ພາຍຸມາແຮງ! ພັດຖະຫຼົ່ມຢູ່ສາລະວັນ ເສຍຫາຍໜັກ ພ້ອມມີຜູ້ເສຍຊີວິດ 1ຄົນ

ພາຍຸມາແຮງ! ພັດຖະຫຼົ່ມຢູ່ສາລະວັນ ເສຍຫາຍໜັກ ພ້ອມມີຜູ້ເສຍຊີວິດ 1ຄົນ

22nd April 2020 0 By Education

ເຊື່ອວ່າທຸກຄົນຈະສໍາຜັດໄດ້ໃນຊ່ວງຕົ້ນອາທິດນີ້ອາກາດຮ້ອນອົບເອົ້າຫຼາຍ, ເຮັດໃຫ້ອຸນຫະພູມຢູ່ເຂດນະຄອນຫຼວງວຽ=ຈັນ ຂື້ນສູງເຖິງ 40ກວ່າອົງສາ, ມີແສງແດດກ້າ ມືດຄື້ມບາງຄັ້ງຄາວ ແລະ ນັ້ນ ມັນຄືສັນຍານເຕືອນຂອງລົມພາຍຸລະດູຮ້ອນກໍາລັງຈະມາບຸກປະເທດເຮົາແລ້ວ, ເຊິ່ງກົມອຸຕຸນິຍົມ ແລະ ອຸທົກກະສາດກໍ່ໄດ້ອອກແຈ້ງເຕືອນພໍ່ແມ່ປະຊາຊົນໃຫ້ລະມັດລະວັງກຽມຮັບມືໃຫ້ດີ.

ແຕ່ແລ້ວມື້ນີ້ວັນທີ 22 ເມສາ 2020 ຢູ່ຫຼາຍແຂວງໃນທົ່ວປະເທດ ເກີດມີຝົນຕົກລົມແຮງ, ມີໝາກເຫັບ ຢູ່ແຂວງພາກເໜືອ, ແຕ່ກ່ອນນໜ້ານີ້ ວັນທີ 21 ເມສາ 2020 ຢູ່ແຂວງສາລະວັນ ມີພາຍຸພັດຖະຫຼົ່ມຢ່າງໜັກ ບ້ານເຮືອນເສຍຫາຍ ແລະ ເຮັດໃຫ້ມີຜູ້ເສຍຊີວິດຈາກເຫດການດັ່ງກ່າວ 1ຄົນ.

vte9 ລາຍງານໃຫ້ຮູ້ວ່າ: ຕອນແລງຂອງວັນທີ 21/4/2020 ເວລາປະມານ 5:30 ໂມງ ໄດ້ມີລົມພາຍຸລະດູຮ້ອນພັດເຮືອນຊານ, ເຫຼົາເຂົ້າ ຂອງ ພໍ່ແມ່ ປະຊາຊົນບ້ານຫ້ວຍ, ເມືອງຕຸ້ມລານ, ແຂວງສາລະວັນ ແຮງລົມເຮັດໃຫ້ເຮືອນຊານ ເຫຼົາເຂົ້າເສຍຫາຍຫຼາຍຫຼັງ, ມີຄົນໄດ້ຮັບບາດເຈັບ 5 ຄົນ ແລະ ເສຍຊີວິດ 1 ຄົນ.

ເຖິງຢ່າງໃດກໍ່ຕາມ ແອັດມິນຂໍສະແດງຄວາມເສຍໃຈຕໍ່ຄອບຄົວຜູ້ເສຍຊີວິດດ້ວຍ ແລະ ຂໍຝາກເຕືອນທຸກຄົນ ໃຫ້ມີສະຕິລະວັງຕົວ ກຽມຮັບມືກັບພາຍຸລະດູຮ້ອນທີ່ມັນອາດເຂົ້າມາຖະຫຼົ່ມຊໍ້າອີກ.