ເອກົວດໍ ໜັກອີຫຼີ! ຕ້ອງໄດ້ຕັ້ງໜ່ວຍສະເພາະກິດ ເລາະເກັບສົບຜູ້ເສຍຊີວິດໂດຍບໍ່ຮູ້ສາເຫດຕາມເຮືອນແລ້ວເກືອບ 800ສົບ

ເອກົວດໍ ໜັກອີຫຼີ! ຕ້ອງໄດ້ຕັ້ງໜ່ວຍສະເພາະກິດ ເລາະເກັບສົບຜູ້ເສຍຊີວິດໂດຍບໍ່ຮູ້ສາເຫດຕາມເຮືອນແລ້ວເກືອບ 800ສົບ

15th April 2020 0 By Education

ກ່ອນໜ້ານີ້ ແອັດມິນເຄີຍນໍາສະເນີໄປແລ້ວກ່ຽວກັບການໄບ່ເກັບສົບປະຊາຊົນທີ່ເສຍຊີວິດຕາມຫົນທາງໂດຍບໍ່ຮູ້ສາເຫດ, ແຕ່ຫຼ້າສຸດ ເອກົວດໍ ພົບວິກິດໂຄວິດໜັກຂຶ້ນອີກ ຕ້ອງຕັ້ງຊຸດປະຕິບັດການສະເພາະກິດ ເກັບສົບຜູ້ເສຍຊີວິດຕາມບ້ານເຮືອນແລ້ວເກືອບ 800 ຢ່າງບໍ່ສາເຫດອີກຄັ້ງ ແລະ ເຄື່ອນຍ້າຍສົບທີ່ເຄືອນທີ່ລົ້ນຫ້ອງດັບຈິດໃນໂຮງໝໍໃນເມືອງກົວຢາກິລ ເພື່ອນໍາໄປຝັງ.

ເມື່ອວັນທີ 14 ເມສາ 2020 ເວັບໄຊ້ອັລຈາຊີລາ ລາຍງານເຫດການສະເທືອນໃຈ ຕໍາຫຼວດ ແລະ ທະຫານໃນເອກົວດໍ ປະເທດຍາກຈົນໃນທະວີບອາເມຣິກາໃຕ້ ຕ້ອງຊ່ວຍກັນເກັບສົບຜູ້ເສຍຊີວິດຕາມບ້ານເຮືອນປະຊາຊົນ ໃນເມືອງກົວຢາກິລ ເກືອບ 800 ສົບ ໃນຊ່ວງເວລາພຽງ 3ອາທິດ ຂະນະທີເມືອງກົວຢາກິລ ເປັນເມືອງໃຫຍ່ທີ່ສຸດ ແລະ ມີປະຊາກອນຫຼາຍທີ່ສຸດຂອງປະເທດກາຍເປັນສູນກາງການລະບາດຂອງເຊື້ອໂຄວິດ ມີຜູ້ຕິດເຊື້ອ ແລະ ເສຍຊີວິດຈະໄວຣັດນີ້ຈໍານວນຫຼາຍ.

ຕອນນີ້ຕາມໂຮງໝໍຕ່າງໆ ໃນເມືອງກົວຢາກິລແໜ້ນໄປດ້ວຍຜູ້ປ່ວຍຈໍານວນຫຼາຍ ເຊິ່ງໃນຂະນະນີ້ສ່ວນໃຫຍ່ເປັນຜູ້ປ່ວຍທີ່ຕິດເຊື້ອໂຄວິດ ມາພົບແພດຈົນເຮັດໃຫ້ບຸກຄະລາກອນທາງການແພດຕ້ອງເຮັດວຽກໜັກ ລວມເຖິງເຈົ້າໜ້າທີ່ດ້ານຫ້ອງເກັບສົບ.

ຂະນະດຽວກັນ ເຈົ້າໜ້າທີ່ກູ້ໄພໃນເມືອງກົວຢາກິລ ເມືອງແຄມຝັ່ງມະຫາສະໝຸດປາຊີຟິກຂອງເອກົວດໍກໍ່ບໍ່ສາທາດຈະເຮັດວຽກໄດ້ທັນກັບຈໍານວນຜູ້ເສຍຊີວິດຢ່າງປິດສະໜາ ຈົນເຮັດໃຫ້ມີຜູ້ເສຍຊີວິດຕາມແຄມຫົນທາງຢ່າງໜ້າສະເທືອນໃຈຈໍານວນຫຼາຍ ເຊິ່ງພາບດັ່ງກ່າວຖືກນໍາມາເຜີຍແຜ່ທາງສື່ ແລະ ໂລກອອນລາຍ.

ແນວໃດກໍ່ຕາມຍອດສະສົມຜູ້ຕິດເຊື້ອໃນເອກົວດໍ ປັດຈຸບັນຢູ່ທີ່ 7.500 ຄົນແລ້ວ ໂດຍ 70% ຂອງຜູ້ຕິດເຊື້ອແມ່ນຢູ່ໃນເມືອງກົວຢາກິລ, ສ່ວນຕົວເລກຜູ້ເສຍຊີວິດຢ່າງເປັນທາງການຍ້ອນໂຄວິດຢູ່ທີ່ 355 ຄົນ.

ທີ່ມາ: ໄທລັດ