ທົ່ວໂລກຍັງວິກິດ! ແຕ່ສະຫະລັດອາເມລິການໍາໜ້າ ຍອດຜູ້ຕິດເຊື້ອ 1ລ້ານກວ່າຄົນແລ້ວ

ທົ່ວໂລກຍັງວິກິດ! ແຕ່ສະຫະລັດອາເມລິການໍາໜ້າ ຍອດຜູ້ຕິດເຊື້ອ 1ລ້ານກວ່າຄົນແລ້ວ

28th April 2020 0 By Education

ອີງຕາມການລາຍງານຂອງເວັບໄຊ worldometers.info ມາຮອດປະຈຸບັນ (8.45 ຕາມເວລາໃນລາວ) ສ.ອາເມລິກາມີຜູ້ຕິດເຊື້ອ ໂຄວິດ-19 ເພີ່ມຂຶ້ນເປັນ 1.010.000 ກວ່າຄົນ ແລະ ມີຜູ້ເສຍຊີວິດ 56.797 ຄົນ ເປັນອັນດັບໜຶ່ງທີ່ມີໂຕເລກການຕິດເຊື້ອຫຼາຍທີ່ສຸດໃນໂລກ ຮອງລົງມາແມ່ນ ແອສະປາຍ 229.000 ກວ່າຄົນ ເສຍຊີວິດ 23.521 ແລະ ອີຕາລີ 199.000 ກວ່າຄົນ ເສຍຊີວິດ 26.977 ຄົນ.

ສ່ວນການຕິດເຊື້ອໃນທົ່ວໂລກແມ່ນມີທັງໝົດ 3.064.000 ກວ່າຄົນ ແລະ ເສຍຊີວິດ 211.500 ກວ່າຄົນ, ສະເພາະການລະບາດໃນຂົງເຂດອາຊຽນເຫັນໄດ້ວ່າ ສິງກະໂປມີຜູ້ຕິດເຊື້ອເພີ່ມຂຶ້ນເປັນ 14.400 ກວ່າຄົນ ເສຍຊີວິດ 14 ຄົນ, ອິນໂດເນເຊຍຕິດເຊື້ອ 9.000 ກວ່າຄົນ ເສຍຊີວິດ 765 ຄົນ, ຟິລິປິນ ຕິດເຊື້ອ 7.700 ກວ່າຄົນ ເສຍຊີວິດ 511 ຄົນ,.

ມາເລເຊຍ ຕິດເຊື້ອ 5.820 ຄົນ ເສຍຊີວິດ 99 ຄົນ, ໄທ 2.931 ຄົນ ເສຍຊີວິດ 52 ຄົນ, ຫວຽດນາມ 270 ຄົນ ບໍ່ມີຜູ້ເສຍຊີວິດ, ມຽນມາ 146 ຄົນ ເສຍຊີວິດ 5 ຄົນ, ບຣູໄນ 138 ຄົນ ເສຍຊີວິດ 1 ຄົນ, ກຳປູເຈຍ 122 ຄົນ ບໍ່ມີຜູ້ເສຍຊີວິດ, ຕີມໍ 24 ຄົນ ບໍ່ມີຜູ້ເສຍຊີວິດ ແລະ ສປປ.ລາວ ຕິດເຊື້ອ 19 ຄົນ ບໍ່ມີຜູ້ເສຍຊີວິດ.