ຂ່າວດີ! ພີ່ນ້ອງທາງໃຕ້ມີເຮ ຄິວລົດໂດຍສານສາຍໃຕ້ ຈະເປີດໃຫ້ບໍລິການແລ້ວ ວັນຈັນນີ້

ຂ່າວດີ! ພີ່ນ້ອງທາງໃຕ້ມີເຮ ຄິວລົດໂດຍສານສາຍໃຕ້ ຈະເປີດໃຫ້ບໍລິການແລ້ວ ວັນຈັນນີ້

15th May 2020 0 By Education

ເປັນຂ່າວດີສໍາລັບທຸກຄົນຜູ້ຄອງຄອຍການເດີນທາງກັບບ້ານເກີເມືອງນອນ ໂດຍສະເພາະພີ່ນ້ອງທາງໃຕ້ເຮົາ ເມື່ອຄິວລົດສາຍໃຕ້ ອອກມາປະກາດຈະເລີ່ມເປີດບໍລິການແລ້ວ ວັນຈັນນີ້, ຫຼັງແຈ້ງປິດບໍລິການບໍ່ມີກໍານົດໄປກ່ອນໜ້ານີ້ບໍ່ເທົ່າໃດອາທິດ ຍິນດີນໍາເດີ້.

ຫຼັງຈາກທີ່ແຈ້ງການສະບັບເລກທີ 580/ຫສນຍ, ລົງວັນທີ 15 ພຶດສະພາ 2020 ອອກມາເຜີແຜ່ໃຫ້ປະຊາຊົນຮັບຮູ້ເຖິງບັນດາມາດຕະການທີ່ຕ້ອງສືບຕໍ່ຈັດຕັ້ງປະຕິບັດໃນຄໍາສັ່ງເລກທີ 06/ນຍ ແລະ ບາງມາດຕະການຜ່ອນຜັນ ທີ່ອະນຸຍາດໃຫ້ຄົນລາວເຮັດໄດ້ ເຊິ່ງໜຶ່ງໃນນັ້ນແມ່ນ ການເປີດການຂົນສົ່ງໂດຍສານ ທຸກປະເພດ ທັງທາງບົກ, ທາງນໍ້າ ແລະ ທາງອາກາດ ແຕ່ເປັນການບໍລິການພາຍໃນປະເທດເທົ່ານັ້ນ ແລະ ຕ້ອງປະຕິບັດມາດຕະການປ້ອງກັນພະຍາດໂຄວິດ-19 ຢ່າງເຂັ້ມງວດ.

ຫຼ້າສຸດ, ສະຖານີຂົນສົ່ງໂດຍສານສາຍໃຕ້ ອອກມາໂພສຂໍ້ຄວາມປະກາດຜ່ານເພຈເຟສບຸກຂອງສະຖານີ ວ່າ ຈະເລີ່ມເປີດບໍລິການຄືນ ໃນວັນທີ 18 ພຶດສະພາ 2020 ເລີ່ມ 4:00ໂມງເຊົ້າເປັນຕົ້ນໄປ.