍ, ເຄື່ອງດື່ມທາດເຫຼົ້າທຸກປະເພດ

ດ່ວນທີ່ສຸດ! ຈາກຫ້ອງວ່າການສໍານັກງານນາຍົກ ຫ້າມຂາຍເຫຼົ້າ, ເບຍ, ເຄື່ອງດື່ມທາດເຫຼົ້າທຸກປະເພດ

13th April 2020 0 By Education

ເພື່ອເປັນການສະກັດກັ້ນ, ຄວບຄຸມ ການລະບາດຂອງພະຍາດໂຄວິດ-19 ບໍ່ໃຫ້ແຜ່ຂະຫຍາຍອອກເປັນວົງກວ້າງ ລັດຖະບານໄດ້ມີມາດຕະການເຂັ້ມງວດຫຼາຍຢ່າງ, ໂດຍຫຼ້າສຸດ ຫ້ອງວ່າການສໍານັກງານນາຍົກໄດ້ອອກແຈ້ງການຫ້າມຈໍາໜ່າຍ, ເຫຼົ້າ, ເບຍ, ເຄື່ອງດື່ມທາດເຫຼົ້າຕ່າງໆ ໃນໄລຍະບູນປີໃໝ່ລາວ ຢ່າງເດັດຂາດ.

ອີງຕາມແຈ້ງການຂອງຫ້ອງວ່າການສໍານັກງານນາຍົກ ເລື່ອງຫ້າມຈໍາໜ່າຍເຫຼົ້າ, ເບຍ ແລະ ເຄື່ອງດື່ມທີ່ມີທາດເຫຼົ້າທຸກປະເພດໃນໄລຍະພັກບຸນປີໃໝ່, ສະບັບເລກທີ 478/ຫສນຍ, ລົງວັນທີ 13 ເມສາ 2020 ໂດຍມີເນື້ອໃນຈິດໃຈສໍາຄັນ ຫ້າມຈໍາໜ່າຍເຫຼົ້າ, ເບຍ ແລະ ເຄື່ອງດື່ມທີ່ມີທາດເຫຼົ້າທຸກປະເພດໃນໄລຍະພັກບຸນປີໃໝ່ ໂດຍໃຫ້ເລີ່ມແຕ່ມື້ນີ້ ຮອດວັນທີ 20 ເມສາ 2020., ຫາກໃຜລະເມີດໃຫ້ດໍາເນີນຕາມລະບຽບການທີ່ກ່ຽວຂ້ອງ.

ລາຍລະອຽດຕ່າງໆ ສາມາດອ່ານຕາມແຈ້ງການໄດ້