ສຸດສະເທືອນໃຈ! ລຸງຫາລ້ຽງຄອບຄົວເຮັດວຽກໜັກບໍ່ພັກຜ່ອນຈົນເສຍຊີວິດຄາລົດຂາຍກະແລັມ

ສຸດສະເທືອນໃຈ! ລຸງຫາລ້ຽງຄອບຄົວເຮັດວຽກໜັກບໍ່ພັກຜ່ອນຈົນເສຍຊີວິດຄາລົດຂາຍກະແລັມ

29th April 2020 0 By Education

ຍ້ອນຕົ້ນທຶນຊີວິດຂອງຄົນເຮົາມັນຕ່າງກັນ, ດັ່ງນັ້ນ ການດິ້ນລົນຫາທາງອອກດ້ວຍທຸກວິທີທາງຄືສິ່ງດຽວທີ່ເຮັດໄດ້ສໍາລັບຄົນທີ່ມີຕົ້ນທຶນຊີວີິດຕໍ່າ ເພື່ອໃຫ້ສາມາດໃຊ້ຊີວິດຢູ່ໃນສັງຄົມນີ້ໄດ້ ບໍ່ວ່າຈະຫຍຸ້ງຍາກສັບສົນພຽງໃດ ຫຼື ແມ້ກະທັງຕ້ອງສູ້ຈົນລົມຫາຍໃຈສຸດທ້າຍຂອງຊີວິດ, ດັ່ງເລື່ອງລາວທີ່ເກີດຂຶ້ນກັບຊາຍຊາວຕ່າງຊາດ ທີ່ຫາລ້ຽງຄອບຄົວດ້່ວຍການຂາຍກະແລັມ ແລະ ຕ້ອງຈົບຊີວິດລົງຢູ່ທີ່ລົດຈັກຂາຍກະແລັມຂອງຕົນເອງ ໜ້າສັງເວດໃຈອີຫຼີ.

ສື່ຕ່າງປະເທດລາຍງານວ່າ ຊາວບ້ານໃນພື້ນທີ່ເລໂດຄອມໂບ ທາງຕະວັນອອກຂອງເກາະຊວາ ປະເທດມາເລເຊຍ ພົບຊາຍຫມົດລົມຫາຍໃຈນັ່ງຢູ່ລົດຈັກ ຮູ້ຊື່ພາຍຫລັງວ່າ Misyanto ອາຍຸ 66 ປີ ໂດຍພະຍານຜູ້ພົບເຫັນເລົ່າວ່າ ກຳລັງຂັບລົດມາຕາມທາງ ຈົນມາເຫັນລົດຂອງລຸງຄົນນີ້ຂວາງຢູ່ຈຶ່ງບີບແກເປັນສັນຍານ ແຕ່ກໍ່ໄຮ້ການຕອບສະໜອງຈຶ່ງເຮັດໃຫ້ເກີດຄວາມສົງໄສ ແລະ ເມື່ອເຂົາລົງໄປເບີ່ງກໍ່ພົບວ່າລຸງຄົນນີ້ບໍ່ມີສັນຍານຊີບແລ້ວ.

ເມື່ອໄດ້ຮັບແຈ້ງ ເຈົ້າຫນ້າທີ່ຕຳຫຼວດພ້ອມດ້ວຍກູ້ໄພຈຶ່ງເດີນທາງມາບ່ອນເກີດເຫດ ກວດສອບບໍ່ພົບຮ່ອງຮອຍການຕໍ່ສູ້ ຫຼື ໄດ້ຮັບບາດເຈັບໃດໆ ຈຶ່ງສັນນິຖານວ່າ ອາດຈະເກີດພາວະຫົວໃຈວາຍກະທັນຫັນເນື່ອງຈາກເຮັດວຽກຫນັກບໍ່ໄດ້ພັກຜ່ອນຢ່າງເຕັມທີ່ ຕົງກັບຄຳບອກເລົ່າຂອງຊາວບ້ານທີ່ພໍຮູ້ຈັກລຸງໄດ້ເລົ່າວ່າ Misyanto ມັກຈະອອກຂາຍກະແລ້ມຢ່າງບໍ່ຮູ້ຈັກເມື່ອຍເລີຍ ທັງນີ້ເພື່ອຫາເງິນມາລ້ຽງດູຄອບຄົວຂອງເຂົາໃຫ້ໄດ້ຫຼາຍທີ່ສຸດເທົ່າທີ່ຈະເຮັດໄດ້.

ທາງຄອບຄົວຂອງລຸງ Misyanto ບໍ່ໄດ້ຕິດໃຈສາເຫດການຕາຍແຕ່ຢ່າງໃດ ເພາະນອກຈາກຈະບໍ່ພົບຮ່ອງຮອຍການຕໍ່ສູ້ ກໍ່ຍັງບໍ່ພົບວ່າມີຊັບສິນຫາຍໄປແຕ່ຢ່າງໃດ ຈຶ່ງບໍ່ຕ້ອງການຊັນນະສູດຫາສາເຫດອີກຕໍ່ໄປ ພ້ອມທັງເລົ່າໃຫ້ຟັງວ່າລຸງ Misyanto ມັກຈົ່ມວ່າປວດຫົວ ແລະ ຫາຍໃຈບໍ່ອອກຢູ່ຕະຫຼອດ ແຕ່ກໍ່ຍັງດື້ດັນຈະອອກໄປຂາຍກະແລ້ມຫາເງິນຈົນໄດ້.

ແນວໃດກໍ່ຕາມແອັດມິນຂໍສະແດງຄວາມເສຍໃຈຕໍ່ຄອບຄົວຂອງລຸງດ້ວຍ

ທີ່ມາ : Suara Indonesia, World of Buzz