ຂ່າວດ່ວນຂ່າວດີ! ໂຄງການຮຽນຟຣີ 40ວັນ ຊ່າງວິກຜົມ ຢໍ້າວ່າຟຣີທຸກຢ່າງ ກິນອີ່ມນຸ່ງອຸ່ນຕະຫຼອດໄລຍະການຮຽນ

ຂ່າວດ່ວນຂ່າວດີ! ໂຄງການຮຽນຟຣີ 40ວັນ ຊ່າງວິກຜົມ ຢໍ້າວ່າຟຣີທຸກຢ່າງ ກິນອີ່ມນຸ່ງອຸ່ນຕະຫຼອດໄລຍະການຮຽນ

5th May 2020 0 By Education

ມີຂ່າວດີມາຕ້ອນແຟນເພຈແອັດມິນອີກແລ້ວ ແລະ ມາແບບສົດໆຮ້ອນໆເລີຍ ສໍາລັບໂຄງການຮຽນຟຣີ 40ວັນ ຊ່າງວິກຜົມ ເຊິ່ງເປັນໂຄງການດີໆ ທີ່ສະຖາບັນພັດທະນາສີມືແຮງງານລາວ-ເກົາຫຼີ ຈັດຂຶ້ນ.

ໂຄງການດັ່ງກ່າວແມ່ນຮັບສະໝັກເພດຍິງ ຜູ້ທີ່ມີຄວາມສົນໃຈໃນວຽກງານຊ່າງວິກຜົມ ໂດຍກໍານົດອາຍຸ 16 ຫາ 30ປີ ບໍ່ຈໍາກັດການສຶກສາ. ເຊິ່ງສິດທິພິເສດທີ່ຈະໄດ້ຮັບ ລວມມີ ຮຽນຟຣີ, ອຸປະກອນການຮຽນຟຣີ, ເສື້ອຟຣີ, ຢູ່ຟຣີ ກິນຟຣີ, ໃຊ້ນໍ້າໃຊ້ໄຟຟຣີທຸກຢ່າງ.

ນອກຈາກນີ້ ຫຼັງຈາກຮຽນຈົບກໍ່ຈະມີວຽກທີ່ມີລາຍໄດ້ດີຮອງຮັບໄວ້ແລ້ວຢູ່ບໍລິສັດລາວຄວາລີຕີ ໂດຍມີຄ່າຕອບແທນທີ່ພະນັກງານຈະໄດ້ຮັບຄື ເງິນເດືອນ 1,1ລ້ານກີບ; ເງິນດຸໝັ່ນ 50 ພັນ ຫາ 1 ແສນກີບ; ເງິນຜະລິດ 250.000 ຫາ 2.000.000ລ້ານກີບ; ເງິນປີການ 25.000 ກີບ ຫາ 125.000ກີບ ພ້ອມດ້ວຍເງິນໂບນັດທ້າຍປີ.

ສ່ວນສະຖານທີ່ເຮັດວຽກແມ່ນໄດ້ເຮັດຢູ່ຫ້ອງແອ, ຢູ່ຟຣີກິນຟຣີ ມີຈັກຊັກເຄື່ອງໃຫ້ໃຊ້ພ້ອມແບບຟຣີໆ ພ້ອມມີປະກັນຊີວິດໃຫ້ໂດຍແມ່ນບໍລິສັດຈ່າຍໃຫ້ 100% ເວລາໄປໂຮງໝໍ, ຫາກໃຜສົນໃຈ ຕິດຕໍ່ຫາເບີນີ້ໄດ້ເລີຍ 020 5959 5479.