ສັນຍານທີ່ດີ ອາທິດໜ້າຂຶ້ນຍົນໄປຕ່າງແຂວງໄດ້ເລີຍ

ສັນຍານທີ່ດີ ອາທິດໜ້າຂຶ້ນຍົນໄປຕ່າງແຂວງໄດ້ເລີຍ

15th May 2020 0 By Education

ເຖິງວ່າຕອນນີ້ລົດໂດຍສານະຫວ່າງແຂວງ ຍັງບໍ່ມີວີ່ແວວທີ່ຈະເປີດບໍລິການຄືນ ແຕ່ຢ່າງໜ້ອຍສາຍການບິນເປີດໃຫ້ບໍລິການກໍ່ດີຂຶ້ນລະດັບໜຶ່ງ ຄົນທີ່ຄິດຮອດບ້ານ, ມີວຽກຈຳເປັນຈະໄດ້ເມືອເຮືອນເມືອຊານຢ່າງສະບາຍໃຈ ເລີ່ມແຕ່ອາທິດໜ້າເປັນຕົ້ນໄປ!!!

ເຊິ່ງຕອນບ່າຍມື້ນີ້ ບໍລິສັດລັດວິສາຫະກິດການບິນລາວ ໄດ້ປະກາດຂຈະເກີດບໍລິການຖ້ຽວບິນຄືນໃໝ່ ບັນດາເສັ້ນບິນພາຍໃນປະເທດນັບຕັ້ງແຕ່ວັນທີ​ 22 ພຶດສະພາ 2020 ເປັນຕົ້ນໄປ ຈິ່ງແຈ້ງເຖິງບັນດາລູກຄ້າທີ່ນັບຖື,​ ສາຍການບິນ ຜູ້ໃດມີຈຸດປະສົງຈະເດີນທາງກໍ່ສາມາດສອບຖາມຈອງບ່ອນໄດ້ຜ່ານສາຍດ່ວນ 1626 ຫຼື ຫ້ອງຂາຍປີ້-ຈອງບ່ອນຂອງການບິນລາວທຸກສາຂາ.

ຫຼັງຈາກນີ້ທຸກຢ່າງການສັນຈອນຄົງຄ່ອຍໆດີຂຶ້ນ ຫຼັງສາຍການບິນເປີດບໍລິການກໍ່ເຊື່ອວ່າ ລົດລາງພາຫະນະຈະຄ່ອຍໆໄດ້ຮັບການຜ່ອນຜັນ ແຕ່ທັ້ງນີ້ທຸກຄົນຕ້ອງຢູ່ໃນຄວາມລະມັດລະວັງເພາະພະຍາດລະບາດໂຄວິດ-19 ຍັງບໍ່ທັນຫ່າງຫາຍໄປຈາກໂລກນີ້ ແລະຍັງມີລັກສະນະເພີ່ມຂຶ້ນຢ່າງຕໍ່ເນື່ອງໃນຫຼາຍປະເທດ ສະນັ້ນ ພວກເຮົາຄົນລະຕ້ອງມີສະຕິໃນການໃຊ້ຊີວິດໃຫ້ຫຼາຍກວ່າຜ່ານມາ ດ້ວຍຄວາມຫວັງດີຈາກທີມຂ່າວ Central Update.