ເຄາະຊໍ້າກໍາຊັດ! ທໍາມະຊາດບໍ່ເຄີຍປານີໃຜ ພາຍຸຖະຫຼົ່ມເຮືອນປະຊາຊົນບ້ານຖໍ້າ ເສຍຫາຍ 7ຄອບຄົວ

ເຄາະຊໍ້າກໍາຊັດ! ທໍາມະຊາດບໍ່ເຄີຍປານີໃຜ ພາຍຸຖະຫຼົ່ມເຮືອນປະຊາຊົນບ້ານຖໍ້າ ເສຍຫາຍ 7ຄອບຄົວ

13th May 2020 0 By Education

ໃນອາທິດຜ່ານມາ ຫຼາຍເຂດໃນທົ່ວປະເທດໄດ້ຮັບຜົນກະທົບຈາກພາຍຸລະດູຮ້ອນໜັກເບົາແຕກຕ່າງກັນ, ບາງເຂດເສຍຫາຍໜັກ ທັງຊັບສິນເງິນຄໍາ ແລະ ຊີວິດ, ແຕ່ບາງເຂດກໍ່ໂຊກດີທີ່ເບົາບາງເສຍຫາຍເລັກໜ້ອຍເົທ່ານັ້ນ, ແຕ່ກໍລະນີຂອງປະຊາຊົນເຂດບ້ານຖໍ້າ ເມືອງ ງາ ແຂວງອຸດົມໄຊ ຖືວ່າໄດ້ຮັບຜົນກະທົບໜັກສົມຄວນ.

ຂ່າວເມືອງງາ ແຂວງ ອຸດົມໄຊ ລາຍງານໃຫ້ຮູ້ວ່າ: ມີ 7 ຄອບຄົວຢູ່ບ້ານ ຖໍ້າ ເມືອງງາ ແຂວງ ອຸດົມໄຊ ໄດ້ຮັບຜົນກະທົບຈາກພາຍຸພັດຖະຫຼົ່ມ ໃນຕອນທຽງຂອງວັນທີ່ 8 ພຶດສະພາ 2020 ນີ້ ເຮັດໃຫ້ເຮືອນຂອງປະຊາຊົນເປ່ເພ, ງ່າໄມ້ທັບໃສ່ເຮືອນ ເລົ້າເຂົ້າລົ້ມ , ສວນຢາງພາລາໄດ້ຮັບຜົນກະທົບ ແລະ ເຂົ້ານາແຊງລົ້ມເສຍຫາຍ ຫຼາຍພໍສົມຄວນ.

ແນວໃດກໍ່ຕາມ ຈາກສະພາບທີ່ເຫັນບ້ານເຮືອນປະຊາຊົນແມ່ນເປ່ເພຫຼາຍ ຈາກເຮືອນຫຼັງນ້ອຍຢູ່ແລ້ວ ຍັງໂຊກຮ້າຍມາຖືກໄພທໍາມະຊາດທໍາລາຍອີກ ຢ່າງໃດກໍ່ຕາມແອັດຂໍເປັນກໍາລັງໃຈໃຫ້ທຸກຄົນຜ່ານວິກິດນີ້ໄປນໍາກັນ.