ໃຜຮູ້ສຶກແນ່! ມື້ວານນີ້ ພົບສັນຍານແຜ່ນດິນໄຫວ 2.9ຣິກເຕີຢູ່ເມືອງ ໄຊສະຖານ ແຂວງໄຊຍະບູລີ

ໃຜຮູ້ສຶກແນ່! ມື້ວານນີ້ ພົບສັນຍານແຜ່ນດິນໄຫວ 2.9ຣິກເຕີຢູ່ເມືອງ ໄຊສະຖານ ແຂວງໄຊຍະບູລີ

19th April 2020 0 By Education

ກົມ​ອຸຕຸນິຍົມ ​ແລະ ອຸ​ທົກ​ກະ​ສາດ ລາຍ​ງານ​ໃນ ມື້ນີ້ ​ວ່າ ໄດ້ພົບສັນຍານການເກີດແຜ່ນດິນໄຫວ ພາຍໃນປະເທດລາວ ຈຳນວນ 1 ຄັ້ງ ຢູ່ບໍລິເວນ ເຂດບ້ານສັນແຕ, ເມືອງໄຊສະຖານ ແຂວງໄຊຍະບູລີ ໃນເວລາ 22 ໂມງ 38 ນາທີ ຂອງ ວັນທີ 18 ເມສາ 2020.

​ແຜນ​ດິນ​ໄຫວ​ດັ່ງກ່າວມີຈຸດສູນກາງຢູ່ເສັ້ນແວງທີ່ 19.20 ອົງສາເໜືອ ແລະ ເສັ້ນຂະໜານທີ 101.25 ອົງສາ ຕາເວັນອອກ ຄວາມແຮງສັ່ນສະເທື່ອນວັດແທກໄດ້ 2.9 ຣິກເຕີ ເລິກຈາກໜ້າດິນປະມານ 2 ກິໂລແມັດ, ການເກີດແຜ່ນດິນໄຫວໃນຄັ້ງນີ້ແມ່ນເປັນແຜ່ນດິນໄຫວຂະໜາດນ້ອຍ ບໍ່ມີຜົນເສຍຫາຍ.

ສໍາລັບພະ​ຍາ​ກອນ​ອາ​ກາດປະ​ຈຳ​ວັນ​ທີ 19 ເມ​ສາ 2020 ບໍລິເວນຄວາມກົດດັນຕໍ່າຂອງອາກາດຮ້ອນໄດ້ປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ຊຶ່ງຍັງຈະເຮັດໃຫ້ອາກາດຮ້ອນຢູ່ທົ່ວໄປ ແລະ ຈະມີຝົນຕົກຟ້າຮ້ອງໃນລະດັບຄ່ອຍ ພ້ອມມີລົມພັດແຮງເປັນບາງໂອກາດ ຢູ່ບາງທ້ອງຖິ່ນໃນແຕ່ລະພາກ.

ທີ່ມາ: ວຽງຈັນທາຍ