ບໍແມ່ນເລືຶ່ອງຫຼິ້ນໆ ເຈົ້າໜ້າທີ່ນຳຮອດບ່ອນຝ່າຝືນຄຳສັ່ງເລກທີ 06

ບໍແມ່ນເລືຶ່ອງຫຼິ້ນໆ ເຈົ້າໜ້າທີ່ນຳຮອດບ່ອນຝ່າຝືນຄຳສັ່ງເລກທີ 06

23rd April 2020 0 By Education

ເຈົ້າໜ້າທີ່ສະເພາະກິດຢ້ຳທຸກມື້ໃຫ້ທຸກຄົນຮ່ວມກັນຈັດຕັ້ງປະຕິບັດຄຳສັ່ງເລກທີ 06/ນຍ ເພື່ອຫຼຸດຜ່ອນສະພາບການແຜ່ລະບາດຂອງພະຍາດໂຄວິດ19 ເຊິ່ງລັດຖະບານໄດ້ປະກາດອອກມາໃຫ້ປະຊາຊົນພ້ອມພາກັນເປັນເຈົ້າການນຳກັນ ແຕ່ຍັງມີຄົນຈຳນວນໜຶ່ງທີ່ຝ່າຝືນບໍ່ໃຫ້ຄວາມສຳຄັນ ແນວໃດກໍ່ຕາມເພື່ອສືບຕໍ່ຮັກສາໄລຍະຫ່າງທາງສັງຄົມໃຫ້ເປັນໄປຕາມຄຳສັ່ງຂອງທ່ານນາຍົກ ເຈົ້າໜ້າທີ່ທະຫານ, ຕຳຫຼວດໄດ້ອອກລ່າຕະເວັນຢ່າງເປັນປົກກະຕິ ຈິ່ງໄດ້ພົບກັບກຸ່ມທີ່ຕັ້ງວົງຊຸມແຊວໜຶ່ງ.

.

ໂດຍໃນວັນທີ 22 ເມສາ 2020 ກອງພັນປ້ອງກັນເຄື່ອນທີ່ ປກສ ນະຄອນຫຼວງວຽງຈັນ ໄດ້ອອກກວດກາລາດຕະເວນຕາມເສັ້ນທາງຕ່າງໆ ໄດ້ພົບເຫັນປະຊາຊົນຈໍານວນໜື່ງ ຍັງມີການຊຸມແຊວກັນດື່ມເຫຼົ້າ-ເບຍ ເກີນ 10 ຄົນ ຢູ່ຮ້ານກໍ້ນ້ອຍເຂົ້າປຸ້ນແຈ່ວຂິງ ບ້ານໂພນສະຫວ່າງ ເມືອງຈັນທະບູລີ ໃນເວລາປະມານ 13:55 ໂມງ, ຈຶ່ງໄດ້ກ່າວເຕືອນ ແລະ ເຮັດບົດບັນທຶກກ່າວເຕືອນກັບທ້າວ ນ້ອຍ, ອາຍຸ 37 ປີ (ເຈົ້າຂອງຮ້ານ).

.

ແລະເວລາ 20:45 ໂມງ ໄດ້ພົບເຫັນໄວລຸ້ນຈໍານວນຫຼາຍກຳລັງຊຸມນຸ່ມກັນໜ້າຮ້ານເກມອອນລາຍ ຢູ່ບ້ານຊໍາເກດ ເມືອງສີໂຄດຕະບອງ; ເຊິ່ງເປັນຮ້ານຂອງທ້າວ ດາວ, ຈຶ່ງໄດ້ເຮັດບົດບັນທຶກກ່າວເຕືອນ; ເມື່ອກວດຄົ້ນສະຖານ ພົບອຸປະກອນການເສບຢາເສບຕິດ ທີ່ຫາກໍ່ເສບແລ້ວຢູ່ກະຕ່າຂີ້ເຫຍື້ອ, ຈິ່ງປະສານສົມທົບກັບອໍານາດການປົກຄອງບ້ານ ແລະ ປກສ ກຸ່ມ ສືບຕໍ່ດໍາເນີນການສືບສວນ-ສອບສວນ ຕາມຂັ້ນຕອນຂອງກົດໝາຍ.

.

ຂ່າວຈາກ: ປ້ອງກັນຄວາມສະຫງົບນະຄອນຫຼວງ