ທ່ານ​ໝໍ​ເກັ່ງຫຼາຍ ປົວ​ເຊົາ​ອີກ​ແລ້ວ 1 ຄົນ ພ້ອມ​ກັບ​ບ້ານ​ໄດ້ ດີ​ໃຈ​ນຳ​ເດີ້

ທ່ານ​ໝໍ​ເກັ່ງຫຼາຍ ປົວ​ເຊົາ​ອີກ​ແລ້ວ 1 ຄົນ ພ້ອມ​ກັບ​ບ້ານ​ໄດ້ ດີ​ໃຈ​ນຳ​ເດີ້

16th April 2020 0 By Entertain

ເພຈສູນຂ່າວສານການແພດສຸຂະສຶກສາລາຍງານ ວ່າ ນາງ ສິລິວັນ ສີສົມບັດ ( ກໍລະນີທີ 14 ) ອາຍຸ 20 ປີ ບ້ານຊ້າງຄູ້ ເມືອງໄຊທານີ ນະຄອນຫຼວງວຽງຈັນ, ເຂົ້າໂຮງໝໍວັນທີ 7 ເມ​ສາ 2020


ໄດ້ຮັບການປິ່ນປົວຫາຍດີ ແລະ ອອກໂຮງໝໍ ວັນທີ 16 ເມ​ສາ 2020

.

ຕາມການລາຍງານຂອງສູນຂ່າວສານການແພດສຸຂະສຶກສາ Centre of Information and Education for Health ໃນມື້ນີ້ໃຫ້ຮູ້ວ່າ:ຄົນເຈັບພະຍາດໂຄວິດ-19 ກໍລະນີ 14, ອາຍຸ 20 ປີ ບ້ານຊ້າງຄູ້ ເມືອງໄຊທານີ ນະຄອນຫຼວງວຽງຈັນ ເຂົ້າໂຮງໝໍວັນທີ 7ເມສາ 2020ໄດ້ຮັບການປິ່ນປົວດີ ແລະ ອອກໂຮງໝໍ ແລ້ວໃນມື້ນີ້(ວັນທີ 16ເມສາ 2020) ເຊິ່ງເປັນຄົນທີ2 ທີ່ປິ່ນປົວດີ ຕໍ່ຈາກກໍລະນີທີ12 ທີ່ອອກໂຮງໝໍໄດ້ໃນວັນທີ14ເມສາຜ່ານມາ.

.

ປະຫວັດການເດີນທາງຜູ້ຕິດເຊື້ອຄົນທີ14 ເພດຍິງ ຮຽນຢູ່ປະເທດອັງກິດ, ປັດຈຸບັນບ້ານຊ້າງຄູ້ ເມືອງໄຊທານີ ນະຄອນຫຼວງວຽງຈັນ ມີດັ່ງນີ້: ວັນທີ 22/3/2020 ເດີນທາງຈາກປະເທດອັງກິດ; ວັນທີ 22/3/2020 ເດີນທາງຈາກບາງກອກ ສະໜາມບິນສຸວັນນະພູມ ດ້ວຍຖ້ຽວບິນ TG 574 ຮອດສະໜາມບິນວັດໄຕ; 23 ມີນາ ຫາ ວັນທີ 5 ເມສາ ຜູ້ກ່ຽວໄດ້ຈໍາກັດບໍລິເວນຕົນເອງຢູ່ເຮືອນຂອງ ຕົນໂດຍມີພໍ່ແມ່ ອ້າຍນ້ອງຢູ່ນຳກັນແຕ່ໄດ້ແຍກ ບ່ອນກິນ ແລະ ເຄື່ອງໃຊ້ຕ່າງໆ; ວັນທີ 5/4/2020 ຜູ້ກ່ຽວໄດ້ຮັບຂ່າວວ່າໝູ່ທີ່ຮຽນຢູ່ອັງກິດກັບມາລາວຕິດເຊື້ອພະຍາດ (ຜູ້ທີ 12); ວັນທີ 6 ເມສາ 2020 ຈຶ່ງໄດ້ມາກວດຢູ່ໂຮງໝໍມິດຕະພາບ (ບໍ່ມີອາການ ສະແດງ), ເກັບຕົວຢ່າງມາກວດ ແລະ ພົບວ່າຕິດເຊື້ອໂຄວິດ 19.

.

ຈາກ​ກ່ອນ​ໜ້າ​ນີ້ເພຈສູນຂ່າວສານການແພດສຸຂະສຶກສາລາຍງານ ໃນ​ວັນ​ທີ 14 ເມສາ 2020 ວ່າ ຜູ້ຕິດພະຍາດໂຄວິດ-19 ກໍລະນີທີ 12  ເພດຍິງ ອາຍຸ 20 ປີ ບ້ານນາໄຊ ເມືອງໄຊເສດຖາ ນະຄອນຫຼວງວຽງຈັນເຂົ້າໂຮງໝໍວັນທີ 6 ເມສາ 2020 ໄດ້ຮັບການປິ່ນປົວຫາຍດີ ແລະ ອອກໂຮງໝໍ ວັນທີ 14 ເມສາ 2020 ເຊິ່ງເປັນຜູ້ທຳອິດທີ່ແພດໝໍຂອງສປປລາວປິ່ນປົວດີ ຈາກຄົນເຈັບທັງໝົດ19 ຄົນ.

ຮັກຄອບຄົວຮັກປະເທດລາວ, ຢຸດການແຜ່ເຊື້ອພະຍາດໂຄວິດ-19, ຢູ່ເຮືອນເພື່ອຄວາມປອດໄພຕົວທ່ານເອງແລະຄົນທີທ່ານຮັກ