ສາວໂພສເຕືອນໄພ! ເຫັນແຕ່ຢູ່ຂ່າວບໍ່ຄິດວ່າຊິເກີດຂຶ້ນກັບໂຕເອງ ອາກາດຮ້ອນເປັນເຫດໂທລະສັບແຕກຄາຖົງໂສ້ງ

ສາວໂພສເຕືອນໄພ! ເຫັນແຕ່ຢູ່ຂ່າວບໍ່ຄິດວ່າຊິເກີດຂຶ້ນກັບໂຕເອງ ອາກາດຮ້ອນເປັນເຫດໂທລະສັບແຕກຄາຖົງໂສ້ງ

4th May 2020 0 By Education

ແອັດມິນເຄີຍນໍາສະເໜີໄປຫຼາຍກໍລະນີແລ້ວ ສໍາລັບເຫດການໂທລະສັບມືຖືແຕກຍ້ອນຫຼາຍສາຫເດບໍ່ວ່າຈະເປັນການສາກແລ້ວຫຼິ້ນໄປພ້ອມ, ສາຍສາກຊັອດໄຟຟ້າລັດວົງຈອນ, ໂທລະສັບ ຫຼື ພາວເວີແບ໋ງແຕກຄາລົດ ເຊິ່ງຫຼາຍເຫດການທີ່ນໍາສະເໜີໄປສ່ວນຫຼາຍແມ່ນເກີດຂຶ້ນຢູ່ປະເທດໄທ ແຕ່ເຫດການຫຼ້າສຸດທີ່ເກີດຂຶ້ນແມ່ນຢູ່ລາວເຮົາເອງ ໂທລະສັບແຕກຄາຖົງໂສ້ງ ແຕ່ຖືວ່າຍັງໂຊກດີທີ່ເຈົ້າຂອງໂທລະສັບບໍ່ບາດເຈັບຫຼາຍປານໃດ.

ເຫດການທີ່ແອັດມິນກໍາລັງເວົ້າເຖິງຢູ່ນີ້ ແມ່ນເກີດຂຶ້ນກັບຊາຍໜຸ່ມໂຊກຮ້າຍຄົນໜຶ່ງ ໂດຍພົບເຫັນຜ່ານການໂພສຜ່ານສື່ອອນລາຍເຕືອນສັງຄົມຂອງສາວຜູ້ໃຊ້ເຟສບຸກຊື່ວ່າ Amuaytonoy psv ໂດຍຜູ້ກ່ຽວລະບຸວ່າ: ເຫັນແຕ່ຢູ່ຂ່າວມາເຫັນໂຕຈີງຈົນຢ້ານພີ່ນ້ອງ, ຝາກເຕືອນເປັນອຸທາຫອນເດີ້ ໃຜມັກຫລີ້ນໂທລະສັບຫລາຍນະລະວັງແດ່ເດີ້ທຸກຄົນ; ອາກາດຮ້ອນແດ່ ບໍ່ໄດ້ຫລີ້ນໂທລະສັບເອົາໄວ້ໃສ່ຖົງໂສ້ງແຕກໃສ່ຖົງໂສ້ງເລີຍໄຫມ້ເປັນແປວອອກມາເລີຍເວີ້ຍ ພ້ອມລະບຸຍີ່ຫໍ້ ໂທລະສັບວ່າ ເປັນ ທລສ ໄອໂຟນ6ພາດ.

ຈາກເຫດການດັ່ງກ່າວທີ່ພົບເຫັນຄາຕາຢ້ານຈົນບໍ່ກ້າຫລີ້ນທລສຫລາຍລະ ພ້ອມບອກເຫດຜົນທີ່ໂພສເລື່ອງລາວດັ່ງກ່າວວ່າ ເອົາມາລົງເພື່ອອຸທາຫອນໃຫ້ແກ່ທຸກຄົນເດີ້, ແຕ່ກໍ່ຍັງໂຊກດີທີ່ໂທລະສັບຕົກລົງຟື້ນກ່ອນບໍ່ຊັ້ນຄົນເຈັບຫນັກ ພ້ອມແທັກຊື່ເຈົ້າຂອງໂທລະສັບ Nick Pst

ແນວໃດກໍ່ຕາມ ຂໍໃຫ້ເຫດການດັ່ງກ່າວເປັນອຸທາຫອນສໍາລັບທຸກຄົນ ໃຫ້ຫຼິ້ນໂທລະສັບຢ່າງມີສະຕິ ແລະ ພໍປະມານ, ການໃຊ້ງານກໍ່ຕ້ອງລະມັດລະວັງໃຫ້ດີ ບໍ່ດັ່ງນັ້ນ ອາດໂຊກຮ້າຍຕົກຢູ່ໃນກໍລະນີດຽວກັນກັບໜ່ມຄົນນີ້ກໍ່ເປັນໄດ້.