ຄືມາດຸແທ້! ອຸຕຸແຈ້ງອີກຄັ້ງ ພົບສັນຍານການເກີດແຜ່ນດິນໄຫວ ຢູ່ເຂດເມືອງແມດ

ຄືມາດຸແທ້! ອຸຕຸແຈ້ງອີກຄັ້ງ ພົບສັນຍານການເກີດແຜ່ນດິນໄຫວ ຢູ່ເຂດເມືອງແມດ

15th May 2020 0 By Education

ເປັນຄັ້ງທີ 3 ໃນຮອບເດືອນທີ່ແອັດມິນລາຍງານກ່ຽວກັບການພົບສັນຍານແຜ່ນດິນໄຫວຢູ່ປະເທດລາວ ເຊິ່ງຄັ້ງທໍາອິດແມ່ນຢູ່ເຂດເມືອງວັງວຽງ, ຄັ້ງທີ 2 ຢູ່ເຂດເມືອງພຽງ ແຂວງ ໄຊຍະບູລີ ແລະ ຄັ້ງຫຼ້າສຸດ ມື້ວານນີ້ 14 ພຶດສະພາ 2020 ແມ່ນເກີດຢູ່ ເມືອງແມດ ແຂວງວຽງຈັນ ແຕ່ຖືວ່າໂຊກດີ ທີ່ທັງ 3ຄັ້ງ ບໍ່ໄດ້ສ້າງຄວາມເສຍຫາຍຫຍັງ.

ພາບປະກອບຂ່າວເທົ່ານັ້ນ

ກົມອຸຕຸນິຍົມ ແລະ ອຸທົກກະສາດ ລາຍງານວ່າ: ລາຍງານສະພາບ ການເກີດແຜ່ນດິນໄຫວ ໃນວັນທີ 14 ພຶດສະພາ 2020, ເວລາ 22 ໂມງ 19 ນາທີ ໄດ້ພົບສັນຍານການເກີດແຜ່ນດິນໄຫວພາຍໃນປະເທດລາວ ຈໍານວນ 1 ຄັ້ງ ບໍລິ ເວນເຂດ ບ້ານ ນໍ້າພຸ, ເມືອງ ແມດ, ແຂວງ ວຽງຈັນ. ຊຶ່ງມີຈຸດສູນກາງຢູ່ ເສັ້ນຂະ ໜານທີ 18.52 ອົງສາເໜືອ ແລະ ເສັ້ນແວງທີ 101.51 ອົງສາຕາເວັນອອກ ຄວາມ ແຮງສັ່ນສະເທື່ອນວັດແທກໄດ້ 2.6 ຣິກເຕີ, ມີຄວາມເລິກຈາກໜ້າດິນ 1 ກິໂລ ແມັດ. ການພົບສັນຍານການເກີດແຜ່ນດິນໄຫວໃນຄັ້ງນີ້ເປັນແຜ່ນດິນ ໄຫວຂະ ໜາດນ້ອຍ ບໍ່ມີຜົນເສຍຫາຍ.

ພ້ອມນີ້ ກົມອຸຕຸຍັງໄດ້ລາຍງານສະພາບອາກາດປະຈໍາວັນທີ 15 ພຶດສະພາ 2020 ໄວ້ວ່າ: ຄວາມກົດດັນຕໍ່າຂອງອາກາດຮ້ອນຍັງສຶບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ອາກາດຮ້ອນ ຫາ ຮ້ອນເອົ້າຢູ່ທົ່ວໄປ ແລະ ອາກາດຍັງຈະຮ້ອນເອົ້າ ຫຼາຍຢູ່ແຂວງ ພາກໃຕ້ ແລະ ຈະມີຝົນຕົກຟ້າຮ້ອງ ຟ້າເຫຼຶ້ອມ, ໃນລະດັບຄ່ອຍ ຫາ ປານກາງ ພ້ອມຈະມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.