ໜ້າຫ່ວງ! ມື້ນີ້ ຜູ້ຕິດເຊື້ອໂຄວິດທົ່ວໂລກຍັງພຽງ 6ຕົວເລກກໍ່ຈະຮອດ 3ລ້ານຄົນແລ້ວ

ໜ້າຫ່ວງ! ມື້ນີ້ ຜູ້ຕິດເຊື້ອໂຄວິດທົ່ວໂລກຍັງພຽງ 6ຕົວເລກກໍ່ຈະຮອດ 3ລ້ານຄົນແລ້ວ

27th April 2020 0 By Education

ຈຳນວນຜູ້ຕິດເຊື້ອ ໂຄວິດຍັບເຂົ້າໃກ້ 3 ລ້ານຄົນທຸກວິນາທີ, ເຊິ່ງຕົວເລກຫຼ້າສຸດຂອງເວັບໄຊ worldometers.info ຊີ້ໃຫ້ເຫັນວ່າ ຈຳນວນຜູ້ຕິດເຊື້ອຈາກພະຍາດໂຄວິດ-19 ແມ່ນມີສູງເຖິງ 2.994.000 ກວ່າຄົນເພີ່ມຂຶ້ນ 3% ຈາກວານນີ້, ມີຜູ້ເສຍຊີວິດ 206.000 ກວ່າຄົນເພີ່ມຂຶ້ນ 2% ແລະ ມີຜູ້ປິ່ນປົວດີ 878.000 ກວ່າຄົນ ເທົ່າກັບ 27% ຂອງຜູ້ຕິດເຊື້ອທັງໝົດ.

ສະຫະລັດອາເມລິກາມີຜູ້ຕິດເຊື້ອ 987.000 ກວ່າຄົນ, ເສຍຊີວິດ 55.413 ຄົນ, ແອດສະປາຍຕິດເຊື້ອ 226.000 ກວ່າຄົນ, ເສຍຊີວິດ 23.190 ຄົນ, ອີຕາລີຕິດເຊື້ອ 197.000 ກວ່າຄົນ ແລະ ເສຍຊີວິດ 26.644 ຄົນສູງທີ່ສຸດໃນເອີຣົບ, ຝຣັ່ງຕິດເຊື້ອ 162.000 ກວ່າຄົນ, ເສຍຊີວິດ 22.856 ຄົນ.

ສະເພາະໃນຂົງເຂດອາຊຽນ ສິງກະໂປ ມີການຕິດເຊື້ອຫຼາຍກວ່າໝູ່ 13.624 ຄົນ ເພີ່ມຂຶ້ນ 13% ຈາກວານນີ້, ສ່ວນຜູ້ເສຍຊີວິດຍັງຄົງຢູ່ທີ່ 12 ຄົນ, ອິນໂດເນເຊຍຕິດເຊື້ອທັ້ງໝົດ 8.882 ຄົນ ເພີ່ມຂຶ້ນ 8% ເສຍຊີວິດ 743 ຄົນ ເພີ່ມຂຶ້ນ 7%, ຟິລິປິນຕິດເຊື້ອ 7.500 ກວ່າຄົນ ເພີ່ມຂຶ້ນ 5%, ເສຍຊີວິດ 501 ຄົນ ເພີ່ມຂຶ້ນ 5%. ສ່ວນໄທມີຜູ້ຕິດເຊື້ອ 2.922 ເພີ່ມຂຶ້ນ 2%, ເສຍຊີວິດ 51 ຄົນ ເພີ່ມຂຶ້ນ 2%. ສະເພາະ ສປປລາວ ແມ່ນມີຜູ້ຕິດເຊື້ອທັງໝົດ 19 ຄົນ ປົວດີ 7 ບໍ່ມີຜູ້ເສຍຊີວິດ.

ແຫລ່ງຂ່າວ: worldometers.info, BBC