ຍີ່ຫໍ້ນີ້ທີ່ຈະນຳມາໃຊ້ ຂົນສົ່ງໃນເສັ້ນທາງລົດໄຟຄວາມໄວສູງລາວ-ຈີນ

ຍີ່ຫໍ້ນີ້ທີ່ຈະນຳມາໃຊ້ ຂົນສົ່ງໃນເສັ້ນທາງລົດໄຟຄວາມໄວສູງລາວ-ຈີນ

16th April 2020 0 By Education

ການມີທາງລົດໄຟຄວາມໄວສູງເປັນຄັ້ງທຳອິດຂອງປະເທດເຮົາໃຜໆກໍ່ນຶກພາບບໍ່ອອກຢາກຮູ້ຢາກເຫັນຕົກລົງຈະອອກມາເປັນແນວໃດ ຂະນະທີ່ບັນດາວິຊາການ, ກຳມະກອນເຖິງຈະມີພະຍາດລະບາດ ມີຄວາມຫຍຸ້ງຍາກພຽງໃດພວກເພິ່ນກໍ່ບໍ່ລົດລະ ຫວ່າງໝໍ່ມານີ້ໄດ້ເລີ່ມມີການວາງລາງໃນບາງຈຸດ ແລະຕອນນີ້ເຮົາກໍ່ຮູ້ແລ້ວວ່າ ແມ່ນລົດໄຟຍີ່ໃດທີ່ຈະນຳມາແລ່ນບໍລິການສັງຄົມ ນັ້ນກໍ່ຄື CR200J ຫຼືມີສາຍາວ່າ “Hulk” ທີ່ເປີດໂຕໃນປີ 2019 ຜ່ານມາ ຈະຖືກນໍາໃຊ້ແລ່ນໂດຍກົງ ໃນເສັ້ນທາງລົດໄຟລາວ-ຈີນ , ລະຫວ່າງນະຄອນຫຼວງວຽງຈັນຫາຄຸນໝິງຂອງ ສປ ຈີນ.

ຕາມຂ່າວໃຫ້ຮູ້ວ່າ: ບໍລິສັດລາວຊົງ Laozhong ທາງລົດໄຟ ຈຳກັດ ຈະຈັດຊື້ຈໍານວນ 2ຄະບວນ ທໍາອິດ, ທີ່ໄຊ້ໄຟຟ້າຂະໜາດກາງ ແລ່ນດ້ວຍຄວາມໄວ 160 ກິໂລແມັດຕໍ່ຊົ່ວໂມງ,ເຊິ່ງມີມູນຄ່າສັນຍາທີ່ມີ100 ລ້ານຢວນ ຫຼື ປະມານ 14,2ລ້ານໂດລາສະຫະລັດ ແລະ ເທົ່າກັບ 127ຕື້ກີບ.

ທາງລົດໄຟລາວ-ຈີນ ເຊື່ອມຕໍ່ເມືອງຄຸນໝິງ,ສປຈີນ ແລະ ນະຄອນຫຼວງວຽງຈັນ, ແມ່ນໂຄງການສຳຄັນຂອງຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ແລະ ຍັງເປັນທາງລົດໄຟສາກົນທຳອິດ ທີ່ລົງທືນ ແລະ ກໍ່ສ້າງໂດຍຈີນ, ປະຕິບັດມາດຕະຖານເຕັກນິກຂອງຈີນຕະຫຼອດເສັ້ນທາງ, ນຳໃຊ້ອຸປະກອນຂອງຈີນ, ແລະ ເຊື່ອມຕໍ່ໂດຍກົງກັບເຄືອຂ່າຍທາງລົດໄຟຈີນ ຕາມແຜນໂຄງການນີ້ຈະໃຫ້ສຳເລັດທັງໝົດພ້ອມເປີດນຳໃຊ້ພາຍໃນປີ 2021 ນີ້ຢ່າງແນ່ນອນ.

ລົດໄຟລຸ້ນ CR200J ຍີ່ຫໍ້ “Fuxing” ແມ່ນຜະລິດໂດຍບໍລິສັດ China Railway Group ແລະ CRRC, ຮ່ວມກັນພັດທະນາ, ສາມາດແລ່ນດ້ວຍຄວາມໄວສູງສຸດ 160 ກິໂລແມັດຕໍ່ຊົ່ວໂມງ.

ບໍລິສັດທາງລົດໄຟຈີນ – ລາວ ຈຳກັດແມ່ນບໍລິສັດຮ່ວມລົງທຶນສ້າງຕັ້ງຂຶ້ນໂດຍບໍລິສັດຈາກຈີນແລະລາວທີ່ນະຄອນຫຼວງວຽງຈັນ, ສປປລາວ ,ມີທຶນຈົດທະບຽນ 15 ຕື້ຢວນ. ຮູບແບບການລົງທືນໂຄງການ,ອອກແບບ, ກໍ່ສ້າງ ແລະ ດຳເນີນງານ.

ຈາກນີ້ໄປ ພຽງແຕ່ທ້າຍປີ 2021 ເທົ່ານັ້ນ ລົດໄຟລາວ-ຈີນ ກໍ່ຈະສໍາເລັດ : ເສັ້ນທາງ​ລົດ​ໄຟ​ລາວ-ຈີນ ​​ໂຄງ​ການແຫ່ງຄວາມຫວັງຂອງລາວ ແລະ ດ້ວຍຄວາມຕັດສິນໃຈສູງຂອງລັດຖະບານ, ເສັ້ນທາງລົດໄຟຄວາມໄວສູງ ມີຈຸດເລີ່ມຕົ້ນຢູ່​ດ່ານ​ຊາຍ​ແດນບໍ​ເຕັນ​ລະ​ຫວ່າງ​ລາວ-ຈີນ ໄປ​ສິ້ນ​ສຸດ​ຢູ່ນະ​ຄອນຫຼວງວຽງ​ຈັນ, ມີ​ຄວາມ​ຍາວ ​ທັງ​ໝົດ 414 ກິ​ໂລ​ແມັດ ເຊິ່ງ​ລວມ​ທັງ​​ອຸບ​ມົງ 76 ແຫ່ງມີ​ຄວາມ​ຍາວ​ທັງ​ໝົດ 198 ກິ​ໂລ​ແມັດ.

ໃນຈຳນວນ 76 ອຸບມົງນັ້ນມີແຫ່ງໜຶ່ງທີ່ຍາວສຸດເຖິງ 9.384 ແມັດ ຫຼື 9 ກິໂລແມັດກວ່າ ໄດ້ສ້າງສຳເລັດ ພ້ອມຈັດພິທີສະເຫຼີມສະຫຼອງໃນວັນ​ທີ 27 ທັນ​ວາ​ 2019 ເອີ້ນຊື່ວ່າອຸ​ມົງ​ເລກ 2 ຢູ່​ເຂດບ້ານ​ເສີນ​ ເມືອງຊຽງເງິນ ແຂວງຫຼວງພະບາງ ໂດຍແມ່ນບໍ​ລິ​ສັດ​ຈີນ​ເປັນ​ຜູ້​ຮັບ​ເໝົາ​ໄດ້​ເຈາະ​ຊອດ​ຢ່າງ​ສຳ​ເລັດ​ຜົນກ່ອນ​ເວ​ລາ​ກຳ​ນົດ 7 ເດືອນ.

​ອຸ​ມົງ​​ເລກ 2 ຢູ່​ເຂດບ້ານ​ເສີນ​ຢູ່​ລະ​ຫວ່າງ​ແຂວງຫຼວງ​ພະ​ບາງ​ແລະ​ແຂວງວຽງ​ຈັນ​ຍາວ​ທັງ​ໝົ​ດ 9.384 ແມັດ, ການ​ເຈາະ​ອຸ​ມົງ​ແຫ່ງ​ນີ້​ຢ່າງ​ສຳ​ເລັດ​ຜົນ​ເປັນ​ຂີດ​ໝາຍ​ສະ​ແດງ​ໃຫ້​ເຫັນ​ວ່າ ໂຄງ​ການ​ເຈາະ​ອຸ​ມົງໃນ​ໂຄງ​ການ​ທາງ​ລົດ​ໄຟ​ລາວ​-ຈີນ​ກ້າວ​ເຂົ້າ​ສູ່​ໄລ​ຍະ​ສຸດ​ທ້າຍ ແລະ ຈະ​ກ້າວ​ໄປ​ສູ່​​ໄລ​ຍະກໍ່​ສ້າງ​ລາງ​ລົດ​ໄຟ.