ດ່ວນ! ຕອນບ່າຍມື້ນີ້ ລົມພາຍຸຖະຫຼົ່ມເມືອງແປກຢ່າງໜັກ

ດ່ວນ! ຕອນບ່າຍມື້ນີ້ ລົມພາຍຸຖະຫຼົ່ມເມືອງແປກຢ່າງໜັກ

4th May 2020 0 By Education

ປັດຈຸບັນ ໄລຍະເດືອນພຶດສະພາເຊິ່ງຍັງເປັນໄລຍະລະດູແລ້ງ ແລະ ມັກເກີດມີລົມພາຍຸລະດູຮ້ອນທີ່ມາພ້ອມກັບຄວາມຮຸນແຮງ ທັງໝາກເຫັບ, ຟ້າເຫຼື້ອມ, ຟ້າຜ່າ ຢູ່ເກືອບທຸກຂົງເຂດໃນທົ່ວປະເທດ ເຊິ່ງສ້າງຄວາມເສຍຫາຍໃຫ້ແກ່ຊັບສິນ ແລະ ຮ້າຍແຮງເຖິງຂັ້ນສູນເສຍຊີວິດອີກດ້ວຍ.

ແຕ່ໃນຕົ້ນອາທິດຜ່ານມາ, ສັງເກດເຫັນໄດ້ວ່າປາກົດການລົມພາຍຸ ເລີ່ມເບົາບາງລົງ ແຕ່ກໍ່ຍັງໄວ້ວາງໃຈບໍ່ໄດ້, ຫຼ້າສຸດ ຕອນບ່າຍມື້ນີ້ ວັນທີ 4 ພຶດສະພາ 2020 ຢູ່ທີ່ບ້ານນາໂອ ເມືອງແປກ ແຂວງຊຽງຂວາງ ເກັດພາຍຸຖະຫຼົ່ມຢ່າງຮຸນແຮງ ສົ່ງຜົນໃຫ້ປໍ້ານໍ້າມັນຂະໜາດໃຫຍ່ບ້ານນາໂອ ທີ່ຂຶ້ນກັບບ້ານໂພນສະຫວັນ ເມືອງແປກ ແຂວງຊຽງຂວາງ ຫັກເພລົງເສຍຫາຍຫຼາຍພໍສົມຄວນ.

ແຕ່ຄວາມເສຍຫາຍດັ່ງກ່າວຍັງບໍ່ສາມາດປະເມີນມູນຄ່າລາຍລະອຽດໄດ້ ແຕ່ກໍ່ຍັງໂຊກດີທີ່ບໍ່ມີຜູ້ໄດ້ຮັບບາດເຈັບ ຫຼື ເສຍຊີວິດຈາກເຫດການດັ່ງກ່າວ.

ພາບ-ຂໍ້ມູນ:ສົມພອນ ເທບທິລາດ