ອາເມລິກາສຸດໜັກໜ່ວງ ຍັງບໍ່ພົ້ນວິກິດ! ຍອດຜູ້ເສຍຊີວິດໃກ້ຮອດ 60 ພັນຄົນແລ້ວ

ອາເມລິກາສຸດໜັກໜ່ວງ ຍັງບໍ່ພົ້ນວິກິດ! ຍອດຜູ້ເສຍຊີວິດໃກ້ຮອດ 60 ພັນຄົນແລ້ວ

29th April 2020 0 By Education

ເປັນເລື່ອງທີ່ໜ້າສະຫຼົດໃຈ ເມື່ອຍອດຜູ້ເສຍຊີວິດຈາກໂຄວິດສະຫະລັດອາເມລິກາ ປັດຈຸບັນຢູ່ທີ່ 5,8ໝື່ນຄົນ ແຊງສົງຄາມຫວຽດນາມແລ້ວ ຂະນະທີ່ໜຶ່ງໃນທີມທີ່ປຶກສາການແພດທໍານຽບຂາວເຕືອນ ຍັງອີກດົນນານກວ່າການລະບາດຂອງໂຄວິດຈະຢຸດຕິລົງຫາກຍັງບໍ່ມີວິທີທີ່ໄດ້ຜົນສູ້ກັບໄວຣັດນີ້.

ມື້ນີ້ ວັນທີ 29 ເມສາ 2020 ສໍານັກຂ່າວຕ່າງປະເທດ ແລະ ບີບີຊີ ລາຍງານສະຖານະການການລະບາດຂອງເຊື່້ອໄວຣັດໂຄວິດ-1ຊ ໃນສະຫະລັດອາເມລິກາ ຕ້ອງຖືກບັນທຶກໃນໜ້າປະຫວັດສາດຂອງປະເທດຊາດອີກຄັ້ງ ເມື່ອຍອດຜູ້ເສຍຊີວິດຈາກໂຄວິດ-19 ມີຈໍານວນຫຼາຍກວ່າຊາວອາເມລິກັນທີ່ຕ້ອງເສຍຊີວິດໃນສົງຄາມຫວຽດນາມທີ່ເສຍຊີວິດ 58.220 ຄົນແລ້ວ. ໂດຍມາຮອດຕອນບ່າຍຂອງມື້ນີ້ ຈໍານວນຜູ້ເສຍຊີວິດຈາກໂຄວິດ-19 ໃນສະຫະລັດອາເມລິກາໂດດຂຶ້ນມາຢູ່ທີ່ 58.220 ຄົນຂະນະທີ່ຍອດຜູ້ຕິດເຊື້ອສະສົມຢູ່ທີ່ 1.01ລ້ານລາຍ ຍັງຄອງອັນດັບໜຶ່ງປະເທດທີ່ມີຜູ້ຕິດເຊື້ອ ແລະ ເສຍຊີວິດສູງສຸດໃນໂລກ.

ແນວໃດກໍ່ຕາມ ດຣ ແອນໂທນີ ຟໍຊີ ໜຶ່ງໃນທີມທີ່ປຶກສາທາງການແພດປະຈໍາທໍານຽບຂາວໄດ້ອອກຄໍາເຕືອນດ້ວຍວ່າການລະບາດຂອງເຊື້ອໂຄວິດ-19 ໃນສະຫະລັດ ຍັງອີກດົນນານກວ່າຈະຢຸດຕິ ອີກທັ້ງຊາວອາເມລິກັນ ອາດປະເຊີນກັບການແຜ່ລະບາດຂອງເຊື້ອໄວຣັດນີ້ຕໍ່ໄປ ຖ້າຫາກບັນດານັກວິໄຈຍັງບໍ່ສາມາດຄິດຄົ້ນວັກຊີນ ແລະ ວິທີການຮັກສາທີ່ມີປະສິດທິພາບໃນການຮັກສາ ແລະ ຕໍ່ສູ້ກັບເຊື້ອໂຄວິດໄດ້ສໍາເລັດ.

ນອກຈາກນີ້ ດຣ ແອນໂທນີ ຟໍຊີ  ຍັງກ່າວເຕືອນວ່າ: ມັນເປັນສິ່ງທີ່ຫຼີກລ່ຽງບໍ່ໄດ້ທີ່ເຊື້ອໄວຣັດອາດກັບມາລະບາດອີກຄັ້ງ ແລະ ການລະບາດອາດຍັງບໍ່ເບົາບາງ ຫຼື ຫາຍໄປຕະຫຼອດໄລຍະລະດູຮ້ອນນີ້.

ທີ່ມາ: ໄທລັດ