ແຈ້ງການເປັນທາງການ! ຕໍ່ເວລາປະຕິບັດຄໍາສັ່ງເລກທີ 06/ນຍ ໄປອີກ 14ວັນ ຂໍທຸກຄົນຮ່ວມມືກັນ

ແຈ້ງການເປັນທາງການ! ຕໍ່ເວລາປະຕິບັດຄໍາສັ່ງເລກທີ 06/ນຍ ໄປອີກ 14ວັນ ຂໍທຸກຄົນຮ່ວມມືກັນ

16th April 2020 0 By Education

ເພື່ອເປັນການສະກັດກັ້ນ ແລະ ຄວບຄຸມການລະບາດຂອງພະຍາດໂຄວິດ-19 ໃນປະເທດລາວ ລັດຖະບານໄດ້ຄຸມເຂັ້ມຕໍເວລາໃນການຈັດຕັ້ງປະຕິບັດຄໍາສັ່ງຂອງທ່ານນາຍົກລັດຖະມົນຕີ ສະບັບເລກທີ 06/ນຍ ຕໍ່ອີກ 14 ວັນ ຈົນຮອດວັນທີ 3 ພຶດສະພາ 2020.

ອີງຕາມແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ເລື່ອງການຕໍເວລາ ແລະ ການແນະນໍາເພີ່ມເຕີມກ່ຽວກັບການຈັດຕັ້ງປະຕິບັດຄໍາສັ່ງຂອງນາຍົກລັດຖະມົນຕີສະບັບເລກທີ 06/ນຍ, ລົງວັນທີ 29 ມີນາ 2020 ວ່າດ້ວຍການເພີ່ມທະວີມາດຕະການສະກັດກັ້, ກັນການລະບາດ, ຄວບຄຸມ ແລະ ກຽມຄວາມພ້ອມຮອບດ້ານເພື່ອຕ້ານໂຄວິດ-19 ສະບັບເລກທີ 481/ຫສນຍ, ລົງວັນທີ 15 ເມສາ 2020 ໃຫ້ຮູ້ວ່າ

ຜ່ານການຈັດຕັ້ງປະຕິບັດຄໍາສັ່ງຂອງນາຍົກລັດຖະມົນຕີ ສະບັບເລກທີ 06/ນຍ ລົງວັນທີ 29 ມີນາ 2020 ໃນໄລຍະຜ່ານມາ, ຄະນະສະເພາະກິດ, ບັນດາຂະແໜງການທີ່ກ່ຽວຂ້ອງ, ນະຄອນຫຼວງວຽງຈັນ ແລະ ບັນດາແຂວງ ໃນຂອບເຂດທົ່ວປະເທດ ໄດ້ເອົາໃຈໃສ່ ແລະ ສຸມທຸກກໍາລັງເຂົ້າໃນການຈັດຕັ້ງປະຕິບັດຄໍາສັ່ງສະບັບດັ່ງກ່າວຢ່າງມີປະສິດທິຜົນ, ທຸກຄົນໃນສັງຄົມໄດ້ເຂົ້າຮ່ວມ ແລະ ຮັບຜິດຊອບ ຕາມພາລະບົດບາດຂອງຕົນເອງແຕ່ເທິງລົງລຸ່ມ, ສ້າງໄດ້ຂະບວນການທີ່ເປັນຮູບປະທໍາຢ່າງແທ້ຈິງ, ບັນດາອົງການຈັດຕັ້ງສາກົນ ແລະ ປະເທດຕ່າງໆກໍ່ໄດ້ຕີລາຄາສູງວ່າ ສປປ ລາວ ມີມາດຕະການປ້ອງກັນແຕ່ຫົວທີໄດ້ດີ ຈຶ່ງສາມາດຄວບຄຸມການລະບາດບໍ່ໃຫ້ຂະຫຍາຍອອກສູ່ວົງກ້ວາງ.

ເຖິງແນວໃດກໍ່ຕາມ ອີງຕາມການລາຍງານຂອງຄະນະສະເພາະກິດ, ສະພາບການແຜ່ລະບາດຂອງພະຍາດໂຄວິດ-19 ຢູ່ຕ່າງປະເທດຍັງສືບຕໍ່ເພີ່ມຂຶ້ນ ແລະ ພາຍໃນ ສປປ ລາວ ພວກເຮົາກໍ່ຍັງມີຄວາມສ່ຽງ ແລະ ສິ່ງທ້າທາຍຈໍານວນບໍ່ໜ້ອຍ, ສະນັ້ນ ລັດຖະບານຈຶ່ງໄດ້ຕົກລົງ ແລະ ຊີ້ນໍາສາມາດອ່ານລາຍລະອຽດຕາມແຈ້ງການຕິດຄັດມານີ້ໄດ້.