5 ເວັບໄຊ້ແກ້ໄຂ pdf ອອນລາຍແບບຟຣີໆ ທີ່ຄວນຮູ້

5 ເວັບໄຊ້ແກ້ໄຂ pdf ອອນລາຍແບບຟຣີໆ ທີ່ຄວນຮູ້

28th December 2019 0 By Education

ບໍ່ແມ່ນເລື່ອງງ່າຍທີ່ຈະຫາໂປຣແກຣມແກ້ໄຂ pdf ແບບຟຣີບໍ່ເສຍຄ່າໃຊ້ຈ່າຍ ທີ່ບໍ່ແມ່ນພຽງແກ້ໄຂຂໍ້ຄວາມໄດ້ ແຕ່ຍັງສາມາດແກ້ໄຂຮູບພາບໄດ້ອີກດ້ວຍ, ເຊິ່ງໂປຣແກມເຫຼົ່ານີ້ມັກຈະລີ້ຊ່ອນຢູ່ໃນເວັບທີ່ພະຍາຍາມໃຫ້ເຮົາໂຫຼດສິ່ງຕ່າງໆໜ້າເວັບ ເຊິ່ງອາດນໍາອັນຕະລາຍມາລົງໃນເຄື່ອງເຮົາອີກດ້ວຍ

ທັງນີ້, ທັງ 5ເຄື່ອງມືທີ່ແອັດຈະມາແນະນໍາໃນມື້ນີ້ ແມ່ນເຄື່ອງມືທີ່ໃຊ້ຜ່ານອອນລາຍໄດ້ ໂດຍບໍ່ຕ້ອງໂຫຼດລົງເຄື່ອງ ແຕ່ສິ່ງສໍາຄັນຢ່າງໜຶ່ງທີ່ຕ້ອງຈື່ໄວ້ແມ່ນໂປຣແກມເຫຼົ່ານີ້ອາດໃຊ້ງານໄດ້ບໍ່ສະດວກເທົ່າໂປຣແກຣມທີ່ install ລົງເຄື່ອງ, ເຊິ່ງຈະມີໂປຣແກຣມຫຍັງແດ່ນັ້ນ ມາເບິ່ງນໍາກັນເລີຍ.


1 Sejda PDF Editor
ໂປຣແກຣມໂຕນີ້ ເປັນໜຶ່ງໃນບໍ່ເທົ່າໃດໂປຣແກຣມທີ່ໃຫ້ເຮົາສາມາດແກ້ໄຂຂໍ້ຄວາມທີ່ມີຢູ່ແລ້ວພາຍໃນ pdf ເພາະໂປຣແກຣມສ່ວນໃຫຍ່ຈະໃຫ້ເຮົາເພີ່ມຂໍ້ຄວາມເຂົ້າໄປ ບໍ່ສາມາດແກ້ໄຂຂໍ້ຄວາມທີ່ມີຢູ່ໄດ້


2 PDFescape Online PDF Editor
ຂໍ້ດີຂອງ PDFescape ຄືການມີຄຸນສົມບັດຈໍານວນຫຼາຍຟຣີ ຕາບເທົ່າທີ່ຟາຍ PDF ມີຂະໜາດບໍ່ເກີນ 100 ໜ້າ ຫຼື 10 MB ແຕ່ໂປຣແກມນີ້ອາດບໍ່ສາມາດແກ້ໄຂຂໍ້ຄວາມທີ່ຢູ່ໃນຟາຍໄດ້ (ອາດແກ້ໄດ້ເລັກນ້ອຍ) ແຕ່ສາມາດເພີ່ມຮູບພາບ, ລິ້ງ ແບບຟອມ ແລະ ອື່ນໆ ຂອງເຮົາເອງໄດ້


3 Smallpdf Online PDF Editor
ໜຶ່ງໃນວິທີທີ່ໄວທີ່ສຸດໃນການເພີ່ມຮູບພາບ, ຂໍ້ຄວາມ, ຮູບຮ່າງ ຫຼື ລາຍເຊັນຂອງເຮົາຍັງເປັນ PDF ຄືໃຊ້ Smallpdf ເວັບໄຊ້ນີ້ສາມາດອັບໂຫຼດ PDF ທໍາການປ່ຽນແປງ ແລະ ບັນທຶກລົງໃນຄອມພິວເຕີຂອງເຮົາໂດຍບໍ່ຈໍາເປັນຕ້ອງສ້າງບັນຊີຜູ້ໃຊ້ ຫຼື ຈ່າຍເງິນ ເພື່ອເອົາລາຍນໍ້າອອກ ເອີ້ນໄດ້ວ່າ ຟຣີ ກັບ ຟຣີ ຢ່າງດຽວ


4 FormSwift’s Free PDF Editor
FormSwift’s Free PDF Editor ເປັນເຄື່ອງມືແກ້ໄຂ PDF ອອນລາຍທີ່ເລີ່ມຕົ້ນງ່າຍຫຼາຍ ເຮົາສາມາດເລີ່ມໃຊ້ງານໄດ້ໂດຍບໍ່ຕ້ອງສ້າງບັນຊີຜູ້ໃຊ້, ເຊິ່ງຂັ້ນຕອນງ່າຍໆ ເຮັດໄດ້ພຽງອັບໂຫລດຟາຍ PDF ຂອງເຮົາເອງໄປຍັງເວັບໄຊ້ ແລະ ໃຊ້ເມນູທີ່ດ້ານເທິງຂອງໜ້າເພື່ອທໍາການແກ້ໄຂຟັງຊັ່ນພື້ນຖານ PDF ຢ່າງວ່ອງໄວກ່ອນທີ່ຈະດາວໂຫຼດກັບໄປຍັງຄອມພິວເຕີ


5 PDF BOB
PDF BOB ເປັນອີກໜຶ່ງໂຕທີ່ໃຊ້ແກ້ໄຂ PDF ອອນລາຍ ຟຣີໂດຍບໍ່ຕ້ອງສ້າງບັນຊີຜູ້ໃຊ້ພຽງແຕ່ອັບໂຫຼດ PDF ຂອງເຮົາ ທໍາການປ່ຽນແປງຕາມທີ່ເຮົາຕ້ອງການແລ້ວກົດ Save ຖືວ່າຈົບ, ນອກຈາກນີ້ ເຮົາຍັງສາມາດໃຊ້ PDF BOB ເພື່ອລົບໜ້າຈາກ PDF ທີ່ບໍ່ຕ້ອງການ ແລະ ເພີ່ມໜ້າໃໝ່ເມື່ອເຮົາບັນທຶກໃໝ່
ເຖິງຢ່າງໃດກໍ່ຕາມ ຫາກແຟນເພຈທ່ານໃດໄດ້ທົດລອງນໍາໄປໃຊ້ ແລ້ວໄດ້ຜົນແນວໃດຢ່າລືມມາແບ່ງປັນໃຫ້ແອັດຮູ້ນໍາແນ່ເດີ້