ງ່າຍໆຕາມນີ້! ແຈກສູດເດັດ ເລັ່ງໝາກນາວອອກໝາກດົກ ດ້ວຍແປ້ງນົວ

ງ່າຍໆຕາມນີ້! ແຈກສູດເດັດ ເລັ່ງໝາກນາວອອກໝາກດົກ ດ້ວຍແປ້ງນົວ

25th April 2020 0 By Education

ສະບາຍດີແຟນເພຈທີ່ໜ້າຮັກ, ມື້ນີ້ແອັດມິນມີເຄັດລັບດີໆມາແຈກກ່ຽວກັບພືດຜົນກະສິກໍາ ເນື່ອງຈາກຊ່ວງນີ້ ເມື່ອແອັດລົງຕະຫຼາດຮູ້ສຶກວ່າລາຄາພືດຜັກ ໂດຍສະເພາະໝາກນາວແມ່ນແພງຫຼາຍ, ໄປຊື້ຂາຍຍ່ອຍຢູ່ຕະຫຼາດໃນວັນທີ 24 ເມສາ 2020 ລາຄາ 20.000 ກີບຕໍ່ກິໂລ.

ແນວໃດກໍ່ຕາມ, ຍ້ອນລາຄາພືດຜັກມັນມີການເໜັງຕີງຂຶ້ນລົງຢູ່ຕະຫຼອດ, ບໍ່ມີລາຄາຕາຍຕົວ, ແຕ່ຖ້າຫາກໃຜທີ່ສາມາດປູກໄວ້ກິນເອງໄດ້ແມ່ນຈະເປັນການດີທີ່ສຸດ ແລະ ມື້ນີ້ແອັດມິນໄດ້ໄປຫາຂໍ້ມູນໃນການເຮັດໃຫ້ໝາກນາວອອກໝາກດົກໜາ ດ້ວຍການນໍາໃຊ້ວັດຖຸດິບງ່າຍໆ ຫາໄດ້ທົ່ວໄປ ມາໃຫ້ທຸກທ່ານໄດ້ນໍາໄປໃຊ້ທົດລອງເບິ່ງ.

ວັດຖຸອຸປະກອນທີ່ຕ້ອງກະກຽມມີຄື: ນໍ້າລ້າ 6 ລິດ, ແປ້ງນົວ 2ບ່ວງແກງ, ນົມຈືດ 1ກ່ອງ

ສ່ວນວິທີການເຮັດນັ້ນ ໃຫ້ເອົານໍ້າໃນປະລິມານທີ່ກຽມໄວ້ນັ້ນ ມາປະສົມກັບນົມຈືດ 1 ກ່ອງ ຄົນໃຫ້ເຂົ້າກັນ ແລ້ວເທແປ້ງນົວ 2ບ່ວງແກງລົງໄປຄົນໃຫ້ເຂົ້າກັນຢ່າງດີ ກໍ່ຖືເປັນອັນສໍາເລັດແລ້ວສາມາດນໍາໄປຫົດຕົ້ນໝາກເຜັດ, ໝາກເຂືອ ແລະ ໝາກນາວໄດ້ແຕ່ຫ້າມໃຫ້ຖືກດອກຂອງມັນເດັດຂາດ, ເຮັດແບບນີ້ ອາທິດລະ 1 ຄັ້ງ ຫຼື ເດືອນລະ 2ຄັ້ງ  ຈະຊ່ວຍບໍາລຸງຕົ້ນຊ່ວຍໃຫ້ໃບຂຽວສົມບູນ ເລັ່ງໃຫ້ພືດອອກໝາກດົກໄດ້ດີ.

ເຫັນບໍ່ທຸກຄົນວ່າມັນເປັນສູດງ່າຍໆ ທີ່ທຸກຄົນສາມາດເຮັດຕາມໄດ້ ແລະ ຫາກໃຜໄດ້ນໍາໄປທົດລອງໃຊ້ ໄດ້ຜົນແນວໃດຢ່າລືມມາແບ່ງປັນໃຫ້ແອັດມິນຮູ້ນໍາແດ່ເດີ້.