ໜັກໜ່ວງ! ຣັດເຊຍ ຂຶ້ນແຊງໜ້າ ອີຕາລີ ແລະ ອັງກິດ ມີຍອດຜູ້ຕິດເຊື້ອ ໂຄວິດ-19 ສະສົມ ສູງສຸດ ເປັນອັນດັບ 3 ຂອງໂລກ

ໜັກໜ່ວງ! ຣັດເຊຍ ຂຶ້ນແຊງໜ້າ ອີຕາລີ ແລະ ອັງກິດ ມີຍອດຜູ້ຕິດເຊື້ອ ໂຄວິດ-19 ສະສົມ ສູງສຸດ ເປັນອັນດັບ 3 ຂອງໂລກ

12th May 2020 0 By Education

ປັດຈຸບັນເຖິງແມ່ນວ່າສະພາບການລະບາດຂອງພະຍາດໂຄວິດ-19ຢູ່ພາຍໃນ ສປປ ລາວ ເຮົາເລີ່ມຜ່ອນຄາຍລົງ ແລະ ເປັນເວລາເກືອບເດືອນແລ້ວທີ່ບໍ່ພົບຜູ້ຕິດເຊື້ອເພີ່ມ ແຕ່ລັດຖະບານກໍ່ບໍ່ໄດ້ລະເລີງໃຈ ຍັງຄົງໃຫ້ປະຊາຊົນສືບຕໍ່ປະຕິບັດບາງມາດຕະການສະກັດກັ້ນ ແລະ ຄວບຄຸມພະຍາດນີ້ ແລະ ຜ່ອນຜັນບາງມາດຕະການເທົ່ານັ້ນ.

ທັງນີ້ສະພາບການລະບາດໃນທົ່ວສໂລກກັບຍັງຮຸນແຮງຂຶ້ນ ຍອດຜູ້ຕິດເຊື້ອສະສົມທະລຸ 4ລ້ານກວ່າຄົນແລ້ວ, ຂະນະດຽວກັນ ປັດຈຸບັນນີ້ ຣັດເຊຍຄືປະເທດທີ່ມີຜູ້ຕິດເຊື້ອເພີ່ມຂຶ້ນຢ່າງກະທົນຫັນ ໂດຍແຊງໜ້າອີຕາລີ ແລະ ອັງກິດ ມີຜູ້ຕິດເຊື້ອໃນມື້ດຽວສູງເຖິງ 11.656ຄົນ ໃນວັນທີ 11 ພຶດສະພາ 2020 ທີ່ຜ່ານມາ.

ສື່ນອກລາຍງານໃຫ້ຮູ້ວ່າ: ຣັດເຊຍມີຍອດຜູ້ຕິດເຊື້ອສະສົມແຊງໜ້າ ອີຕາລີ ແລະ ອັງກິດ ຂຶ້ນເປັນອັນດັບ 3 ຂອງໂລກ ຮອງຈາກ ສະຫະລັດ ອາເມລິກາ ແລະ ສະເປນ, ໂດຍມີຍອດ ຜູ້ຕິດເຊື້ອ ມື້ດຽວ ມີເຖິງ 11.656 ຄົນ ໃນວັນຈັນ ທີ 11 ພຶດສະພາ 2020, ກ່ອນທີ່ປະເທດ ຈະເຮັດການ ທົບທວນ ມາດຕະການ Lockdown ຄືນອີກຮອບໜຶ່ງ.

ຫຼາຍກ່ວາ 50% ຂອງການຕິດເຊື້ອໃຫມ່ ແມ່ນຢູ່ນະຄອນຫຼວງ ມົດສກູ ແລະ ສາເຫດຂອງການເພີ່ມຂຶ້ນ ຂອງຜູ້ຕິດເຊື້ອ ແມ່ນຍ້ອນ ການຈັດຕັ້ງປະຕິບັດ ໂຄງການກວດເຊື້ອ ທີ່ມີເຖິງ 5,6 ລ້ານ ເທື່ອ. ເຈັ້າຄອງນະຄອງຫຼວງກ່າວວ່າ ປະຊາກອນ ໃນນະຄອນຫຼວງມົດສກູ 12.7 ລ້ານຄົນ ອາດມີຜູ້ຕິດເຊື້ອ ສູງເຖິງ 300.000 ຄົນ.

ແຫລ່ງຂ່າວ: abc.net.au; ທີ່ມາ: Lao youth radio Fm 90.0 mhz