ກໍລະນີຕົວຢ່າງ! ໄດ້ຂໍ້ສະຫຼຸບແລ້ວເຫດແມ່ຄ້າໂກງຕາຊິງຢູ່ຕະຫຼາດສະຫວັນໄຊ

ກໍລະນີຕົວຢ່າງ! ໄດ້ຂໍ້ສະຫຼຸບແລ້ວເຫດແມ່ຄ້າໂກງຕາຊິງຢູ່ຕະຫຼາດສະຫວັນໄຊ

4th May 2020 0 By Education

ເປັນເລື່ອງລາວທີ່ແກ່ຍາວ ແລະ ເປັນກະແສທີ່ສັງຄົມວິພາກວິຈານຫຼາຍສົມຄວນ ສໍາລັບກໍລະນີເຫດການຜູ້ຊື້ໂພສປະຈານແມ່ຄ້າຂາຍເຄື່ອງຢູ່ຕະຫຼາດແຫ່ງໜຶ່ງຂອງແຂວງສະຫວັນນະເຂດ ວ່າມີການໂກງຕາຊິງກັນເກີດຂຶ້ນ, ເຊິ່ງກ່ອນໜ້ານີ້ແອັດມິນເຄີຍນໍາສະເໜີໄປແລ້ວກ່ຽວກັບກົກປາຍສາເຫດຂອງເລື່ອງດັ່ງກ່າວ ແຕ່ຫຼ້າສຸດ ພາກສ່ວນກ່ຽວຂ້ອງໄດ້ລົງມາແກ້ໄຂເລື່ອງດັ່ງກ່າວ ແລະ ໄດ້ຂໍ້ສະຫຼຸບແລ້ວ

ທ່ານ ພອນສະໄໝ ຈັນ ສີນາ ຫົວໜ້າພະແນກພະ ແນກວິທະຍາສາດ ແລະເຕັກ ໂນໂລຊີ ແຂວງສະຫວັນນະ ເຂດ ໃນນາມເປັນເສນາ ທິການໃຫ້ແກ່ການນຳຂອງ ແຂວງ ແລະການນຳຂອງ ກະຊວງວິທະຍາສາດ ແລະ ເຕັກໂນໂລຊີ, ຂໍຖະແຫຼງການ ຄືນກ່ຽວກັບປະກົດການຫຍໍ້ ທໍ້ທີ່ເກີດຂຶ້ນໃນສັງຄົມ, ໂດຍສະເພາະເລື່ອງ: ການ ຕິດຊັ່ງບໍ່ໄດ້ມາດຕະຖານຫຼືບໍ່ ເຕັມກິໂລຈຶ່ງເກີດມີຂໍ້ຂັດ ແຍ່ງລະຫວ່າງຜູ້ຂາຍ ແລະ ຜູ້ຊື້ມີການຖົກຖຽງກັນຢູ່ຕະ ຫຼາດສະຫວັນໄຊ ແຂວງສະ ຫວັນນະເຂດ,ຄັ້ງວັນທີ 20 ເມສາ 2020 ແລະມີການ ໂຟສ ອອກສື່ອອນລາຍສູ່ສັງ ຄົມ ແລະມີຄຳຄິດຄຳເຫັນ ຫຼາກຫຼາຍ ທັງດ້ານລົບ ແລະ ດ້ານບວກຕໍ່ການຄຸ້ມຄອງ ລັດຄຸ້ມຄອງສັງຄົມດ້ວຍລະ ບຽບ ແລະກົດໝາຍຂອງລັດ ເຮົາ.

ຕໍ່ກັບເຫດການດັ່ງກ່າວ ນັ້ນ ພາກລັດພວກເຮົາກໍ່ໍບໍ່ໄດ້ ນິ້ງນອນໃຈເບື້ອງຕົ້ນພະ ແນກພວກເຮົາໄດ້ຮັບການ ປະສານງານ ຈາກພະແນກ ອຸດສາຫະກຳ ແລະການຄ້າ ໃຫ້ແຕ່ງພະນັກງານຂອງພະ ແນກເຂົ້າຮ່ວມ ເພື່ອລົງໄປ ກວດກາເຫດການດັ່ງກ່າວ ແລະທາງພະແນກກໍ່ໄດ້ມອບ ໝາຍໃຫ້ຂະແໜງທີ່ຮັບຜິດ ຊອບວຽກນີ້ແຕ່ງກັນ ໄປຮ່ວມ ນຳຂະແໜງການຄ້າ ເພື່ອ ເກັບກຳຂໍ້ມູນເບື້ອງຕົ້ນດັ່ງ ທີ່ພວກທ່ານເຫັນໃນສື່ສັງຄົມ ອອນລາຍ.

ໃນນາມຂະແໜງ ວິທະຍາສາດ ແລະເຕັກໂນ ໂລຊີ ເຊິ່ງເປັນຂະແໜງຄຸ້ມ ຄອງມາດຕະຖານການຊັ່ງ, ການຜອງໄດ້ດຳເນີນການ ດັ່ງນີ້: ໄດ້ເຊີນເອົາຜູ້ຊື້ຜູ້ຂາຍ ມາໃຫ້ຂໍ້ມູນ, ພ້ອມທັງໄດ້ປະສານກັບຝ່າຍຈັດສັນຕະຫຼາດ ເບິ່ງກ້ອງວົງຈອນປິດເຫດ ການຄວາມເປັນຈິງຄືນໃໝ່, ໂດຍເອົາເຫດການໃຫ້ສຳ ພາດນັກຂາ່ວທັງຝ່າຍຊື້ ແລະຝ່າຍຂາຍມາປະກອບ ໃສ່.

ແລ້ວສະຫລຸບດັ່ງນີ້: ຝ່າຍຂາຍເຫັນວ່າຜິດກົດໝາຍວ່າ ດ້ວຍການວັດແທກການຊັ່ງຜອງ, ກິໂລກໍ່ຄືກິໂລບໍ່ມີກິໂລເຕັມ ແລະ ກິໂລບໍ່ເຕັມ, ໜຶ່ງກິໂລ ເທົ່າ 1000 ກະລາມ ຫຼື 10 ຂີດ. ຕາມປະມວນກົດໝາຍ ອາຍາສະບັບເລກທີ 26/ສພຊ, ລົງວັນທີ 17 ພຶດສະພາ 2017 ມາດຕາ 280 ກາປອມ ແປງຕາຊິງ ຫຼື ການວັດແທກ ບຸກຄົນໃດຫາກໄດ້ລັກໂລບການຊັ່ງ, ການຜອງ, ການວັດແທກໃນເວລາຊື້ຂາຍ, ແລກປ່ຽນ ຫຼື ໃຊ້ຊິງ, ເຄື່ອງຜອງ, ເຄື່ອງວັດແທກທີ່ດັດແປງ ຫຼື ທີ່ບໍ່ໄດ້ມາດຕະຖານເພື່ອລັກ ໂລບເອົາສິນຄ້າ ຫຼື ເງິນຈະຖືກລົງໂທດຕັດອິດສະລະພາບ ແຕ່ຫົກເດືອນຫາສອງປີ ແລະ ຈະຖືກປັບໄໝແຕ່ 5.000.000 ກີບຫາ 10.000.000 ກີບ.

ແຕ່ກໍລະນີດັ່ງກ່າວນີ້ ເນື່ອງຈາກວ່າການກະທຳຜິດຂອງຜູ້ກ່ຽວຍ້ອນຄວາມຮູ້ເທົ່າບໍ່ເຖິງການຍ້ອນຄວາມເຄີຍຊິນຢາກຊື້ຢາກຂາຍ ແລະ ເປັນການກະທຳຜິດຄັ້ງທຳອິດທີ່ສັງຄົມຈັບໄດ້, ອີກປະການໜຶ່ງມູນຄ່າການຊື້ຂາຍແມ່ນບໍ່ຫຼວງຫຼາຍບໍ່ເຖິງ 500.000 ກີບ ແລະ ລາວກໍ່ໄດ້ຈິງໃຈສົ່ງເງິນຜູ້ຊື້ຄືນຈຳນວນໜຶ່ງ, ທາງເຈົ້າໜ້າທີ່ພວກເຮົາ ຈຶ່ງໄດ້ເຮັດບົດບັນທຶກການກ່າວເຕືອນໃຫ້ຜູ້ກ່ຽວຮັບຮູ້ ແລະ ຍອມຮັບກ່ຽວກັບການກະທຳຜິດຂອງລາວ ແລະ ຫ້າມກະທຳຜິດຊຳ້ຊ້ອນອີກ. ໃຫ້ຜູ້ກ່ຽວ ອອກມາຍອມຮັບ ຕໍ່ການກະທຳຜິດດັ່ງກ່າວ ແລະ ຂໍໂທດຕໍ່ສັງຄົມ, ເພື່ອເປັນແບບຢ່າງໃຫ້ກັບຊາວຄ້າຂາຍດ້ວຍກັນໃຫ້ມີຄວາມ ຊື່ສັດຈິງໃຈ ກັບການປະກອບອາຊີບຂອງຕົນເອງບໍ່ເອົາລັດ ເອົາປຽບຜູ້ບໍລິໂພກ.

ຕໍ່ເຫດການດັ່ງກ່າວນີ້ ກໍ່ຢາກຝາກເຕືອນສະຕິພໍ່ ແມ່ພີ່ນ້ອງປະຊາຊົນທັງຜູ້ຂາຍ ແລະ ຜູ້ຊື້-ຜູ້ຂາຍກໍ່ຂໍໃຫ້ສັດຊື່ຈິງໃຈກັບການປະກອບອາຊີບທຳມາຫາກິນ ເພື່ອຄວາມໝັ້ນຄົງ ແລະຍືນຍົງໃນອາຊີບການງານຂອງຕົນເອງ, ບ້ານເມືອງມີການ ພັດທະນາການຄຸ້ມຄອງ ລັດຄຸ້ມຄອງສັງຄົມຫັນເຂົ້າສູ່ການບັງຄັບໃຊ້ກົດໝາຍທຸກສາຂາອາຊີບຕ້ອງໄດ້ພັດທະນາຕົນເອງແຂ່ງຂັນພາຍໃຕ້ລະບຽບ ແລະ ກົດໝາຍ.

ຜູ້ຊື້ ກໍລະນີສັງເກດເຫັນການຊັ່ງ ການຜອງຜິດປົກກະຕິກໍ່ໃຫ້ ໄປໃຊ້ບໍລິການຊິງກາງຕິດຄືນ ເພື່ອຄວາມຖືກຕ້ອງຊັດເຈນ. ໂດຍເຈົ້າໜ້າທີ່ພວກ ເຮົາໄດ້ໃຫ້ຜູ້ປະກອບການ ຕະຫຼາດຕິດຕັ້ງຊິງກາງພ້ອມ ປ້າຍ ແນະນຳໃຫ້ທົ່ວເຖິງເພື່ອຮັບປະກັນການຊື້-ຂາຍທີ່ຍຸຕິທຳ.

ທ່າມກາງສັງຄົມກຳລັງປະເຊີນຄວາມຫຍຸ້ງຍາກ ຈາກການລະບາດຂອງພະ ຍາດໂຄວິດ-19 ຂ້າພະເຈົ້າ ໃນນາມຕາງໜ້າພະແນກ ວິທະຍາສາດ ແລະເຕັກໂນ ໂລຊີແຂວງຂໍໃຫ້ທຸກທ່ານ ໃສ່ໃຈດູແລສຸຂະພາບຕົນເອງ ແລະຄົນອອ້ມຂ້າງ, ເຄັ່ງຄັດ ປະຕິບັດຕາມການແນະນຳ ຂອງຄະນະສະເພາະກິດ ຕ້ານໂຄວິດ-19 ພວກເຮົາ ຕ້ອງຜ່ານວິດກິດການນີ້ໄປ ດວ້ຍກັນແລກັບມາໃຊ້ຊີວິດ ແບບປົກກະຕິໂດຍໄວ

ທີ່ມາ: ສະຫວັນພັດທະນາຂ່າວ