ແປກ! ທ່ານໝໍສູ້ໂຄວິດ-19 ຢູ່ຣັດເຊຍຕົກຈາກປ່ອງຢ້ຽມ 3ຄົນໃນ 2ອາທິດ ດັບສະລົດ 2ສົບ

ແປກ! ທ່ານໝໍສູ້ໂຄວິດ-19 ຢູ່ຣັດເຊຍຕົກຈາກປ່ອງຢ້ຽມ 3ຄົນໃນ 2ອາທິດ ດັບສະລົດ 2ສົບ

5th May 2020 0 By Education

ເກີດເຫດແພດໃນຣັດເຊຍຕົກຈາກປະຕູປ່ອງຢ້ຽມໃນໂຮງໝໍໂດຍບໍ່ຮູ້ສາເຫດເຖິງ 3ຄັ້ງໃນຮອບ 2ອາທິດ ໂດຍ 2ລາຍໃນຈໍານວນນີ້ເສຍຊີວິດ.

ສໍານັກຂ່າວ ຊີເອັນເອັນ ລາຍງານວ່າ ເກີດເຫດບຸກຄະລາກອນທາງການແພດໃນຣັດເຊຍ ເຊິ່ງເປັນກອງໜ້າຮັບມືຜູ້ຕິດເຊື້ອໂຄວິດ-19 ຕົກຈາກປະຕູປ່ອງຢ້ຽມຂອງໂຮງໝໍ ໂດຍບໍ່ຮູ້ສາເຫດເຖິງ 3ລາຍໃນ 2ອາທິ ແລະ 2ລາຍໃນນັ້ນ ເສຍຊີວິດ ສ່ວນອີກ 1ລາຍຍັງຕ້ອງປິ່ນປົວທີ່ໂຮງໝໍຕໍ່.

ແນວໃດກໍ່ຕາມ ປັດຈຸບັນຕໍາຫຼວດຣດເຊຍກໍາລັງສືບສວນຫາຂໍ້ເທັດຈິງໃນເລື່ອງນີ້ ຂະນະທີ່ເກີດການຄາດເດົາໄປຕ່າງໆນາໆ ໃນສື່ ແລະ ເຄືອຂ່າຍສັງຄົມອອນລາຍຂອງຣັດເຊຍ ວ່າເກີດຫຍັງຂຶ້ນກັນແທ້ ໂດຍບາງກະແສ ຊີ້ໄປເລື່ອງສະຖານະພາບການເຮັດວຽກຂອງແພດໝໍ ແລະ ຜູ້ຊ່ຽວຊານທາງການແພດ ທີ່ຕ້ອງຮັບມືກັບຜູ້ຕິດເຊື້ອໂຄວິດ-19 ເຊິ່ງເພີ່ມຂຶ້ນຢ່າງກ້າວກະໂດດ ໃນຊ່ວງຫຼາຍອາທິດທີ່ຜ່ານມາ.

ຂະນະດຽວກັນ ດ້ານໂຮງໝໍໂນວັສມັນສກາຢາ ອອກຖະແຫຼງການລະບຸວ່າ ທ້າວ ຊູເລປອຟ ໜຶ່ງໃນແພດທີ່ຕົກຈາກປ່ອງຢ້ຽມ ຖືກໃຫ້ອອກຈາກເວນທັນທີທີ່ລາວແຈ້ງຝ່າຍບໍລິຫານຂອງໂຮງໝໍວ່າຕົນເອງຕິດເຊື້ອ ແລະ ທາງໂຮງໝໍ ກໍ່ສະເໜີໃຫ້ລາວຮັບການປິ່ນປົວທີ່ພະແນກໂຣກຕິດຕໍ່ຂອງໂຮງໝໍດ້ວຍ ຈາກນັ້ນ 3ມື້ຕໍ່ມາຜູ້ກ່ຽວກໍ່ໂພສຄຣິບວີດີໂອທີ 2 ໂດຍຖອນຄໍາເວົ້າຂອງຕົນເອງ ແລະ ລະບຸວ່າທີ່ເວົ້າໄປໃນຄຣິບທໍາອິດວ່າຕົນເອງໄດ້ຮັບເຊື້ອແຕ່ຍັງຖືກບັງຄັບໃຫ້ເຮັດວຽກຕໍ່ນັ້ນຍ້ອນອາລົມໂກດເຄືອງ ໃນຄຣິບດຽວກັນຍັງມີພາບຫົວໜ້າແພດຂອງໂຮງໝໍກ່າວຢືນຢັນວ່າ ແພດທຸກຄົນມີອຸປະກອນປ້ອງກັນພຽງພໍ.

ອີກດ້ານໜຶ່ງ ດຣ ເອເລນາ ເນປອມນຽດຊະຢາ ຮັກສາການຫົວໜ້າແພດຂອງໂຮງໝໍແຫ່ງໜຶ່ງ ໃນເມືອງຄຫຼາສໂນຢາດ ໃນແຄ້ວນໄຊບີເຣຍ ຕົກຈາກປ່ອງຢ້ຍມລະຫວ່າງປະຊຸມຮ່ວມກັບເຈົ້າໜ້າທີ່ສາທາລະນະສຸກທ້ອງຖິ່ນ ເລື່ອງການປ່ຍນຄລີນິກ ເປັນສູນຮັກສາຜູ້ຕິດເຊື້ອໂຄວິດ-19 ໂດຍຜູ້ກ່ຽວບາດເຈັບສາຫັດປິ່ນປົວຢູ່ຫ້ອງໄອຊີຢູດົນເປັນອາທິດ ກ່ອນຈະເສຍຊີວິດເມື່ອວັນທີ 1 ພຶດສະພາທີ່ຜ່ານມາ.

ທັງນີ້ ສື່ທ້ອງຖິ່ນລາຍງານວ່າ ດຣ ເນປອມນຽດຊະຢາ ຄັດຄ້ານແຜນການປ່ຽວຄລີນິກເປັນສູນປິ່ນປົວຜູ້ຕິດເຊື້ອໂຄວິດ-19 ເນື່ອງຈາກມີບັນຫາຂາດແຄນອຸປະກອນປ້ອງກັນໃນໂຮງໝໍ ຢ່າງໃດກໍ່ຕາມ ສໍານັກງານໃນທ້ອງຖິ່ນຂອງກະຊວງສາທາລະນະສຸກອອກມາປະຕິເສດລາຍງານດັ່ງກ່າວ ໂດຍລະບຸວ່າ ໂຮງໝໍມີບ່ອນພຽງພໍສໍາລັບຜູ້ຕິດເຊື້ອໄວຣັດນີ້ ສ່ວນເຈົ້າໜ້າທີ່ກໍ່ຜ່ານການເຝິກຝົນ ແລະ ອຸປະກອນການແພດມີພຽງພໍ

ນອກຈາກນີ້ ໃນວັນທີ 24 ເມສາ 2020 ທີ່ຜ່ານມາ ດຣ ນາຕາເລຍ ເລເບເດວາ ຫົວໜ້າສູນບໍລິການສຸກເສີນໃນເມືອງສະຕາ ຊິຕີ້ ເຊິ່ງເປັນສູນເຝິກຫຼັກສໍາລັບນັກບິນອະວາກາດຂອງຣັດເຊຍ ເສຍຊີວິດຫຼັງຈາກຕົກຈາກປ່ອງຢ້ຽມຂອງໂຮງໝໍໃນສັງກັດ ສໍານັກງານຊີວະການແພດແຫ່ງຊາດ ໂດຍທາງໂຮງໝໍລະບຸວ່າ ເຂົາເຈົ້າ ປິ່ນປົວ ດຣ ເລເບເດວາ ເນື່ອງຈາກລາວຕ້ອງສົງໄສຕິດເຊື້ອໂຄວິດ-19 ແລະ ສິ່ງທີ່ເກີດຂຶ້ນນັບເປັນອຸບັດເຫດອັນໜ້າເສົ້າ ຢ່າງໃດກໍ່ຕາມ ທາງໂຮງໝໍບໍ່ໄດ້ເປີດເຜີຍລາຍລະອຽດວ່ານາງຕົກຈາກປ່ອງຢ້ຽມໄດ້ແນວໃດ.