ໃນຮອບສອງປີ!  ການບິນລາວປ່ຽນອໍານວຍການໃໝ່ ຄົນຫຼ້າສຸດແມ່ນ ທ່ານ ຄຳຫຼ້າ ພົມມະວັນ

ໃນຮອບສອງປີ! ການບິນລາວປ່ຽນອໍານວຍການໃໝ່ ຄົນຫຼ້າສຸດແມ່ນ ທ່ານ ຄຳຫຼ້າ ພົມມະວັນ

21st April 2020 0 By Education

ລັດວິສາຫະກິດ ການບິນລາວ ຈັດພິທີມອບຮັບຕໍາແໜ່ງອໍານວຍການລະຫວ່າງຜູ້ເກົ່າ ແລະ ຜູ້ໃໝ່ໃນຮອບສອງປີ ພາຍຫຼັງທ່ານ ບຸນມາ ຈັນທະວົງສາ ຜູ້ອໍານວຍການຄົນເກົ່າ ໄດ້ດໍາລົງຕໍາແໜ່ງມາແຕ່ປີ 2018​, ຫຼ້າສຸດ ມື້ນີ້ວັນທີ 21 ເມສາ 2020 ທ່ານ ຄຳຫຼ້າ ພົມມະວັນ ເຂົ້າມາຮັບຕໍາແໜ່ງ ຜູ້ອໍານວຍການ ລັດວິສາຫະກິດ ການບິນລາວຜູ້ໃໝ່.

ທ່ານ ບຸນມາ ຈັນທະວົງສາ ຜູ້ອໍານວຍການຄົນເກົ່າ

ດ້ວຍຜົນງານການບໍລິຫານລັດວິສາຫະກິດລາວເດີນອາກາດ Lao Skyway ຢ່າງມີໝາກຜົນນັ້ນ ,ຄະນະລັດຖະບານຈຶ່ງມອບໜ້າຕາມດໍາລັດດັ່ງລຸ່ມນີ້ : ດຳລັດ ວ່າດ້ວຍການແຕ່ງຕັ້ງ ຜູ້ອຳນວຍການ ລັດວິສາຫະກິດ ການບິນລາວ ຜູ້ເກົ່າ ແລະ ຜູ້ໃໝ່ ໂດຍທ່ານນາຍົກລັດຖະມົນຕີ ທອງລຸນ ສີສຸລິດ, ໄດ້ອອກດຳລັດ ແຕ່ງຕັ້ງທ່ານ ບຸນມາ ຈັນທະວົງສາ ເປັນຜູ້ອຳນວຍການ ລັດວິສາຫະກິດ ການບິນລາວ ຄົນໃໝ່ແທນຜູ້ເກົ່າ ແລະ ໄດ້ມີພິທີມອບຮັບຕຳແໜ່ງໃນວັນທີ 24ກັນຍາ2018.

ແຕ່ຫຼ້າສຸດ, ໃນຕອນບ່າຍວັນທີ 21 ເມສາ 2020, ທີ່ສໍານັກງານໃຫ່ຍລັດວິສາຫະກິດການບິນລາວ, ໄດ້ມີພິທີມອບຮັບໜ້າທີ່ ລະຫວ່າງ ຜູ້ອຳນວຍການ ລັດວິສາຫະກິດ ການບິນລາວ ທ່ານ ບຸນມາ ຈັນທະວົງສາ (ຜູ້ເກົ່າ) ແລະ ທ່ານ ຄຳຫຼ້າ ພົມມະວັນ (ຜູ້ໃໝ່), ໂດຍການເຂົ້າຮ່ວມເປັນປະທານຂອງ ທ່ານ ບຸນຈັນ ສິນທະວົງ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ໃນພິທີຄັ້ງນີ້.

ພາບແລະຂ່າວ: Phonesuthat Tmch