ອາກາດຮ້ອນແບບນີ້! ຫາວິທີດັບຮ້ອນດ້ວຍການເຮັດຂອງຫວານໆເຢັນໆໄວ້ກິນດີກວ່າ

ອາກາດຮ້ອນແບບນີ້! ຫາວິທີດັບຮ້ອນດ້ວຍການເຮັດຂອງຫວານໆເຢັນໆໄວ້ກິນດີກວ່າ

15th May 2020 0 By Education

ຊ່ວງອາກາດຮ້ອນແບບນີ້ ໃຊ້ເວລາຫວ່າງເສົາ-ອາທິດເພີດເພີນໄປກັບການເຮັດຂອງຫວານກິນຫຼິ້ນເພື່ອດັບຄວາມຮ້ອນນໍາກັນດີກວ່າ ເຊິ່ງມື້ນີ້ແອັດມິນໄດ້ສູດການເຮັດກະແລັມໝາກຖົ່ວດໍາມາແບ່ງປັນໃຫ້ແຟນເພຈໄດ້ນໍາໄປທົດລອງເຮັດ ດ່ວຍວິທີງ່າຍໆ ສ່ວນປະກອບເບົາໆ ບໍ່ມີຫຍັງຫຍຸ້ງຍາກເລີຍ.

ກ່ອນອື່ນກຽມສ່ວນປະກອບເຫຼົ່ານີ້

ຖົ່ວດໍາ 300ກຣັມ

ນໍ້າສະອາດ 1,5 ລິດ

ຫົວກະທິແທ້ 500ມິນລີລິດ

ນໍ້າຕານຊາຍ 1 ຖ້ວຍ

ນົມຂົ້ນຫວານ 150 ກຣັມ

ເກືອ 2ບ້ວງກາເຟ

ໃບເຕີຍ 2 ຫາ 3ໃບ

ວີທີເຮັດ:

1 ແຊ່ໝາກຖົ່ວດໍາກັບນໍ້າສະອາດໄວ້ 1ຄືນ ຈາກນັ້ນນໍາມາຕົ້ມຈົນສຸກ ນໍາມາວາງພັກໄວ້ກ່ອນໃຫ້ສະເດັດນໍ້າ

2 ຕັ້ງມໍ້ຕົ້ມນໍ້າກະທິ ໂດຍຕັ້ງໄຟອ່ອນໆ ຢ່າໃຫ້ກະທິແຕກມັນ ໃສ່ນໍ້າຕານຊາຍ, ນົມຂົ້ນຫວານ, ເກືອ ແລະ ໃບເຕີຍມັດໃສ່ກັນ ຫຼັງຈາກນັ້ນຄົນໃຫ້ສ່ວນປະສົມລະລາຍ.

3 ເທຖົ່ວດໍາລົງໃນນໍ້າກະທິ ຕົ້ມຕໍ່ຈົນນໍ້າກະທິຊຶມເຂົ້າເນື້ອຖົ່ວດໍາ ແລ້ວຈຶ່ງປິດເຕົາ ປົງໝໍ້ມາພັກໄວ້ກ່ອນໃຫ້ເຊົາຮ້ອນ ຫຼື ພໍອຸ່ນໆ ຈາກນັ້ນນໍາໄປເທລົງແມ່ພິມ ສຍບໄມ້ໃຫ້ຮຽບຮ້ອຍແລ້ວນໍາໄປແຊ່ແຂງ 2ຊົ່ວໂມງ ຫຼື ຈົນກວ່າກະແລັມຈະແຂງ ພຽງເທົ່ານີ້ຖືເປັນຂັ້ນຕອນຈົບສິ່ນລໍຖ້າເອົາອອກມາກິນໄດ້ເລີຍ.