Tiktok ຂຶ້ນອັນດັບ 1 ແອັບພລິເຄຊັ່ນທີ່ຖືກດາວໂຫຼດຫຼາຍທີ່ສຸດໃນໂລກປີ 2020

Tiktok ຂຶ້ນອັນດັບ 1 ແອັບພລິເຄຊັ່ນທີ່ຖືກດາວໂຫຼດຫຼາຍທີ່ສຸດໃນໂລກປີ 2020

3rd May 2020 0 By Entertain

ດາວໂຫຼດແລ້ວຫຼືຍັງ? ປັດ​ຈຸ​ບັນTiktok ຂຶ້ນອັນດັບ 1 ແອັບພລິເຄຊັ່ນທີ່ຖືກດາວໂຫຼດຫຼາຍທີ່ສຸດໃນໂລກ​ປີ 2020

ເວັບໄຊທ໌ Sensortower ໄດ້ເປີດເຜີຍລາຍງານຫຼ້າສຸດໃນວັນທີ 29 ເມສາ 2020 ວ່າ Tiktok, ແອັບພລິເຄຊັ່ນສຸດຮິດ ທາງສະມາທ໌ໂຟນ ແລະ ແທັບເລັທ໌ ສັນຊາດຈີນ ທີ່ຜູ້ໃຊ້ງານສາມາດສ້າງສັນຜົນງານຂອງຕົນໃນຮູບແບບວິດີໂອສັ້ນ ແລະ ເຜີຍແຜ່ລົງສື່ສັງຄົມອອນໄລນ໌ ໄດ້ທຳລາຍສະຖິຕິໃໝ່ກາຍເປັນແອັບພລິເຄຊັ່ນທີ່ຖືກດາວໂຫຼດຫຼາຍທີ່ສຸດໃນໂລກ ປີ 2020 ປີທຳອິດດ້ວຍ ຍອດລວມ 315 ລ້ານກວ່າຄັ້ງ.

ປັດຈຸບັນ Tiktok ມີຍອດດາວໂຫຼດສະສົມຮອດໄຕມາດທຳອິດຂອງປີທັງໝົດປະມານ 2 ຕື້ຄັ້ງ ໂດຍແຍກເປັນຍອດດາວໂຫຼດຈາກ Play Store ຂອງ Android ຈຳນວນ 1.5 ຕື້ຄັ້ງ ແລະ ຈາກ App Store ຂອງ iOS ຈຳນວນ 495.2 ລ້ານຄັ້ງ.

ສຳລັບປະເທດທີ່ມີຍອດການດາວໂຫຼດຫຼາຍທີ່ສຸດໃນໂລກແມ່ນ ອິນເດຍ ທີ່ມີຜູ້ດາວໂຫຼດແລ້ວ ຈຳນວນ 611 ລ້ານຄັ້ງ, ຮອງລົງມາແມ່ນ ສປ ຈີນ ແລະ ສະຫະລັດອາເມຣິກາ ທີ່ມີຍອດການດາວໂຫຼດ ຈຳນວນ 196.6 ລ້ານຄັ້ງ ແລະ 165 ລ້ານຄັ້ງ ຕາມລຳດັບ ໂດຍສ່ວນໜຶ່ງທີ່ເຮັດໃຫ້ຍອດການດາວໂຫຼດເພິ່ມຂຶ້ນ ແມ່ນເນື່ອງຈາກການລະບາດຂອງ ໂຄວິດ ທີ່ຫຼາຍຄົນມີການໃຊ້ງານອິນເຕີເນັດ ແລະ ສື່ສັງຄົມອອນໄລນ໌ຫຼາຍຂຶ້ນ.

.

.

ທີ່ມາ: https://sensortower.com/blog/tiktok-downloads-2-billion